Shteti ku 1 në 3 njerëz janë milionerë – Si Franca ende i dërgon 100 milionë euro në vit Monakos
Franca i ka paguar Monakos rreth 100 milionë euro në vit zbritje të TVSH-së që nga viti 1963, pavarësisht se është një parajsë e njohur fiskale, vendi i dytë më i pasur në botë në PBB për frymë dhe një në tre banorë janë milionerë.
Një marrëveshje e krijuar në vitin 1963 midis gjeneralit de Gaulle dhe princit Rainier III dekretoi që Monako do të merrte një pjesë të të ardhurave të tatimit mbi vlerën e shtuar (TVSH) të Francës për të mbuluar humbjet e të ardhurave pas një vendimi që francezët nuk do të mund të blinin më gjëra në principatë pa TVSH.
Në vitin 2022, Franca i pagoi Monakos afërsisht 105 milionë euro, krahasuar me 100 milionë euro në vitin 2021, sipas dokumenteve buxhetore të principatës.
Kjo është më pak se në vitet 1990: në vitin 1997, për shembull, Franca i pagoi Monakos 839 milionë franga, që në termat e vitit 2021 arrin në rreth 174 milionë euro.
Shuma vjetore llogaritet sipas "një formule të përcaktuar në një shkëmbim letrash midis dy vendeve dhe vendoset çdo vit në bazë të të dhënave vjetore", tha ministria franceze e ekonomisë dhe financave për EURACTIV. Shuma ndryshon sipas arkëtimeve vjetore neto në çdo vend.
Por Monako gjithashtu mbledh drejtpërdrejt TVSH-në e vet, e cila është mbi 100 milionë euro duke i çuar të ardhurat totale të shtetit për shkak të TVSH-së në 898 milionë euro në 2022, përfshirë TVSH-në franceze.
E pyetur nga EURACTIV për legjitimitetin e vazhdimit të një skeme të tillë, ministria u përgjigj se "kjo pagesë është plotësisht logjike pasi Franca mbledh TVSH-në në lidhje me operacionet e kryera në territorin Monegask".
Banorët në Monako që nuk janë shtetas francezë nuk i nënshtrohen asnjë tatimi mbi të ardhurat, fitimet kapitale ose kapitali. Taksa e trashëgimisë është e pavlefshme për farefisninë e drejtpërdrejtë dhe shumë e ulët për të tjerët. Francezët e vendosur pas vitit 1962 paguajnë taksat e tyre direkt në Francë.
Monako përfiton
Në fillim, Monako ishte një parajsë fiskale për francezët, por në vitet 1960, gjenerali de Gaulle e detyroi Monakon me anë të një bllokade kufitare të nënshkruante një konventë tatimore që detyronte qytetarët francezë që jetonin atje t’i paguanin taksa Francës. Në këmbim të përfundimit të sistemit pa taksa, Monako mori një përqindje shlyerje të një pjese të TVSH-së franceze.
Në vitin 2000, deputetët socialistë Arnaud Montebourg dhe Vincent Peillon paraqitën një raport që tregonte se Monaco vazhdon të përfitojë nga skema për të cilën burime të informuara për këtë çështje kanë thënë se është një model që vazhdon deri në ditët e sotme.
Raporti e quajti një rritje prej 60% të pjesës së llogaritjes së "xhiros së Monakos", midis viteve 1963 dhe 1986, "diskrecionale" dhe të pakuptueshme. Vetë të dy shtetet e panë nevojën për të përshtatur formulën dhe e modifikuan disa herë, duke përfshirë në 1987, 1989 dhe 2001.
Nuk është më e kuptueshme
Në fillim, "ishte e kuptueshme" sepse Principata ishte "një enklavë e vërtetë", tha burimi monagesk për EURACTIV.
Megjithatë, tani situata është një “anomali” për shkak të lidhjeve me Francën, mungesës së kufijve dhe kontrolleve reale dhe situatës ekonomike të Monakos, vazhdoi burimi.
Buxheti i shtetit të Monakos tregon një tepricë të të ardhurave prej 2.9 milionë euro sipas vlerësimeve nga dhjetori. Edhe në krahasim me vitin 2021 kur pandemia ende po ndikonte në ekonomi, pritet një rritje prej 28.7% (420 milionë euro) në të ardhura për vitin 2022, nga të cilat 40% më shumë e atyre të ardhurave do të vijnë nga TVSH-ja në krahasim me vitin 2021.
Në total, Monaco pret të mbledhë 898 milionë euro nga TVSH-ja në vitin 2022.
“TVSH-ja është ende burimi kryesor i të ardhurave për shtetin, duke zënë 53,4% të saj, nga e cila 88,3% është TVSH e brendshme”, pra 793 milionë euro, shkruan një raport nga parlamenti i Monakos.
I pyetur nga EURACTIV, Thesari i Monakos konfirmoi se 105 milionë euro të mbetura, të emërtuara "TVSH nga llogaria e ndarjes" (11.7% e totalit) dhe jo "TVSH e brendshme", korrespondojnë me atë që paguan Franca.
Afër 1.5 miliardë euro në 14 vjet
Midis 2009 dhe 2021, Franca i pagoi Monakos 1,497 miliardë euro, bazuar në dokumentet legjislative të Këshillit Kombëtar Monegask.
Në vitin 2000, Montebourg dhe Peillon kritikuan kontributin vjetor që Franca i jepte Monakos, duke thënë se ai mbahej "i panjohur për taksapaguesit francezë" dhe u bë "për të lejuar pasuritë më të mira në botë të jetojnë në Monako pa taksa" edhe nëse kjo mund të mos ketë ka qenë qëllimi i synuar.
SCAN
Sondazh
'Hungaria do të ketë mjaftueshëm': Orban konfirmon marrëveshjen e ardhshme të gazit me Rusinë!
Kryeministri i Hungarisë tha të premten se do të nënshkruajë një marrëveshje të re me Rusinë në muajt e ardhshëm, e cila do të furnizojë vendin me gati një......
Gjermania shqyrton kthimin te energjia bërthamore - Synimi është shmangia e krizës energjetike në dimër!
Pas kthimit te termocentralet me qymyr, qeveria gjermane po shqyrton mbajtjen e centraleve bërthamore. Synimi është shmangia e krizës energjetike në......
Shqiptarët, më shumë sigurime për jetën e sëmundjet - Janar-qershor, 7 milionë usd në portofolin e Aksidenteve dhe Shëndetit, rritje 16.55%
Gjashtë muajt e parë të vitit 2022 kanë shënuar rritje të dukshme të shqiptarëve që kanë vendosur të sigurohen nga sëmundjet, aksidentet, por edhe jetën. AMF......
Turizimi, dega me potenciale të mëdha - Licaj: Ka kërkesë për studentë, pagat janë rritur
Industria e turizmit ka nevojë për forcë të kualifikuar punëtore me qëllim rritjen e shërbimeve për pushuesit vendas dhe turistët e huaj. Në një intervistë......
Britania eksperimenton javën e shkurtër të punës - Vetëm katër ditë pune në javë, ndërsa projekti do të zgjasë 6 muaj
E paralajmëruar muajt e fundit, eksperimentimi i javës së shkurtër të punës në Mbretërinë e Bashkuar ka nisur zyrtarisht. Falë një projekti pilot që do të......
Austria “vrapon” të prodhojë vetë energjinë - Vendi importon zakonisht 80% të gazit nga Rusia
Austria importon zakonisht 80% të gazit të saj nga Rusia. Përballë rrezikut të ndërprerjes së furnizimeve, gjithnjë e më shumë vende marrin në dorë situatën......
Mona Lisa është e sigurtë - Sistemi “i gjetur” që freskon ndërtesat e Parisit në kohë krize
Edhe Franca është goditur nga një valë anomale të nxehtit. Por Mona Lisa reziston ndaj këtyre temperaturave. Për kryeveprat e artit ajri i kondicionuar mund të......
Çfarë ndodhi me e-Albania-n? Autoritetet shqiptare të rezervuara me informacionet: Dy sulme e dy hetime! Balluku: Reformë e thellë të gjithë sektorit
Dy sulme ndaj portalit unik qeveritar e dy hetime, një nga ekipi i Microsoft e një nga autoritetet shqiptare në bashkëpunim me FBI-në amerikane. Ka qenë ky......
