7 në 10 biznese shqiptare, "në hall" për IT/ Eurostat: Kemi normën më të lartë në rajon dhe ndër të parat në Europë
Rreth 68% e ndërmarrjeve shqiptare që kanë rekrutuar ose janë përpjekur të rekrutojnë specialistë të teknologjisë së informacioni kanë hasur vështirësi sipas një publikimi të fundit të “Agjencisë Europiane të Statistikave”. Ky tregues e rendit Shqipërinë mes vendeve me normën më të lartë të bizneseve të cilët e kanë të vështirë të plotësojnë vakancat me specialistë të kësaj fushe. Mesatarja e Bashkimit Europian për vitin 2022 rezulton të jetë 62.8%. Pra, jemi të renditur mbi mesataren e BE-së, saktësisht me 5 pikë përqindjem më shumë.
Krahasuar me vendet e rajonit, Shqipëria regjistron normën më të lartë të ndërmarrjeve që kanë hasur vështirësi në rekrutimin e specialistëve të teknologjisë së informacionit. Bosnje Hercegovina renditet e dyta me një normë prej 64.5% dhe qëndron po ashtu mbi mesataren Europiane. Maqedonia e Veriut, Serbia dhe Mali i Zi janë pozicionuar jo vetëm poshtë mesatares, por edhe ndër vendet e Europës me normën më të ulët. Përkatësisht përqindjet për këto tre vende të rajonit janë 58.2%, 53.9% dhe 41.6%. Mali i Zi është vendi i tretë në Europë, sipas shifrave, me përqindjen më të ulët të ndërmarrjeve që kanë hasur vështirësi në rekrutimin e specialistëve të teknologjisë së informacionit.
Kjo panoramë për vendin tonë dukshëm është kontributi negativ i emigrimit masiv të popullsisë dhe sidomos specialistëve të fushave të ndryshme. Theksojmë se mungesa e fuqisë punëtore dhe e aftësive po e impakton gjithmonë e më shumë ekonominë. Një tjetër faktor i vështirësive në rekrutimin e specialistëve të teknologjisë mund të jetë edhe niveli i pagave në Shqipëri për këtë sektor, krahasuar me vendet e tjera, të cilat tërheqin personat e specializuar në këtë fushë.
Sllovenia, Çekia dhe Gjermania janë vendet që kryesojnë Europën me normën më të lartë të ndërmarrjeve që kanë hasur vështirësi në rekrutimin e specialistëve të teknologjisë së informacionit, me 78%, 77% dhe 76.6%. Gjermania po vuan nga mungesa e fuqisë punëtore në disa fusha ku ndër to edhe teknologjia e informacionit. Së fundmi ky shtet po e trajton mungesën e punëtorëve të kualifikuar përmes të ashtuquajturës ‘kartë të re mundësie’, ku do të përdoret një sistem pikësh për t’ua lehtësuar ardhjen punëtorëve të huaj të kualifikuar.
Sondazh
Liria e shprehjes, Shqipëria e 71-ta në botë/ Përkeqësohet krahasuar me vitin 2017-të, renditet e parafundit në rajon
Shqipëria është renditur në vend të 71 mes 161 vendeve në total në Indeksin Global të Lirisë së Shprehjes për vitin 2023 (The Global Expression Report). Sipas......
Riciklimi, Shqipëria ndër të fundit në Europë/ Vetëm 18.7% e mbetjeve janë ricikluar, mesatarja e BE-së për vitin 2021 në 50%
Administrimi i mbetjeve urbane në raport më sasinë e tyre ka qenë dhe vazhdon të mbetet diskutim sa i përket efiçencës së proceseve të eleminimit të tyre.......
Ekonomia e Shqipërisë pritet të rritet me 3.3%/ Instituti i Vienës: Projeksione optimiste, por mungesa e fuqisë punëtore, problem
“Instituti i Vienës për Studime Ekonomike Ndërkombëtare” ka publikuar raportin më të fundit me projeksionet e verës për vitin 2023 duke e lënë të pandryshuar......
Objektivat e SDG, sa progres ka bërë Shqipëria? Ngjitet me 7 pozicione, por në vend numëro me rritjen ekonomike dhe institucionet e forta
Indeksi i Zhvillimit të Qëndrueshëm për vitin 2023, i publikuar nga “Cambridge University” dhe me mbështetjen e agjencive të OKB-së, tregon se Shqipëria ka......
Sa na kushton shkollimi i një mjeku? 36 mijë euro për 6 vite studime. Tarifat e shkollimit janë sa 6-8% e kësaj kosto
Projektligji “Për trajtimin e veçantë të studentëve që ndjekin programin e integruar të studimit të ciklit të dytë “mjekësi e përgjithshme” në institucionet......
Të varfër, por s`kursejmë për argëtim/ Jemi të 3-tët në Europë, shpenzojmë 1.1 mld euro në vit, 6.2% të PBB-së
Sipas të dhënave më të fundit nga Eurostat, të analizuara nga `Scan Intel`, rezulton se shqiptarët janë të tretët në Europë për peshën që zë argëtimi dhe......
Sa paqësore është Shqipëria? Indeksi: Renditemi në vend të 40 në botë dhe të dytët në rajon, përmirësohemi në pikëzim
“Indeksi Global i Paqes” për vitin 2023 tregon se Shqipëria është ngjitur me një pozicion, krahasuar me edicionin e vitit të kaluar dhe po ashtu është rritur......
Mbi 200 mijë shqiptarë kërkojnë "ëndrrën amerikane" çdo vit. Aplikimet për Llotarinë Amerikane sipas periudhave
Referuar të dhënave nga “Departamenti Amerikan i Shtetit” numri i apilikimeve për Llotarinë Amerikane nga shqiptarët ka qenë në rritje ndër vite, por duke......
