Bankat më të forta, qytetarët dhe bizneset më të aftë/ Norma e huave me probleme në Mars prek minimum të ri historik
Norma e huave me probleme, një prej indikatorëve më kritikë të shëndetit të sektorit bankar, ka shënuar një rënie të mëtejshme gjatë muajit mars, sipas të dhënave zyrtare të publikuara nga Banka e Shqipërisë. Në fund të muajit mars 2025, ky tregues zbriti në 4.02%, nga 4.06% në shkurt dhe 4.12% në janar, duke e çuar normën e kredive me probleme në nivelin më të ulët që prej Marsit të vitit 2008, kur vlerësohej në 3.92%.
Kjo rënie ndodh në një moment kur kredidhënia është në zgjerim të shpejtë dhe kërkesa për financim është rritur, çka e bën akoma më domethënës këtë përmirësim të cilësisë së portofolit të kredive. Në terma vjetorë, norma e huave me probleme është ulur me 0.62 pikë përqindje, duke reflektuar jo vetëm një menaxhim më efikas të riskut nga bankat, por edhe një aftësi më të lartë paguese të individëve dhe bizneseve.
Pavarësisht kësaj ecurie pozitive, jo të gjithë treguesit e lidhur me kreditimin ndjekin të njëjtën linjë. Sipas analizës së “Scan Intel”, raporti i kredive me probleme neto nga provigjonet ndaj kapitalit rregullator është rritur në 5.03%, ndërsa raporti i kredive me probleme neto ndaj kapitalit aksioner është ngjitur në 4.43%. Kjo tregon se, edhe pse pesha totale e kredive me probleme ka rënë, ndikimi i tyre financiar për bankat në raport me kapitalin vazhdon të jetë i ndjeshëm.
Megjithatë, tabloja e përgjithshme mbetet pozitive. Depozitat, kreditë dhe totali i aktiveve kanë vijuar të rriten, ndërkohë që huatë me probleme kanë shënuar rënie të qëndrueshme. Kjo përbën një sinjal të fortë për qëndrueshmërinë e sistemit financiar dhe rritjen e besimit të publikut ndaj sistemit bankar.
Në një kuadër më të gjerë ekonomik, rënia e kredive me probleme përkthehet në ulje të riskut financiar, rritje të kapitalit të lirë për investime, dhe mundësi më të larta për bankat që të mbështesin sektorin privat. Ajo ndihmon gjithashtu në uljen e kostove të financimit për të gjithë ekonominë dhe në krijimin e një klime më të favorshme për zhvillimin afatgjatë.
Sondazh
Ukraina i “largohet” dollarit amerikan - Banka Qendrore shqyrton kalimin tek euro si monedhë referuese
Ukraina po fillon të konsiderojë largimin nga dollari amerikan, duke e lidhur monedhën e saj më ngushtë me euron, tha për Reuters Guvernatori i Bankës......
13.1 mld lekë për ujësjellës-kanalizime - Përmirësimi i cilësisë së shërbimeve, u shpenzua 97% e planit të rishikuar
13.1 miliardë lekë u shpenzuan gjatë vitit 2024 në sektorin e furnizimit me ujë dhe kanalizime apo 97% e planit të rishikuar. Sipas të dhënave nga Ministria......
Berisha, thirrje diasporës për të votuar - “Nëse vini të votoni më 11 Maj, do i bëni një shërbim historik vendit”
Gjatë një konference për mediat, kryetari i Partisë Demokratike, Sali Berisha, I ka bërë thirrje diasporës për të votuar masivisht në zgjedhjet parlamentare......
Qeveria, 7.8 miliardë euro borxh të brendshëm - Cilët janë mbajtësit më të mëdhenj të huadhënies?
Borxhi i brendshëm publik i qeverisë deri në fund të muajit Mars 2025, regjistrohet në vlerën e afro 7.8 miliardë eurove. Të dhënat e detajuara nga......
Gjermani, prodhimi industrial drejt rimëkëmbjes? - Eksportet zgjerohen në muajin mars, tkurren importet
Eksportet gjermane u rritën më shumë se sa pritej në mars, ndërsa kërkesa u zgjerua në pritje të tarifave të SHBA-së. Rritja në prodhimin industrial......
Projektet e huaja përjashtohen nga TVSH - Nis lëshimi i Certifikatave 7A, kod unik për çdo subjekt
Administrata Tatimore ka filluar lëshimin e certifikatës 7A. Certifikata 7A e dhënë administrata tatimore në Shqipëri është një dokument që konfirmon......
Policia, plan masash në ditën e zgjedhjeve - Rendi dhe siguria, 5316 punonjës për ruajtjen e objekteve dhe materialeve zgjedhore
Përveç fushatës elektorale, Policia e Shtetit ka hartuar planin e masave për garantimin e rendit dhe sigurisë në aktivitetet përmbyllëse të subjekteve......
Kush është Kardinali Robert Francis Prevost, i pari amerikan i zgjedhur Papa Leone XIV?
Prevost është qytetari i parë amerikan që mban pozicionin e kreut të Kishës Katolike Romake dhe në prag të konklavës, nuk konsiderohej si një kandidat......
