Si e ka goditur pandemia kulturën?
Ashtu si çdo sektor tjetër në vendin tonë dhe arti e institucionet kulturore, sidomos ato institucione që aplikojnë artet skenike ku kanë pjesëmarrëse një audiencë fizike, u sfiduan nga pandemia. Instituti i Statistikave ka publikuar së fundmi statistikat e kulturës për vitin 2020 ku në krahasim me vitin paraardhës shifrat e vizitorëve dhe shfaqjeve kanë rënë ndjeshëm, pavarësisht formave alternative të aplikuara për të mbajtur kontaktin me publikun. “Scan Intelligence Unit” ka përpunuar të dhënat e Instititit të Statistikave mbi numrin e shfaqjeve, numrin e spektatorëve, numrin e vizitorëve të monumenteve kulturore si dhe frekuentimet në bibliotekën kombëtare.
Sipas këtyre shifrave, për vitin 2020 shohim se janë organizuar gjithsej 328 shfaqje dhe premiera në institucionet qëndrore të artit, numër ky shumë i ulët krahasuar me vitin 2019, ku për vitin 2020 duhet të rikujtojmë se shumë nga shfaqjet janë anulluar për shkak të masave duke e bërë jo të mundur realizimin e kalendarit artistik. Gjatë vitit 2020, Teatri Eksperimental ka dhënë 135 shfaqe, numër më i lartë se shfaqet e dhëna në institucionet e tjera kulturore. Tremujori i parë dhe tremujori i katërt i vitit 2020 kanë regjistruar më shumë shfaqe të dhëna në këto institucione e gjithashtu duhet theksuar se tremujori I dytë, i tretë dhe ai i katërt për vitin 2020 përfshijnë shfaqe dhe premiera të organizuara online dhe premiera të hapura.
Numri i reduktuar i shfaqeve, por edhe frika ndaj grumbullimit ka bërë që të ulet dhe numri i spektatorëve. Gjithsej në aktivitet kulturore kanë marrë pjesë 38 332 spektatorë ku numri më i lartë u evidentua në Teatrin Kombëtar Eksperimental me 16 044 spektatorë dhe në Teatrin Kombëtar të Operas, Baletit dhe Ansamblit Popullor me 7 476 spektatorë.
Sa i përket muzeve dhe monumenteve të tjera kulturore, janë vizituar nga 190.467 vizitorë gjatë vitit 2020 nga te cilët 31 954 janë të huaj dhe 158 513 janë vendas. Ndryshe nga viti 2019, ku në këto monumente regjistohen më shumë turistë të huaj sesa vendas, për vitin 2020 turistët vendas mbajnë vendin e parë.
Shifrat kanë qenë në rënie dhe për bibliotekën kombëtare ku sipas tyre gjatë vitit 2020, në Bibliotekën Kombëtare, numri i njësive bibliotekare është 20.306 dhe numri i frekuentuesve është 30.002 persona.
Nisur nga të dhënat e mësipërme, shqetësues është rreziku financiar që mund të kalojnë këto intitucione pasi jo të gjitha mbulohen nga buxheti i shtetit, por duhet patur parasysh që edhe ato që financohen, një pjesë të buxhetit e marrin nga sponsorizimet. Me situatën e shkaktuar nga pandemia mungesa e sponsorizimeve mund të ulë buxhetin e projekteve artistike e rrjedhimisht dhe pagat e artistëve dh punonjësve.
Sondazh
Sa para tërheqin shqiptarët në bankomat? Mesatarisht, 13.200 lekë për një transaksion
Gjatë muajit nëntor të vitit të kaluar, shqiptarët kanë tërhequr më pak para se muaji paraardhës nëpër pikat ATM, tregojnë të dhënat më të fundit nga Banka e......
Harta e shpërndarjes së vaksinave nga COVAX. Si pozicionohet Shqipëria?
COVAX ka publikuar së fundmi një informacion rreth shpërndarjes së përkohshme të vaksinave dhe parashikimin për disponueshmërinë e dozave nga Pfizer-BioNTech......
Cilat janë lagjet më të preferuara të Tiranës? “Unaza e re”, “Farka” dhe “ish-kinemaja”! “Kombinati” “zbrazet”
“Scan Intelligence Unit” ka përpunuar të dhënat e Open Data, Bashkia Tiranë, sa i përket e lëvizjes së popullsisë sipas njësive administrative të Tiranës gjatë......
Rritje rekord e huasë për blerje banesash nga individët gjatë janarit, në rënie të ndjeshme për bizneset
Huatë e reja nga sistemi bankar gjatë muajit të parë të vitit kanë qenë 11.3 mld lekë, tregojnë shifrat zyrtare. Kjo shifër është më e ulët krahasuar me muajt......
Rriten lehtë rezervat ndërkombëtare – Afër rekordit historik të qershorit, por pakësohen shufrat e arit
Rezervat ndërkombëtarë të Bankës së Shqipërisë janë rritur lehtë gjatë shtatorit, tregojnë shifrat e fundit zyrtare. Sipas këtyre të dhënave, rezervat......
Rimëkëmbet kreditimi në T3 – Kredia për banesë kryeson te individët, transporti “udhëheqin” bizneset
Referuar të dhënave të publikuara nga Banka e Shqipërisë, në tremujorin e tretë të këtij vitit stoku i huasë në banka kapi vlerën e 195 miliardë lekë. Shuma e......
Depozitat bankare i afrohen rekordit historik! Prekin nivelin e 1.25 trilionë lekëve, Tirana zë gati gjysmën
Të dhënat e Bankës së Shqipërisë sinjalizojnë një rritje të ndjeshme të depozitave në tremujorin e tretë të vitit, pas një rënie në tremujorin e dytë, kur edhe......
Kemi sistemin shëndetësor më të mirë në rajon?! ‘Madje më mirë edhe se Turqia’, e thotë studimi shkencor i “The Lancet”
“The Lancet”, revista mjekësore më prestigjioze në botë ka publikuar një renditje të sistemeve shëndetësore të 204 vendeve të ndryshme të globit, bazuar mbi 42......
