Shqiptarët “prodhuan” më pak mbetje - Por, rreth 14% e plehrave nuk arrijnë në vendet e caktuara!
Qytetarët shqiptarë kanë “prodhuar” më pak mbetje, por një pjesë e mirë e tyre nuk arrijnë të shkojnë në vendet e caktuara, por sërish mbeten rrugëve apo në venddepozitime të sajuara. Në mënyrë të përmbledhur kjo është panorama e mjedisit në vendin tonë për vitin e kaluar, sipas INSTAT.
Në publikimin e tij më të fundit, ky institucion vëren se sasia vjetore e mbetjeve urbane të menaxhuara për banorë, në shkallë vendi, në vitin 2022, ishte 295 kg/banor, nga 311 kg/banor që ishte në vitin paraardhës.
Në vitin 2022, janë gjeneruar gjithsej rreth 893 mijë ton mbetje urbane, ndërkohë në vitin 2021, kjo shifër ishte rreth 955 mijë ton. Por, nga sasia e mësipërme rezulton të jenë menaxhuar vetëm 820.322 mijë ton mbetje urbane. Mbetjet e pa menaxhuara në raport me sasinë totale të mbetjeve të gjeneruara janë 0,2% më shumë se në vitin 2021.
Një e dhënë shqetësuese për mjedisin është edhe rënia e sasisë së mbetjeve që nuk shkon në vendet e caktuara. INSTAT nënvizon se vitin e kaluar u depozituan rreth 76,6% e sasisë totale të mbetjeve në landfille dhe fusha mbetjesh, ndërkohë që në vitin 2021, u depozituan 79%, duke shënuar një rënie rreth 2,4% të sasisë gjithsej të depozitimeve në landfille dhe fusha mbetjesh të miratuara si depozita të përkohëshme nga bashkitë përkatëse.
E njëjta situatë duket se ka qenë edhe për mbetjet jo urbane bashkë me ato urbane, ku në vitin 2022, sasia e menaxhuar ishte 11,6% ndaj totalit sasisë gjithsej, nga 13,8% në 2021, duke shënuar një rënie me 2,2%.
Në vitin 2022, u ricikluan 18,9% e sasisë gjithsej të mbetjeve, ndërkohë që në vitin e kaluar ky tregues ishte 18,8 %. Ndërkohë, janë trajtuar me djegie në incenerator për eliminim dhe qëllime energjitike rreth 4,4% e sasisë gjithsej të mbetjeve, duke shënuar rritje të këtij treguesi me 2,4%, krahasuar me të njëjtin tregues në vitin 2021.
Dorian Koça/SCAN
Sondazh
“Gjethja” fotovoltaike që ‘kopjon’ natyrën!
Ekziston një arsye pse gjethet kanë një formë dhe strukturë të caktuar në natyrë: janë evolucionare dhe funksionale. Kjo është ajo që menduan studiuesit në......
Singapori cilësohet si ekonomia me lirinë më të madhe në botë - Hong Kongu zbret nga 'froni' pas 53 vitesh!
Singapori ka rrëzuar Hong Kongun nga froni për t'u bërë ekonomia me lirinë më të madhe në botë, sipas një raporti të publikuar nga Instituti kanadez Fraser.......
Turqia, sërish e lakmuar nga investitorët e huaj - Miliarda dollarë “rrjedhin” në vend pas ndryshimit të politikës ekonomike
Turqia ka nisur një fushatë të madhe për të tërhequr investime të mëdha të huaja - dhe duket se këto përpjekje kanë filluar të rezultojnë të suksesshme pasi......
100 miliardë dollarë kosto e vjedhjeve në SHBA - Objektivi kryesor, dyqanet luksoze në qendrat tregtare
Sulmet masive nga hajdutët në dyqanet luksoze të qendrave tregtare shkaktojnë një kosto prej 100 miliardë dollarësh në Shtetet e Bashkuara të Amerikës sipas......
Plani i Serbisë për furnizimin me gaz - Tubacion i ri me dy drejtime me Maqedoninë e Veriut
Ministria e Ndërtimit, Transportit dhe Infrastrukturës në Serbi ka nisur inspektimet në zonën ku do të ndërtohet gazsjellësi kryesor me dy drejtime që lidh......
Kosova “dorëzohet” ndaj eurove false - Monedhat dy euro, vështirë të dallohen
Në një nga kafenetë e Prishtinës, stafi ka hequr dorë nga kontrolli për të verifikuar nëse monedhat 2 euro që njerëzit përdorin për të paguar janë origjinale,......
Greqia konfirmon të ardhura rekord nga turizmi - Regjistrohen 20 miliardë euro dhe 35 milionë turistë të huaj në 7 muaj
Turizmi grek ka shënuar një rekord të ri të ardhurash deri më tani këtë vit, sipas shifrave zyrtare, ndërkohë që ka ende kërkesë të fortë për udhëtime drejt......
Vendimi i parë i këtij lloji i KE-së në sektorin e mbrojtjes: Kompania e granatave të dorës gjobitet me 1.2 milionë euro!
Rasti është vendimi i parë i kartelit të Komisionit Europian në sektorin e mbrojtjes. Komisioni Europian ka dënuar kompaninë gjermane të mbrojtjes Diehl me një......
