Turizmi vijon "boom"-in edhe në Shkurt/ 51.5% më shumë hyrje, tejkalohet edhe viti 2020. Në rritje edhe daljet, me 40%
Statistikat e lëvizjes së shtetasve për muajin e dytë të këtij viti, të publikuar nga "Instituti i Statistikave", paraqesin një rritje të këtij treguesi, krahasuar me të njëjtën periudhë të një viti më parë. Konkretisht, në shkurt të vitit 2023, numri i shtetasve gjithsej që kanë hyrë në territorin shqiptar regjistrohet në 695,246, duke pësuar një rritje me 51.5% krahasuar me shkurtin e një viti më parë, i cili regjistronte 458,951 hyrje. Krahasuar me tetë vitet e fundit, shkurti i këtij viti shënon numrin më të lartë të hyrjeve gjithsej në territorin e Shqipërisë. Numri i hyrjeve të shkurtit 2023 kalon edhe nivelin më të lartë të periudhës para pandemisë, kur regjistroheshin në 616,496, ose 13% më pak se shkurti i këtij viti.
Numri i shtetasve shqiptarë që kanë hyrë në Shqipëri është 385,921 ose 56% të hyrjeve në total, ndërsa shtetasit e huaj përbëjnë 44% ose 309,325 të huaj gjithsej. Krahasuar me një vit më parë, numri i shtetasve të huaj që kanë hyrë në territorin shqiptar është rritur me 53.9%, nga 200,997 të huaj në shkurt të 2022-shit.
Nga ana tjetër, po të flasim për daljet e shtetasve shqiptarë dhe të huaj nga territori i Shqipërisë, gjatë muajit shkurt të vitit 2023, janë shënuar gjithsej 693,021 dalje duke pësuar kështu një rritje me 40.3%, po ta krahasojmë me të njëjtën periudhë të një viti më parë. Referuar INSTAT mbi numrin e shtetasve shqiptarë të dalë nga territori i vendit tonë, shifrat tregojnë se janë 389,654 shtetas që kanë dalë, nga 293,703 që ishte kjo shifër gjatë shkurtit të 2022-shit. Daljet e shtetasve të huaj nga territori i Shqipërisë gjatë muajit shkurt 2023, janë 303,367. Krahasuar me shkurtin e 2022-shit, ky numër është rritur me 51.5%.
Gjatë shkurtit, rajoni me numrin më të lartë të origjinës së shtetasve të huaj në Shqipëri vijon të jetë ai i Europës, me 300,057 shtetas, ndjekur nga Amerika me 6,250, ndërsa me numrin më të vogël të hyrjeve e regjistron Afrika me vetëm 184 shtetas. Megjithatë, këto shifra të publikuara nga Instat, flasin vetëm mbi lëvizjen e shtetasve të përmbledhura me rajone por prej disa muajsh mungon reflektimi i numrit të turistëve të huaj të specifikuar sipas vendit të origjinës.
Përsa i takon qëllimit të hyrjeve të shtetasve të huaj në territorin e Shqipërisë, dominohet nga kategoria e qëllimeve “personale”, dhe është regjistruar në 300,913, duke u rritur me 55.8% krahasuar me të njëjtën periudhë të një viti më parë. Kategoria e qëllimeve personale mbizotërohet nga nënkategoria “pushime, vizitë tek të afërmit” me rreth 95%, ndjekur nga nënkategoria “udhëtarë transit” me rreth 5%. Nga ana tjetër, shtetasit e huaj që kanë hyrë në Shqipëri për qëllime profesionale apo për biznes janë vetëm 8,412, duke u rritur me 6.3% krahasuar me shkurtin e vitit të kaluar.
Sondazh
Ushqimet shqiptare, rekord historik eksportesh/ Shifrat e shkurtit, Italia blen 1/3-tën e totalit. Peshku, “mbreti” i “Made in Albania”
Shifrat e tregtisë së jashtme për shkurtin tregojnë se eksporti i produkteve ushqimore nga Shqipëria ka prekur nivele rekord historike. Gjatë muajit të dytë të......
Turizmi e nisi vitin me "këmbë të mbarë" / 68% më shumë të huaj nëpër hotele në janar
Strukturat akomoduese duket se e kanë nisur mbarë vitin 2023 referuar të dhënave më të fundit nga “Instituti i Statistikave”. Sipas shifrave është rritur si......
Shqiptarët janë bërë më të lumtur! Por, sipas “Raportit Global të Lumturisë 2022”, mbetemi vendi i parafundit në rajon
“Raporti Global i Lumturisë 2023” e rendit Shqipërinë në vend të 83 mes 109 vendeve në total të marra në analizë, duke shënuar kështu për këtë edicion një......
Eurostat "zbut" inflacionin/ Çmimet u rritën më pak se në Europë, por ushqimet ngjiten me 11.8% përgjatë muajit shkurt
Instituti i Statistikave ka publikuar Indeksin e Harmonizuar të Çmimeve të Konsumit për muajin shkurt të vitit 2023, që mat rritjen e çmimeve sipas metodës së......
Privati, "dorëlëshuar" me rritjen e pagave? Instat: Në TIV 2022 rritje e ndjeshme e fondit të pagave nga biznesi
Shifrat nga “Instituti i Statistikave” në publikimin mbi statistikat afatshkurtra tregojnë se shërbimet gjatë tremujorit të fundit të vitit 2022 paraqiten me......
Ekonomia, e varur nga biznesi i vogël/ Zë 99.8% të ndërmarrjeve aktive gjithsej, pesha e të punësuarve në 81.6%
INSTAT ka publikuar statistikat për ndërmarrjet e vogla dhe të mesme për vitin 2021. Bazuar në shifrat e vrojtimit sa i përket statistikave strukturore, 99.8%......
Shteti apo privati, cili e amortizoi krizën? Në privat pagat u rritën dy herë më shumë se në shtet
Së fundmi, Kryeministri Rama i ka bërë apel sektorit privat për të reflektuar sa i përket rritjes së pagave, që të mos ta shtrëngojë dorën duke nënpaguar......
Inflacioni na “fshiu” thuajse një pagë mujore/ Zbriti mbi 3600 lekë çdo muaj nga paga, zbuloni sektorët më të prekur
Paga mesatare në vendin tonë është ngjitur pranë rreth 66 mijë lekëve gjatë tremujorit të fundit të vitit të kaluar, duke u rritur ndjeshëm krahasuar me......
