Eurostat "rrit" inflacionin/ Çmimet janë shtrenjtuar me 8% në Nëntor, sipas metodës europiane
Instituti i Statistikave ka publikuar Indeksin e Harmonizuar të Çmimeve të Konsumit për muajin nëntor, që fiksohet në 8%, ku vihet re se qëndron në të njëjtën vlerë me muajin e kaluar. Ky indeks vlerësohet nga Instat për të matur inflacionin në vend sipas metodës së Eurostat, ndërsa kjo vlerë kalon për herë të parë vlerën e inflacionit të raportuar sipas metodës vendase, që përgjatë muajit nëntor kishte pësuar rënie në vlerën e 7.9%.
Ashtu siç është sjellë në vëmendje edhe më parë, në të dyja rastet inflacioni përllogaritet nga i njëjti institucion, por ka diferenca të vogla për shkak të peshës që i jepet secilit grup në normën e inflacionit, si dhe në varësi të numrit të produkteve dhe shërbimeve që merren në konsideratë, pavarësisht se ky ndryshim i fundit është thuajse i papërfillshëm. Këto ndryshime në pesha janë të theksuara sidomos sa i përket transportit dhe grupit të “qira, ujë, lëndë djegëse, energji”.
Njësoj me muajin e kaluar, rritja më e madhe e çmimeve, prej 13,8% vërehet në grupin “Ushqime dhe pije joalkoolike”, pasuar nga grupet “Transporti” me 9,4%, “Mobilim, pajisje shtëpie dhe mirëmbajtje” me 6,3%, “Pije alkoolike dhe duhan” me 5,5%, “Veshje dhe këpucë” dhe “Hotele, kafene dhe restorante” me 4,6% secili, “Qira, ujë, lëndë djegëse dhe energji” dhe “Mallra dhe shërbime të ndryshme” me 4,1% secili, “Shërbimi arsimor” me 2,5%, “Shëndeti” me 2,4%, “Argëtim dhe kulturë” me 1,3% dhe “Komunikimi” me 1,0%.
Për më tepër, ndryshimi mujor i matur nga Indeksi i Harmonizuar i Çmimeve të Konsumit është -0,1%. Ky ndryshim është ndikuar kryesisht nga ulja e çmimeve të grupit “Transporti”, me 2,4%, pasuar nga grupet “Ushqime dhe pije joalkoolike” me 0,7% dhe “Qira, ujë, lëndë djegëse dhe energji” me 0,1%. Nga ana tjetër, çmimet e grupit “Hotele, kafene dhe restorante” u rritën me 2,0%, pasuar nga grupet “Veshje dhe këpucë” me 0,6%, “Komunikimi” dhe “Argëtim dhe kulturë” me 0,5% secili, “Pije alkoolike dhe duhan”, “Shërbimi arsimor” dhe “Mallra dhe shërbime të ndryshme” me 0,2% secili, “Mobilim, pajisje shtëpie dhe mirëmbajtje” dhe “Shëndeti” me 0,1% secili.
Të dhënat tregojnë se, Shqipëria ka lëvizur me dy pozicione në renditje sa i përket rritjes së çmimeve, përkatësisht në vendin e tetë nga fundi, duke lënë pas vende si Luksemburgu dhe Norvegjia. Shifrat e publikuara tregojnë një mesatare të rritjes vjetore të çmimeve në Bashkimin Europian përgjatë muajit tetor, me 11.1%. Krahasuar me muajin tetor, mesatarja e rritjes vjetore të çmimeve në union është ulur me 0.4 pikë përqindje. Vende si Hungaria, Letoni, Estoni dhe Lituania kryesojnë listën e shteteve me rritjen më të lartë të çmimeve. Nga ana tjetër, Shqipëria rezulton të ketë një rritje më të lartë çmimesh krahasuar me vende si Luksemburgu, Norvegjia, Spanja, Franca, Islanda, Malta dhe Zvicra.
Ndryshimi vjetor i IHÇK sipas Shteteve, Nëntor 2022
Sondazh
Tregtia e jashtme bie ndjeshëm në nëntor/ Importet me rënien më të madhe, “frenohen” ushqimet. Sinjal i tkurrjes së konsumit?
Të dhënat më të fundit nga tregtia e jashtme për muajin nëntor të këtij viti tregojnë sinjale të qarta ngadalësimi. Kështu, shifrat e analizuara dhe përpunuara......
Eurostat sqaron arsyet përse shqiptarët nuk blejnë online/ Gjysma preferojnë dyqanet fizike, 25% nuk e ndjejnë të nevojshme, dhe të tjerët nuk dinë se si apo kanë "frikë"
“Agjencia Europiane e Statistikave” ka publikuara të dhënat e fundit mbi arsyet që pengojnë blerjen online, sipas perceptimeve të individëve. Referuar të......
Konsumi është rritur/ Shitjet me pakicë, rritje me 4.6% këtë sezon veror. Ushqimet, pijet dhe duhani, me rritjen më të madhe
Shifrat e "Institutit të Statistikave" sinjalizojnë rritje të shitjeve më pakicë gjatë tremujorit të tretë të këtij me 4.6%, krahasuar me një vit më parë.......
1 në 2 persona me aftësi të kufizuar, në rrezik varfërie/ Eurostat: Shqipëria kryeson Europën me normën më të lartë
Shqipëria mban vendin e parë në Europë me përqindjen më të lartë të personave më aftësi të kufizuar të cilët janë në rrezik të varfërisë apo përjashtimit......
Rekord edhe për të ardhurat nga puna jashtë/ Arrijnë në 108 mln euro për TIII, si kurrë më parë
Të dhënat e Bankës së Shqipërisë tregojnë se të ardhurat e shqiptarëve nga puna jashtë vendit për tremujorin e tretë kanë shkuar në vlerën 108.18 mln euro,......
Emigrantët po “amortizojnë” krizën e familjeve/ Remitancat arrijnë rekordin historik këtë vit, 216 milionë euro në 3 muaj
Gjatë tremujorit të tretë të këtij viti, remitancat kanë regjistruar nivelin e 4-tët më ta lartë histori, pas tremujorit të fundi të vitit të kaluar, atij të......
Shqiptarët, më të shëndetshmit në Europë? EUROSTAT: 9 në 10 të rinj në Shqipëri e perceptojnë shëndetin e tyre si shumë të mirë, kryesojmë Europën
Të dhënat e “Agjencisë Europiane të Statistikave” tregojnë se Shqipëria është ndër vendet e para në Europë me përqindjen më të lartë të personave të cilët e......
Borxhi i Jashtëm Bruto shkon në 9.94 mld euro/ Rritet me thuajse 1 mld euro në një vit, arrin në 3560 euro për frymë
Shifrat e fundit të publikuara nga Banka e Shqipërisë, sinjalizojnë se Borxhi i Jashtëm Bruto ka prekur një rekord të ri gjatë tremujorit të tretë të këtij......
