Si Gjermania po kërkon të bëhet prodhuesi kryesor i çipave në Europë?!
Nga përdorimi në makinat elektrike dhe telefonat inteligjentë te turbinat me erë dhe madje edhe raketat, çipat elektronikë apo gjysmëpërçuesit, janë "vaji i shekullit të 21-të", komponentë nga të cilët "varet gjithçka tjetër".
Këto ishin fjalët e kancelarit gjerman Olaf Scholz në inaugurimin e një fabrike të re të ndërtuar nga prodhuesi gjerman i gjysmëpërçuesve Infineon në fillim të këtij muaji. Në një udhëtim në Seul fundjavën e kaluar, ai foli përsëri me homologët e tij koreanë për gjysmëpërçuesit, duke i bërë thirrje Koresë së Jugut të investojë në Europë për të forcuar zinxhirët e furnizimit.
Objektivi i deklaruar i Bashkimit Europian është të arrijë 20 % të tregut botëror deri në vitin 2030, dy herë më shumë se pjesa e tij sot. Për të arritur këtë objektiv, do të kërkohet një rritje katërfish e prodhimit në Kontinentin e Vjetër. Ky është qëllimi i "Aktit të çipave" europian, i cili u përfundua nga ligjvënësit e BE-së në prill, i cili planifikon të mobilizojë 43 miliardë euro në investime publike dhe private.
Si ekonomia më e madhe e Evropës, Gjermania po drejton këtë lëvizje për të reduktuar varësinë nga Azia? Përveç fabrikës së re të Infineon në Dresden - një projekt prej 5 miliardë eurosh - grupet amerikane Intel dhe Wolfspeed kanë paralajmëruar investime të mëdha në Gjermani muajt e fundit.
Do të ishte një fitore e madhe për Gjermaninë nëse do të fitonte fabrikën e parë europiane të grupit tajvanez TSMC - një nga prodhuesit më të mëdhenj të çipave në botë. Diskutimet kanë qenë duke u zhvilluar për më shumë se një vit për një fabrikë në rajonin e Dresdenit, qendra kryesore e mikroelektronikës në Europë, e quajtur tashmë "Saksonia e Silikonit". Sipas TSMC, një vendim pritet në gusht.
Por rreth 200 km larg në rajonin e Magdeburgut, euforia e krijuar vitin e kaluar nga njoftimi i një investimi prej 17 miliardë eurosh nga gjigandi amerikan Intel, i ka lënë vendin dyshimeve. Ndërtimi i fabrikës, e cila do të fillonte në gjysmën e parë të vitit 2023, nuk ka filluar.
"Shumë gjëra kanë ndryshuar" brenda një viti, pranoi grupi në një deklaratë për AFP, i cili pësoi një humbje rekord në tremujorin e parë të vitit për shkak të një rënie të mprehtë në shitjet e kompjuterëve personalë dhe smartfonëve. Përveç “sfidave gjeopolitike”, “ndërprerjet në ekonominë globale kanë çuar në rritje të kostove, nga materialet e ndërtimit te energjia”, tha grupi.
Ndihma publike shtesë është parashikuar për të "plotësuar boshllëkun e kostos së projektit të planifikuar, i cili është rritur ndjeshëm," pranoi Ministria Gjermane e Ekonomisë. Kjo garë për subvencione nuk u shkon mirë shumë gjermanëve.
Ndërsa ndihma publike për Dresdenin dhe Magdeburgun do të shkojë në miliarda, Gjermania dhe Europa do të mbeten kryesisht të varura nga çipat e prodhuar jashtë kontinentit. Nëse varësitë mund të reduktohen, nuk do të ketë "vetëmjaftueshmëri për asnjë vend apo rajon" në gjysmëpërçuesit, paralajmëroi gjithashtu këtë muaj CEO i Infineon, Jochen Hanebeck.
Përkundrazi, disa profesionistë besojnë se ndihma duhet të jetë edhe më masive. Tajvani (ku prodhohen 90 % e çipave më të avancuar në botë), Koreja e Jugut dhe gjithnjë e më shumë Kina, aktualisht dominojnë tregun.
Europa përballet edhe me konkurrencën e SHBA-së, e cila po shpenzon shuma të konsiderueshme për të nxitur prodhimin vendas. Një sfidë tjetër e madhe për Gjermaninë do të jetë gjetja e punëtorëve të mjaftueshëm. Sipas një studimi të kryer në dhjetor nga Instituti Ekonomik Gjerman, aktualisht ka një mungesë prej 62,000 punëtorësh të kualifikuar në profesione të ndryshme në industrinë e çipave.
Edel Strazimiri / SCAN
Sondazh
Arabia Saudite, 1.5 miliardë dollarë për imazhin e saj - Vëmendja përqendrohet kryesisht te sportet. Nga Formula 1, tek golfi
Më shumë se 1.5 miliardë dollarë janë shpenzuar nga Arabia Saudite vitet e fundit për sportin, duke shpresuar të rrisë turizmin, të frymëzojë të rinjtë dhe të......
BE i jep fund mbështetjes për energjinë - Objektiv, ndihma për politikën fiskale
Komisioni Europian rekomandoi që të gjitha qeveritë e BE-së t'i japin fund masave të tyre mbështetëse për çmimet e energjisë deri në fund të këtij viti për të......
25-vjetori i Bankës Qendrore Europiane - Një ditëlindje në “shijen” e inflacionit
Një përvjetor i hidhur, për çerek shekullin e Bankës Qendrore Europiane. Armiku i vërtetë, në këtë moment historik, është inflacioni, i cili duket i......
FMN: SHBA do të shmangin falimentimin! - “Zgjidhja do të gjendet në momentin e fundit, si gjithmonë”
Kreu i Fondit Monetar Ndërkombëtar, Kristalina Georgieva u shpreh e bindur se Shtetet e Bashkuara të Amerikës do të shmangnin një falimentim. Qeveria e......
Ekonomia gjermane hyn në recesion - Regjistrohet tkurrje prej 0.3% në tremujorin e parë
Ekonomia e Gjermanisë u tkurr në tremujorin e parë të 2023 - shit krahasuar me tre muajt e mëparshëm, duke hyrë kështu në një recesion teknik, sipas të dhënave......
Ishujt grekë me çmime rekord akomodimi - Rritje deri në 80%. Objektivi, turistët e pasur!
Rritja e kërkesës së huaj për pushime në Greqi, e kombinuar me inflacionin dhe ofertën e kufizuar të akomodimit, po nxit rritjen e çmimeve së bashku me......
Forcohet Dollari amerikan, Franga dhe Paundi – Sa këmbehet sot monedha europiane?
Dollari amerikan ka regjistruar rritje këtë mëngjes pasi në raport me fillimin e kësaj jave është blerë sot me 102.8 lekë dhe është shitur me 103.7 lekë sipas......
Nafta, e qëndrueshme pranë 78 USD - Në fokus, bisedimet për borxhin në SHBA dhe takimi i OPEC+
Nafta po qëndron në rënie në sesionin e sotëm, për shkak të paqartësive në lidhje me rritjen e tavanit të borxhit në SHBA. Edhe forcimi i dollarit amerikan ka......
