Si po i “peshkojnë” fondet e buxhetit fermerët? - Vetëm në 2023-shin u formalizuan mbi 12 mijë
Fondet e dhëna për skemën kombëtare të mbështetjes vitet e fundit si dhe ofrimi i mundësisë për të përfituar naftën falas për punime të mekanizuar në bujqësi, ka bërë që fermerët “të peshkohen” drejt formalizmit, i cili është edhe kusht kryesor për të aksesuar financim.
Kështu sipas të dhënave zyrtare nga Drejtoria e Përgjithshme e Tatimeve të përpunuara nga SCAN TV, rezulton se në periudhën Janar-Nëntor të këtij viti, janë pajisur me nipt 12.236 fermerë në të gjithë vendin, nxitur edhe nga rritja e fondeve që ndodhi gjatë vitit 2022 për subvencione, ku totali arriti në 5.1 miliardë lekë.
Por çfarë ka ndodhur ndër vite dhe sa tërheqëse ka qenë Skema Kombëtare e financimi e zbatuar nga Agjencia për Zhvillim Bujqësor dhe Rural? Nëse do të analizojmë shifra, vihet re se përgjatë viteve 2014 kur ka nisur procesi i formalizimit të fermerëve dhe deri në vitin 2023 ka pasur luhatje të forta. Konkretisht 2014 rezulton si viti më i dobët me vetëm 2 mijë fermerë të pajisur me nipt, më pas ka pasur një kapërcim në mbi 16 mijë në vitin 2015 dhe nga 2016 dhe tutje shifrat kanë ardhur në rënie. Ndërsa në vitin 2021-2023 të dhënat tregojnë për një rritje të ndjeshme të numrit të fermerëve që janë formalizuar, ku 2022 mban rekordin e gjithë dekadës me mbi 21 fermerë të regjistruar rishtazi.
Në këtë trend rritës të formalizimit të fermerëve kanë ndikuar dy faktorë kryesore. Faktori i parë lidhet me rritjen e fondit të vënë në dispozicion ku gjatë vitit të kaluar arriti në 5.1 miliardë lekë dhe faktori i dytë ka të bëjë me fuqizimin e skemës së naftës falas për punime të mekanizuara bujqësi, gjë që ka nxitur fermerët të formalizohen me qëllim që të jenë përfitues. Qarqet që kanë pasur fluksin më të lartë të pajisjes me nipt fermeri janë Fieri, Korça, Elbasani, Berati dhe Vlora, ndërsa ma pak fermerë të regjistruar rezultojnë në Lezhë dhe në Sarandë.
Për vitin 2024 në projektbuxhet janë parashikuar sërish ulje e fondeve për bujqësinë, çka mund të sjellë një regres në këtë drejtim. Ndërsa vetë Ministria e Bujqësisë ka pranuar se nevoja për të përmbushur kërkesat e fermerëve arrin deri në 3-fishin e fondeve të akorduara, apo 90 milionë dollarë më shumë.
Elisabeta Dosku/ SCAN
Sondazh
Pagat në Europë, rritjet dhe uljet më të mëdha - Italia, ndër vendet me rekordet më negative
Rezultatet e një sondazhi nga Konfederata e Sindikatave Europiane – CES, në lidhje me pagat e punëtorëve europianë tregojnë rritjen dhe uljen e tyre në vende......
Biokarburantet, qeveria rikthen planet për përdorimin - Planet, 10% për vitet 2024-2025. Ligji i ri nuk është miratuar ende
Politikat e zhvillimit të energjisë së rinovueshme do të synojnë të rrisin përdorimin e biokarburanteve në sektorin e transportit me 10% për vitet 2024-2025”.......
Maqedonia e Veriut heq dorë nga qymyri - BERZH mbështet planin prej 4 miliardë euro
Huadhënësit ndërkombëtarë, përfshirë Bankën Europiane për Rindërtim dhe Zhvillim dhe Bankën Botërore, po mbështesin një plan prej 4 miliardë euro për të......
BE miraton ndihmën e re shtetërore për bizneset - Gjermania dhe Franca janë përfitueset më të mëdha të fondeve
Pavarësisht kundërshtimeve të ngritura nga shtetet më të vogla anëtare, BE zgjati deri në mars të vitit të ardhshëm lehtësimin e rregullave të ndihmës......
Bankat apo Mikrokreditë? Ku janë shanset më të larta për aprovim të kredisë në Shqipëri?
Bankat dhe institucionet microfinanciare janë duke luajtur një rol të rëndësishëm në rrugën drejt një revolucioni financiar në Shqipëri. Në 6 mujorin e parë të......
Emigrantët renditin qytetet më të mira dhe më të këqija europiane për vitin 2023!
Çdo vit, InterNations, një komunitet global për njerëzit që jetojnë dhe punojnë jashtë vendit, kryen një sondazh të Expat Insider dhe është një burim i......
Italia dënohet nga GJEDNJ për trajtim çnjerëzor të emigrantëve!
Gjykata Europiane urdhëroi Italinë që të paguajë gjithsej 27,000 euro për emigrantët sudanezë në një çështje që daton në vitin 2016. Gjykata Eyropiane e të......
SHBA dhe Kina mund të jenë miq ose armiq - Xi Jinping, përpara biznesmenëve: Nuk ka një rrugë të mesme
Shtetet e Bashkuara të Amerikës dhe Kina duhet të zgjedhin midis të qenit kundërshtarë apo partnerë, deklaroi presidenti kinez Xi Jinping, gjatë një fjalimi të......
