Transporti konfirmon rënien e tregtisë/ Në rënie transporti i mallrave për nëntorin, me rritje pasagjerët
Të dhënat nga “Instituti i Statistikave” mbi tregtinë e jashtme përgjatë muajit nëntor, tregojnë për një rënie të volumit të mallrave të transportuara në rrugët detare dhe një rritje të lehtë të volumit të tyre të transportuara në rrugë ajrore dhe hekurudhore.
Transporti i mallrave në rrugë detare, i cili zë edhe peshën më të madhe, ka pësuar rënie deri në 28%, krahasuar me të njejtën periudhë të një viti më parë. Sa i përket volumit të mallrave të transportuara në rrugë hekurudhore rritja vjetore e tyre regjistrohet në 30.2%, ndërkohë që në rrugë ajrore regjistrohet në 7.7%.
“Scan Intel” e ka analizuar transportin e mallrave edhe përgjatë njëmbëdhjetë muajve të vitit nga ku vihet re se volumi i mallrave si në rrugë detare po ashtu edhe në rrugë hekurudhore ka pësuar rënie me 20.9% dhe 22,3%. Nga ana tjetër, volumi i mallrave të transportuara me ajër është i vetmi që ka pësuar një rritje të lehtë, ku përgjatë këtyre muajve rritja shënohet në 2.8%.
Nëse do të shohim transportin e pasagjerëve, numri i pasagjerëve në nëntor të këtij viti ka shënuar rritje, si në linja detare po ashtu edhe në linja ajrore. Të dhënat tregojnë se rritjen më të madhe e kanë regjistruar pasagjerët të cilët kanë udhëtuar në linja ajrore, me 70%, krahasuar me nëntorin e një viti më parë. Pasagjerët në linja detare po ashtu kanë shënuar rritje me 28.4% gjatë nëntorit, ndërkohë që me rënie paraqiten pasagjerët e linjave hekurudhore, me 84%. Le të ndalemi në interpretimin e shifrave për periudhën janar-nëntor. Të dhënat nga “Instituti i Statistikave” tregojnë se rritjen më të madhe gjatë kësaj periudhe e kanë pasagjerët të cilët kanë udhëtuar në linja ajrore, me 81.8%, ndërsa pasagjerët në linja detare janë rritur me rreth 60.7%, krahasuar me të njejtën periudhë të një viti më parë.
Numri i fluturimeve gjithashtu paraqitet pozititv edhe përgjatë nëntorit të këtij viti. Fluturimet e kryera janë 2,826 duke pësuar rritje me 33.1%, krahasuar me të njejtën periudhë të vitit të kaluar. Rritje vërehet edhe përgjatë njëmbëdhjetë muajve të vitit, me 50.6%.
Sondazh
"Ndërtimi" përshpejton rritjen ekonomike/ PBB ngjitet me 4.02% gjatë tremujorit të tretë, rritet edhe konsumi
Rritja ekonomike duket se ka përshpejtuar ritmin gjatë tremujorit të tretë të vitit sipas shifrave më të fundit nga "Instituti i Statistikave". Produkti i......
Investimet e huaja, konfirmohet vit rekord/ Pranë 1 mld eurove në 9 muaj. Turqia rikthehet në “skenë”. Pronat vijojnë të jenë në fokus
Banka e Shqipërisë ka përditësuar shifrat e Investimeve të Huaja Direkte në vendin tonë për tremujorin e tretë të vitit. “Scan Intel” ka analizuar imtësisht të......
Turizmi vazhdon me rekorde edhe në vjeshtë/ Gjatë tetorit, thuajse dyfish më shumë vizitorë se vitin e kaluar, netë qëndrimet rriten me 32.5%
Treguesit statistikorë mbi strukturat akomoduese paraqiten pozitivë dhe për muajin tetor të këtij viti, krahasuar më një vit më parë, tregojnë shifrat më të......
Eurostat "rrit" inflacionin/ Çmimet janë shtrenjtuar me 8% në Nëntor, sipas metodës europiane
Instituti i Statistikave ka publikuar Indeksin e Harmonizuar të Çmimeve të Konsumit për muajin nëntor, që fiksohet në 8%, ku vihet re se qëndron në të njëjtën......
Tregtia e jashtme bie ndjeshëm në nëntor/ Importet me rënien më të madhe, “frenohen” ushqimet. Sinjal i tkurrjes së konsumit?
Të dhënat më të fundit nga tregtia e jashtme për muajin nëntor të këtij viti tregojnë sinjale të qarta ngadalësimi. Kështu, shifrat e analizuara dhe përpunuara......
Eurostat sqaron arsyet përse shqiptarët nuk blejnë online/ Gjysma preferojnë dyqanet fizike, 25% nuk e ndjejnë të nevojshme, dhe të tjerët nuk dinë se si apo kanë "frikë"
“Agjencia Europiane e Statistikave” ka publikuara të dhënat e fundit mbi arsyet që pengojnë blerjen online, sipas perceptimeve të individëve. Referuar të......
Konsumi është rritur/ Shitjet me pakicë, rritje me 4.6% këtë sezon veror. Ushqimet, pijet dhe duhani, me rritjen më të madhe
Shifrat e "Institutit të Statistikave" sinjalizojnë rritje të shitjeve më pakicë gjatë tremujorit të tretë të këtij me 4.6%, krahasuar me një vit më parë.......
1 në 2 persona me aftësi të kufizuar, në rrezik varfërie/ Eurostat: Shqipëria kryeson Europën me normën më të lartë
Shqipëria mban vendin e parë në Europë me përqindjen më të lartë të personave më aftësi të kufizuar të cilët janë në rrezik të varfërisë apo përjashtimit......
