Shqiptarët martohen më të rinj se europianët/ Renditemi në vend të katërt me moshën mesatare më të re të martesës
Shifrat nga “Agjencia Europiane e Statstikave” tregojnë se Shqipëria është ndër vendet me moshën mesatare më të re të martesës, si për meshkujt, ashtu edhe për femrat. Sipas të dhënave, për vitin 2021, mosha mesatare e martesës për meshkujt është 31.1 vjeç, ndërsa për femrat llogaritet në 27.7 vjeç.
Nëse e analizojmë këtë tregues vetëm për meshkujt, krahasuar me vendet e tjera të Europës, shohim se mes vendeve për të cilat Eurostat ka të dhëna, Shqipëria renditet e katërta me moshën më të re për vitin 2021. Në raport me vendet e rajonit vetëm Maqedonia e Veriut renditet më poshtë Shqipërisë dhe e fundit në Europë me moshë më të re të martesës tek meshkujt me 29.5 vjeç. Mali i Zi këtë mesatare e regjistron në 31.2 vjeç, ndërsa në Serbi meshkujt martohen rreth 31.5 vjeç mesatarisht. Spanja dhe Italia janë shtetet ku mosha mesatare e martesës për meshkujt është më e larta me 36.9 vjeç dhe 35.7 vjeç.
Po të fokusohemi në të dhënat referuar moshës mesatare të martesës te femrat raporti është sërish i njejti si te meshkujt. Shqipëria renditet mes katër vendeve më moshën më të re, por krahasuar me rajonin, Mali i Zi dhe Maqedonia e Veriut pozicionohen poshtë vendit tonë me moshë më të re. Serbia për vitin 2021 e regjistron këtë tregues në 28.5 vjeç. Spanja dhe Italia sërish kryesojnë Europën sa i përket moshës së martesës te femrat, me 34.7 vjeç dhe 33 vjeç.
Duhet te theksojmë se këto rezultate varen edhe nga mosha mesatare e popullsisë në secilin vend. Pavarësisht plakjes së popullsisë në Shqipëri dhe rënies së numrit të lindjeve, mbetemi ndër vendet me popullsisë me të re.
"Scan Intel" nisur nga këto të dhëna ka llogaritur diferencën e moshës mesatare të martesës mes meshkujve dhe femrave. Të dhënat tregojnë se në të gjitha vendet e Europës femrat martohen më herët se meshkujt. Shqipëria është vendi i dytë në Europë, e cila regjistron diferencën më të lartë të moshës mesatare të martesës me 3.4 vite më herët për femrat. Mali i Zi pozicionohet i pari në këtë renditje me 3.7 vite. Greqia dhe Portugalia kanë diferencat më të vogla me 1.5 vite dhe 1.6 vite secila.
Sondazh
7 në 10 biznese shqiptare, "në hall" për IT/ Eurostat: Kemi normën më të lartë në rajon dhe ndër të parat në Europë
Rreth 68% e ndërmarrjeve shqiptare që kanë rekrutuar ose janë përpjekur të rekrutojnë specialistë të teknologjisë së informacioni kanë hasur vështirësi sipas......
Liria e shprehjes, Shqipëria e 71-ta në botë/ Përkeqësohet krahasuar me vitin 2017-të, renditet e parafundit në rajon
Shqipëria është renditur në vend të 71 mes 161 vendeve në total në Indeksin Global të Lirisë së Shprehjes për vitin 2023 (The Global Expression Report). Sipas......
Riciklimi, Shqipëria ndër të fundit në Europë/ Vetëm 18.7% e mbetjeve janë ricikluar, mesatarja e BE-së për vitin 2021 në 50%
Administrimi i mbetjeve urbane në raport më sasinë e tyre ka qenë dhe vazhdon të mbetet diskutim sa i përket efiçencës së proceseve të eleminimit të tyre.......
Ekonomia e Shqipërisë pritet të rritet me 3.3%/ Instituti i Vienës: Projeksione optimiste, por mungesa e fuqisë punëtore, problem
“Instituti i Vienës për Studime Ekonomike Ndërkombëtare” ka publikuar raportin më të fundit me projeksionet e verës për vitin 2023 duke e lënë të pandryshuar......
Objektivat e SDG, sa progres ka bërë Shqipëria? Ngjitet me 7 pozicione, por në vend numëro me rritjen ekonomike dhe institucionet e forta
Indeksi i Zhvillimit të Qëndrueshëm për vitin 2023, i publikuar nga “Cambridge University” dhe me mbështetjen e agjencive të OKB-së, tregon se Shqipëria ka......
Sa na kushton shkollimi i një mjeku? 36 mijë euro për 6 vite studime. Tarifat e shkollimit janë sa 6-8% e kësaj kosto
Projektligji “Për trajtimin e veçantë të studentëve që ndjekin programin e integruar të studimit të ciklit të dytë “mjekësi e përgjithshme” në institucionet......
Të varfër, por s`kursejmë për argëtim/ Jemi të 3-tët në Europë, shpenzojmë 1.1 mld euro në vit, 6.2% të PBB-së
Sipas të dhënave më të fundit nga Eurostat, të analizuara nga `Scan Intel`, rezulton se shqiptarët janë të tretët në Europë për peshën që zë argëtimi dhe......
Sa paqësore është Shqipëria? Indeksi: Renditemi në vend të 40 në botë dhe të dytët në rajon, përmirësohemi në pikëzim
“Indeksi Global i Paqes” për vitin 2023 tregon se Shqipëria është ngjitur me një pozicion, krahasuar me edicionin e vitit të kaluar dhe po ashtu është rritur......
