Rritet paga mesatare me rreth 4401 lekë/ Arrin në 66 mijë mijë lekë në fund të 2022-shit, por rritet edhe papunësia
Paga mesatare bruto në Shqipëri për një të punësuar me pagë, gjatë tremujorit të katërt të vitit 2022, llogaritet në 66,014 lekë. Kështu, shifrat e publikimit të “Institutit të Statistikave” mbi statistikat e pagave sinjalizojnë se paga mesatare bruto përgjatë tremujorit të katërt të këtij vitit është rritur me 10.8%, krahasuar me të njejtën periudhë të një viti më parë. Në tremujorin e katërt të vitit 2021, paga mesatare bruto llogaritej në 59,565 lekë.
Rritja në nivelin e pagave bruto vërehet edhe nëse do ta krahasonim me tremujorin paraardhës, pra tremujorin e tretë të vitit. Paga mesatare bruto për një të punësuar me pagë, gjatë tremujorit të katërt, krahasuar me të tretin, është rritur me 7.1%. Në tremujorin e tretë fiksohej pranë 61,613 lekëve. Pra, kemi të bëjmë me 4401 lekë rritje të pagës bruto në muaj. Nga analiza e të dhënave vihet re se të gjitha aktivitet ekonomike kanë pësuar rritje të pagës në terma tremujorësh. Rritjen më të lartë e ka shënuar “Aktivitetet financiare dhe të sigurimit” me 19.3%, ndjekur në radhë nga “Informacioni dhe komunikacioni” me 10.2%.
Krahasuar me të njëjtën periudhë të një viti më parë vihet re se rritjen më të madhe e ka regjistruar paga në aktivitetin e “Bujqësisë, pyjeve dhe peshkimit” prej 18.2 %. Aktiviteti i dytë i cili sinjalizon rritjen më të lartë të pagës përgjatë tremujorit të katërt në terma vjetorë është “Aktivitete financiare dhe të sigurimit” me 16.4%, ndjekur nga “Tregtia” me 15.6%. Të dhënat tregojnë se aktiviteti me ritmin më të ulët sa i përket rritjes së pagave është “Administrata publike dhe mbrojtjes; sigurimi social i detyrueshëm; arsimi; shëndetësia dhe aktivitete të punës sociale” prej 6.2 %.
Le të shohim si paraqitet niveli i pagës mesatare bruto sipas aktiviteteve dhe profesioneve referuar termave absolute. Shifrat tregojnë se “Aktivitetet financiare dhe të sigurimit” regjistrojnë pagën më të lartë bruto gjatë tremujorit të fundit të vitit 2022 me 142,141 lekë. Aktiviteti i dytë me pagën më të lartë të regjistruar është “Informacioni dhe Komunikacioni” me 103,520. “Administrata” vjen e treta në renditjen me pagën mesatare bruto më të lartë me 75,059 lekë. Ndërkohë bujqësia vijon të mbetet sërish në vend të fundit si aktiviteti me pagën me të ulët në rreth 42,428 lekë.
Nëse do të ndalemi për të analizuar nivelin e pagës sipas grup-profesioneve shohim se pagën më të lartë e regjistron profesioni “Manaxherë, Ligjvënës, nëpunës të lartë të administratës shtetërore dhe drejtorë ekzekutivë” me 109,465, ndjekur nga “Specialistë me arsim të lartë” me 86,542 lekë. Punonjësit e bujqësisë, si dhe punëtorë në profesione elemetare janë profesionet më pak të paguara përgjatë tremujorit të katërt të vitit.
Sa i përket papunësisë, norma në tremujorin e fundit të vitit të kaluar fiksohet pranë 10.8%, nga 10.6% që ishte në tremujorin e tretë të vitit 2022, duke u rritur kështu me 0.2 pikë përqindje. Rritja e normës së papunësisë vjen në një kohë që sektori privat po vuan një mungesë të theksuar të krahut të punës.
Sondazh
12,561 shqiptarë ikën me gomone në Mbretërinë e Bashkuar në 2022-shin. Përbëjnë 28% të totalit
Parlamenti britanik në një dokument të publikuar së fundmi mbi skllavërinë modern nënvizon se kanë qenë plot 12,561 shqiptarë të cilët kanë shkuar me gomone......
Kreditë me probleme nisin vitin me rritje/ Në Janar norma ngjitet në 5.1%, nga 5% që ishte në Dhjetor
Sipas statistikave të fundit të publikuara nga Banka e Shqipërisë, norma e kredive me probleme ka shënuar rritje të lehtë gjatë muajit të parë të vitit 2023,......
Sa vjeç bëhen nëna gratë shqiptare? 26.6 vjeç për herë të parë, mosha e dytë më e re në Europë, por në rritje nga viti në vit
Të dhënat e “Agjencisë Europiane të Statistikave” tregojnë se Shqipëria renditet ndër vendet e para në Europë sa i përket moshës mesatare më të re të grave që......
Shqipëria, ndër 10 vendet më të lira në Europë për të karikuar një makinë elektrike/ Por, në rrugët tona ka vetëm 1245 automjete të tilla
Përdorimi i makinave elektrike është një mundësi shumë e mirë jo vetëm për reduktimin e ndotjes së ajrit, por gjithashtu edhe për të kursyer para në një kohë......
Inflacioni nuk po “sprapset”, 7.1% në Shkurt/ Çmime rekord të larta për bulmetin, veshjet, moblimin dhe mirëmbajtjen e shtëpisë
Edhe pse tashmë ka kaluar një vit nga nisja e luftës në Ukrainë bashkë me efektet që transmetoi në ekonominë globale, kryesisht sa i përket çmimeve, norma e......
Energjia rrit çmimet e prodhimit dhe importit/ 21.4% dhe 6.7% më të shtrenjta në T4 2022, krahasuar me një vit më parë
Çmimet e prodhimit dhe të importit vijojnë në një tendencë në rritje edhe përgjatë tremujorit të katërt të vitit të kaluar sipas shifrave më të fundit nga......
Kostot në ndërtim rriten me 7%/ Shpenzimet për energji dhe materiale me ndikimin më të lartë
Të dhënat nga "Instituti i Statistikave" mbi kostot e ndërtimit për tremujorin e katërt të vitit të kaluar sinjalizojnë rritje si në terma vjetore, ashtu edhe......
Rreth 22% e të rriturve në Shqipëri janë obezë/ Femrat regjistrojnë normën më të lartë, parashikohet rritje alarmante e obezitetit
Obeziteti është faktor kryesor për shtimin e numrit së sëmundjeve në popullatë në të ardhmen dhe ndikon në produktivitetin e kësaj popullate. Por sa përqind e......
