“Të blesh gaz nga Rusia, imorale, por e pashmangshme” - Kancelari austriak Nehamer: Duhet të përmbush detyrimet e mia!
Kancelari austriak Karl Nehamer deklaroi se, blerja e gazit nga Rusia është moralisht e pakëndshme, por nuk mund të shmanget dhe kjo është detyra e tij si kancelar federal.
Ai theksoi se gjatë vitit të kaluar Austria filloi të zvogëlojë varësinë e saj energjetike nga Rusia. Nehamer shtoi se prioriteti numër një mbetet siguria e furnizimit me energji. Nëse shkelet, sipas tij, prishet sistemi, prodhimi dhe furnizimi i njerëzve me energji elektrike. Pra, së pari po flitet për sigurimin e furnizimit me energji, theksoi ai.
Kancelari austriak sqaroi se kompania vendase e naftës dhe gazit OMV ka kontrata me Gazprom deri në vitin 2040 dhe një ndërprerje e njëanshme do t'i kushtonte Austrisë.
Kontrata aktuale për tranzitin e gazit rus përmes Ukrainës, që gjithashtu vjen në Austri, përfundon në fund të vitit 2024. Më herët, ish-kreu i OMV, tha se Austria duhet të përgatitet për faktin se nuk do të marrë gazin rus përmes Ukrainës pas përfundimit të kontratës së tranzitit.
Austria, ndryshe nga pjesa më e madhe e vendeve të Bashkimit Europian, po blen ende pothuajse po aq gaz natyror nga Rusia sa para luftës në Ukrainë.
Gjermania, e cila merrte 55% të furnizimit të saj nga Rusia para luftës, tani nuk importon. Polonia, Bullgaria dhe Republika Çeke kanë ndalur, ose janë afër ndalimit të flukseve. Edhe Italia ka reduktuar vazhdimisht importet dhe premton të jetë pa gaz natyror rus deri në fund të këtij viti.
Në të kundërt, Austria, e cila merrte gati 80 % të gazit të saj nga Rusia përpara pushtimit, ende mori më shumë se gjysmën e totalit të saj nga Rusia në maj. “Për sa kohë që Rusia shet gaz, Austria do ta blejë atë”, deklaroi shefi ekzekutiv i kompanisë energjetike austriake OMV Group.
Austria, vendi i parë i Europës Perëndimore që nënshkroi një kontratë gazi me Bashkimin Sovjetik në vitin 1968, ka qenë për dekada të tëra e varur nga gazi i dërguar nga Rusia.
Një ndërprerje e menjëhershme do të çonte në shkatërrim ekonomik dhe papunësi masive, sipas kancelarit Karl Nehammer.
Dorina Kurtaj / SCAN
Sondazh
Akomodimi, Shqipëria kryeson rajonin - Regjistrojmë numrin më të lartë të ndërmarrjeve në këtë sektor duke lënë pas Serbinë
Sipas “Bifidex”, regjistri rajonal i biznesit, Shqipëria kryeson rajonin me numrin më të lartë të ndërmarrjeve në sektorin e akomodimit dhe shërbimit ushqimor.......
Bizneset “rrëzojnë” taksën e pronës - “Hapësirë për abuzim me qytetarët, norma tatimore shumë e lartë”
Dhoma Amerikane e Tregtisë ka një sërë rezervash për projektligjin e taksimit të pasurive të paluajtshme, duke e cilësuar atë një dokument me probleme......
Egjipti blen privatisht 480 mijë ton grurë rus - Putin premton furnizim edhe për 6 vende afrikane
Egjipti bleu rreth gjysmë milioni ton grurë rus përmes kanaleve private, me çmime më të ulëta se ato të ofruara në tenderët e rregullt. Autoriteti i......
A po ulet varësia e Shqipërisë për drithëra nga importi? - Raporti midis prodhimit vendas dhe sasisë së blerë nga jashtë
Vendi ynë u prek ndjeshëm nga pasojat e luftës së Rusisë në Ukrainë gjatë vitit që kaloi e cila tronditi tregjet botërore dhe marrëveshjet tregtare. Një ndër......
Kriza kineze, “drithërima” në Perëndim - Rritja ekonomike po “mbytet”. Konsumi dhe investimet e huaja po bien
Rreth tre javë më parë, presidenti amerikan Biden e krahasoi Kinën me një "bombë me sahat në themelet e ekonomisë globale", duke iu referuar patologjive të saj......
Kostot në ndërtim, më të lira se një vit më parë - Çmimet në sektor u rritën me 4.7% në 3-mujorin e dytë. Ndikuan materialet dhe energjia
Indeksi i Kushtimit në Ndërtim, tregues i cili mat ecurinë e çmimeve në sektor, me bazë tremujore, për tre muajt e dytë të këtij viti fiksohet pranë 4.7%,......
Korrik, dominon kredia për tregti e riparim makinash - Fluksi i huave të reja, në rënie të dukshme krahasuar me qershorin
Ndërsa kredia e dhënë nga bankat për bizneset ka shënuar rënie të flukseve gjatë korrikut, në rritje të fortë është vetëm grupi “Tregtia me shumicë dhe me......
Ç’ndodh me AMF deri në zgjedhjen e kryetarit të ri - Funksionet mbulohen nga Nëndrejtori Ekzekutiv, Qeveria propozon emrin e ri
Tre vjet pas emërimit të Ervin Metes në detyrën e Drejtorit të Përgjithshëm Ekzekutiv, Autoriteti i Mbikqyrjes Financiare mbetet pa drejtues për shkak të......
