“Sistemi financiar ka përparuar” - BB e FMN japin vlerësimin: Shqipëria, me infrastrukturë pagesash më të modernizuar
Sistemi financiar shqiptar ka përparuar ndjeshëm përgjatë viteve të fundit. Kështu janë shprehur përfaqësuesit e misionit të përbashkët të Fondit Monetar Ndërkombëtar (FMN) dhe Bankës Botërore (BB), në kuadër të përmbylljes së Programit të Vlerësimit të Sektorit Financiar për Shqipërinë.
Në takimin e fundit, përfaqësuesit e këtij programi theksuan gjithashtu edhe përparimin e bërë nga kuadri rregullator që prej vlerësimit të mëparshëm në periudhën 2013–2014. Sipas vlerësimit të tyre, tani Shqipëria ka institucione financiare më të shëndetshme, një sistem financiar më të larmishëm, me një infrastrukturë pagesash të modernizuar, zgjerim të ndërmjetësimit financiar dhe adoptim të risive teknologjike në ofrimin e produkteve financiare.
Këto zhvillime janë mbështetur nga një kuadër ligjor dhe rregullativ që është përafruar ndjeshëm me atë të Bashkimit Evropian, duke mundësuar një mbikëqyrje më efektive dhe më të plotë nga autoritetet publike përkatëse.
Megjithatë, sistemi financiar vepron në një mjedis ekonomik që ndryshon vazhdimisht, duke ofruar mundësi dhe sfida të reja. Në këtë kuadër, rekomandimet e vlerësimit të programit synojnë që sistemi financiar të mbetet i qëndrueshëm përballë sfidave të së ardhmes, duke rritur kontributin e tij në financimin e ekonomisë reale dhe përmirësuar kapacitetet në drejtim të administrimit të rreziqeve të veprimtarisë.
Më tej, u theksua mundësia unike që rekomandimet e procesit të vlerësimit të programit të bëhen pjesë e ndryshimeve ligjore dhe operacionale që autoritetet shqiptare po përmbushin në kuadër të përafrimit me standardet dhe praktikat e Bashkimit Evropian.
Nga ana tjetër, Guvernatori i Bankës së Shqipërisë, Gent Sejko, shprehu angazhimin e palës shqiptare për të analizuar me kujdes dokumentet e vlerësimit. Ashtu si më parë, rekomandimet nga ky program do t’i shërbejnë autoriteteve shqiptare për të fuqizuar procesin e reformave të sistemit financiar në afatin e mesëm.
Autoriteti i Mbikëqyrjes Financiare ka qenë po ashtu një nga institucionet kyçe të përfshira në procesin e vlerësimit të FSAP, në përputhje me rolin dhe përgjegjësitë e tij për mbikëqyrjen e tregjeve financiare jobankare. Në këtë kuadër, ekspertët e AMF-së kanë kontribuar në mënyrë aktive në procesin teknik të vlerësimit si dhe në përgatitjen dhe diskutimin e draft-notave teknike për fusha me rëndësi të veçantë për zhvillimin dhe qëndrueshmërinë e tregjeve financiare, përfshirë Shërbimet Financiare Digjitale, Tregjet e Kapitalit dhe Qendrueshmërinë Kibernetike.
Drejtoresha e Përgjithshme Ekzekutive e Autoritetit të Mbikëqyrjes Financiare, Adela Xhemali, theksoi se AMF do të angazhohet në zbatimin e reformave që synojnë përafrimin dhe forcimin e mëtejshëm të kuadrit rregullator dhe mbikëqyrës, rritjen e qëndrueshmërisë dhe reziliencës së tregjeve financiare jobankare, si dhe avancimin e vazhdueshëm drejt standardeve dhe praktikat më të mira ndërkombëtare, në funksion të stabilitetit financiar dhe procesit të integrimit evropian të vendit.
Takimi i Trumpit me CEO-t e teknologjisë, në kërkim të ekuilibrit për inteligjencën artificiale
Takimi i Presidentit Donald Trump me drejtuesit ekzekutivë të teknologjisë mbi inteligjencën artificiale të martën do të përqendrohet në gjetjen e një......
Letonia e përkushtuar tek fibrat optike: eksporton më shumë se 90% të prodhimit të saj
Letonia po përqendrohet në një product ë caktuar teknologjik: fibrat optike. Ajo eksporton më shumë se 90% të prodhimit të saj. Kjo teknologji e gjithanshme,......
Kriza energjetike: "50 milionë evropianë mund të përballen me dilemën e ngrohjes ose ushqimit"
Komisioneri i Energjisë i BE-së, Dan Jorgensen, po jep alarmin në lidhje me kostot e energjisë dhe ndikimin e tyre në familjet evropiane , duke paralajmëruar......
Bullgaria: Vendi me 6.4 milionë banorë lideri europian i ruajtjes së energjisë në bateri
Bullgaria po shfaqet si një lider evropian në ruajtjen e energjisë në bateri . Burokracia e reduktuar, financimi nga Bashkimi Evropian dhe interesi vendas në......
Kthimi i madh i tankeve në Evropë, Italia: 23 miliardë euro për një brez të ri autoblindash
Evropa po kthehet te tanket dhe Italia dëshiron të jetë në ballë. Roma po ndërmerr një nga programet më të mëdha të rinovimit të armatimeve në Evropë, duke......
Problem i mprehtë social, Evropa në kërkim të ideve për kapërcimin e krizës së strehimit
Në qytetin më të madh të Bashkimit Evropian, presioni në tregun e banesave është aq i madh, saqë banorët e tij duan të ndërmarrin një eksperiment historik.......
Startup-et në kërkim të investitorëve, 17 kompani shqiptare prezantohen në Mynih
Nga inteligjenca artificiale te siguria kibernetike, 17 startup-e nga Shqipëria, Kosova dhe diaspora po kërkojnë të hapin dyert e tregut europian. Këtë herë......
Energjia, ulen humbjet në rrjet - Në janar-qershor zbritën në 15.91%, dominojnë ato teknike me 76%
Humbjet e energjisë elektrike në rrjetin e shpërndarjes zbritën në 15.91% gjatë 6 muajve të parë të vitit 2026, duke shënuar përmirësim me 1.1% në raport me......
