Shteti apo privati, cili e amortizoi krizën? Në privat pagat u rritën dy herë më shumë se në shtet
Së fundmi, Kryeministri Rama i ka bërë apel sektorit privat për të reflektuar sa i përket rritjes së pagave, që të mos ta shtrëngojë dorën duke nënpaguar punonjësit, në një kohë që në sektorin shtetëror pagat janë rritur. Por, çfarë thonë shifrat? Vetëm pak ditë më parë Instituti i Statistikave publikoi statistikat e pagave për vitin 2022, ku shihet e detajuar ecuria e tyre sipas sektorëve.
Sa i përket sektorit shtetëror, paga mesatare mujore bruto në tremujorin e 4-tët është ngjitur pranë 74,450 lekëve, nga 70,531 lekë që ishte në tremujorin e fundit të vitit 2021, në rritje me 5.5%, nën normën e rritjes së çmimeve në vendin tonë (prej mbi 7% në tremujorin e fundit të vitit). Në neto ndërkohë, paga në sektorin shtetëror është ngjitur në 60,333 lekë në tremujorin e fundit të vitit të kaluar, nga 57,362 lekë që ishte në fund të 2021-shit, në rritje me vetëm 5.2%. Në terma nominal bëhet fjalë për vetëm 2,971 lekë rritje të pagës mesatare në shtet gjatë vitit të kaluar, atë të krizës së madhe të çmimeve.
Po në sektorin privat, çfarë thonë shifrat? Në fund të vitit të kaluar paga bruto në sektorin privat u ngjit pranë 62,198 lekëvhe, nga 54,482 lekë që ishte në fund të 2021-shit, në rritje me plot 14.1%. Përkthyer në neto, paga në fund të vitit të kaluar fiksohet në 51,046 lekë, nga 45,197 lekë që ishte gjatë së njëjtës periudhë të vitit pararendës, në rritje me 12.94%, ndjeshëm mbi normën zyrtare të inflacionit në vendin tonë gjatë vitit të kaluar. Në terma nominal bëhet fjalë për 5,849 lekë rritje page në muaj për shqiptarët që punojnë në sektorin privat përgjatë vitit 2022.
Pra, shifrat flasin qartë, pagat në sektorin shtetëror janë rritur me vetëm 5.2% gjatë vitit të krizës, dhe ato në sektorin privat me thuajse 13%, mbi 2 herë më shumë. Në terma nominal, pra në vlerë, rritja e pagave në privat është dy herë më e lartë, 5,849 lekë kundrejt 2,971 lekëve. Veç kësaj, duket se sektori privat e ka amortizuar mjaftueshëm krizën e çmimeve, duke i rritur pagat mbi normën e inflacionit, ndërkohë që krej e kundërta ka ndodhur me sektorin shtetëror.
Por, pavarësisht kësaj, pagat në shtet vijojnë të mbeten më të larta se ato në privat, rreth 20%. Gjithsesi, ky hendek është ngushtuar ndjeshëm krahasuar me vitin 2021, kur pagat në shtet ishin 29.4% më të larta se në privat, apo në vitin 2020, kur ishin plot 34.5% më të larta.
Sondazh
Inflacioni na “fshiu” thuajse një pagë mujore/ Zbriti mbi 3600 lekë çdo muaj nga paga, zbuloni sektorët më të prekur
Paga mesatare në vendin tonë është ngjitur pranë rreth 66 mijë lekëve gjatë tremujorit të fundit të vitit të kaluar, duke u rritur ndjeshëm krahasuar me......
Shqipëria, e 4-ta në Europë me lindjet më të ulta/ Vetëm 1.31 lindje për grua, niveli më i ulët historik
Shqipëria vijon të regjistrojë shkallën më të ulët të lindshmërisë edhe për vitin 2021, krahasuar me vendet e Europës, tregojnë të dhënat nga “Agjencia......
Rritet paga mesatare me rreth 4401 lekë/ Arrin në 66 mijë mijë lekë në fund të 2022-shit, por rritet edhe papunësia
Paga mesatare bruto në Shqipëri për një të punësuar me pagë, gjatë tremujorit të katërt të vitit 2022, llogaritet në 66,014 lekë. Kështu, shifrat e publikimit......
12,561 shqiptarë ikën me gomone në Mbretërinë e Bashkuar në 2022-shin. Përbëjnë 28% të totalit
Parlamenti britanik në një dokument të publikuar së fundmi mbi skllavërinë modern nënvizon se kanë qenë plot 12,561 shqiptarë të cilët kanë shkuar me gomone......
Kreditë me probleme nisin vitin me rritje/ Në Janar norma ngjitet në 5.1%, nga 5% që ishte në Dhjetor
Sipas statistikave të fundit të publikuara nga Banka e Shqipërisë, norma e kredive me probleme ka shënuar rritje të lehtë gjatë muajit të parë të vitit 2023,......
Sa vjeç bëhen nëna gratë shqiptare? 26.6 vjeç për herë të parë, mosha e dytë më e re në Europë, por në rritje nga viti në vit
Të dhënat e “Agjencisë Europiane të Statistikave” tregojnë se Shqipëria renditet ndër vendet e para në Europë sa i përket moshës mesatare më të re të grave që......
Shqipëria, ndër 10 vendet më të lira në Europë për të karikuar një makinë elektrike/ Por, në rrugët tona ka vetëm 1245 automjete të tilla
Përdorimi i makinave elektrike është një mundësi shumë e mirë jo vetëm për reduktimin e ndotjes së ajrit, por gjithashtu edhe për të kursyer para në një kohë......
Inflacioni nuk po “sprapset”, 7.1% në Shkurt/ Çmime rekord të larta për bulmetin, veshjet, moblimin dhe mirëmbajtjen e shtëpisë
Edhe pse tashmë ka kaluar një vit nga nisja e luftës në Ukrainë bashkë me efektet që transmetoi në ekonominë globale, kryesisht sa i përket çmimeve, norma e......
