Tregtia dhe ndërtimi kryesojnë kreditimin/ Zënë mbi 50% të huamarrjes gjatë shkurtit, rritje të ndjeshme për pasuritë e paluajtshme
Sipas shifrave të fundit të publikuara nga Banka e Shqipërisë për muajin e dytë të vitit 2023, vihet re një rritje e huave të reja të dhëna drejt bizneseve dhe korporatave jofinanciare private të cilësuara sipas aktivitetit të tyre ekonomik. Kështu, gjatë muajit shkurt flukset hyrëse të parasë në nivel huash të reja për biznesin fiksohen në 12.36 miliardë lekë. Krahasuar me shkurtin e vitit të kaluar, kemi një rritje të lehtë prej 2%, ose e thënë në vlerë absolute, me vetëm 245 milionë lekë. Krahasuar me të njëtën periudhë në shtatë vitet e fundit, shkurti i këtij vitit shënon vlerën e 3-të më të lartë, pas 2020-ës dhe 2017-ës.
Përsa i përket sektorëve që janë mbështetur më së shumti nga kreditë e shpërndara gjatë muajit shkurt shohim që mbizotëron “Tregtia me shumicë dhe me pakicë”, me 32%, ose 3.9 miliardë lekë, ku krahasuar me të njëjtën periudhë të një viti më parë zinte 27%, duke pësuar një rritje prej 5.4 pikë përqindje. “Ndërtimi” është sektori i dytë në nivel huash të reja, me 23% ose 2.7 miliardë lekë. Për ndërtimin, analiza e shifrave tregon se ka regjistruar një rritje, me 1.3 pikë përqindje krahasur me shkurtin e vitit të kaluar.
Peshë të konsiderueshme të kredive të reja zënë “Energjia elektrike, furnizimi me gaz, avull dhe ajër i kondicionuar”, me 10% ose 1.2 miliardë lekë dhe “Industria përpunuese” me 9% ose 1.1 miliardë lekë. “Aktivitete të pasurive të paluajtshme” zë rreth 8% ku krahasuar me shkurtin e vitit 2022 zinte vetëm 0.46%, duke pësuar një rritje të konsiderueshme me 7.6 pikë përqindje ose e shprehur në vlere absolute me rreth 939 milionë lekë. Kjo rritje, përbën një rekord historik, krahasuar me të njëjtën periudhë të shtatë viteve të fundit.
“Aktivitete të tjera shërbimi” dhe “Akomodimi dhe shërbimi ushqimor” janë sektorë që kanë marrë përkatësisht 6% dhe 5.9% të kredive të reja të financuara gjatë shkurtit të vitit 2023. Pjesa tjetër e sektorëve mbulon vetëm 6.55% të kredive ose rreth 809 milionë lekë.
Sondazh
Ekonomia shqiptare u rrit me 4.84% vjet/ "Bien" projeksionet pesimiste, ndërtimi "lokomotiva" e rritjes
Të dhënat paraprake nga “Instituti i Statistikave” nisur nga vlerësimet e tremujorit të katërt të vitit 2022, bëjnë me dije se ekonomia shqiptare u rrit me......
Depozitat, me rënien më të madhe që nga pandemia/ Bien me 1.2% në shkurt, 132 milionë euro më pak në banka
Pas dy muajh me radhë në rritje, depozitat në paranë e gjerë i janë rikthyer rënies, sinjalizojnë shifrat më të fundit nga Banka e Shqipërisë. Kështu,......
1 në 10 shqiptarë, s`ka mundësi për kujdes mjekësor/ Norma e dytë më e lartë në Europë e personave që nuk plotësojnë nevojat për ekzaminim
Referuar “Agjencisë Europiane të Statistikave” Shqiperia është vendi i dytë në Europë me përqindjen më të lartë të popullsisë së moshës 16 vjeç e lart që......
BSH “vulos” vitin rekord të turizmit/ 2.8 miliardë euro shpenzuan turistët në Shqipëri gjatë 2022-shit, si kurrë më parë
Banka e Shqipërisë ka publikuar një cikël statistikash sa i përket tremujorit të fundit të vitit të kaluar, duke përmbyllur kështu vitin e shkuar. Një ndër to......
2022-shi, vit rekord edhe për investimet e huaja/ 1.4 mld euro në një vit, 32% më shumë se 2021-shi. "Anonimet" në vend të parë, me 35% të totalit
Banka e Shqipërisë ka përditësuar shifrat e Investimeve të Huaja Direkte në vendin tonë për tremujorin e katërt të vitit. “Scan Intel” ka analizuar këto të......
30% e shqiptarëve nuk përballojnë internetin/ Kemi normën më të lartë në Europë të personave që nuk u`a mban xhepi ta lidhin në shtëpi
Sipas të dhënave të “Agjencisë Europiane të Statistikave” mbi kushtet sociale, Shqipëria ka përqindjen më të lartë të personave të cilët janë shprehur se nuk......
Tkurret numri i azilantëve shqiptarë në BE/ 6.1% më pak në Janar. Pakësohen largimet apo preferojnë më shumë Britaninë?
Shifrat nga “Agjencia për Azil e Bashkimit Europian” (EUAA) tregojnë se numri i kërkesave për azil e ka nisur me rënie vitin 2023. Përgjatë janarit të këtij......
Turizmi vijon "boom"-in edhe në Shkurt/ 51.5% më shumë hyrje, tejkalohet edhe viti 2020. Në rritje edhe daljet, me 40%
Statistikat e lëvizjes së shtetasve për muajin e dytë të këtij viti, të publikuar nga "Instituti i Statistikave", paraqesin një rritje të këtij treguesi,......
