Sa shpenzoi mesatarisht një turist në Shqipëri? - Reth 513 euro për person. Në total, gati 788 mln euro në tre muaj
Turistët kanë shpenzuar në Shqipëri rreth 788 milionë euro në vetëm tre muajt e parë të këtij viti, duke konfirmuar kështu trendin mjaft pozitiv të sektorit, të nisur që prej dy viteve të kaluara. Shifrat e tremujorit të parë të vitit sinjalizojnë një rekord historik absolut. Rekordi i mëparshëm për këtë periudhë kohore regjistrohej një vit më parë, me 624 milionë euro, çka do të thotë se rekordi është tejkaluar me 164 milionë euro, ose me 26%.
Sipas të dhënave të tjera të INSTAT në tre muajt e parë të vitit aktual numri i shtetasve të huaj që kanë hyrë në territorin shqiptar është 1.5 milionë. Kështu sipas shifrave të “Bankës së Shqiprisë” mund të gjejmë sa ka shpenzuar mesatarisht një turist i huaj në Shqipëri, në tre muajt e parë të vitit. Sipas përllogaritjeve rezulton që shpenzimi mesatar për një person ka qenë rreth 513 euro.
Kujtojmë se gjatë vitit 2023 si të plotë, sipas "Bankës së Shqipërisë", turistët shpenzuan në vend rreth 4.1 miliardë euro. Ndërkohë, të ardhurat neto të ekonomisë shqiptare nga turizmi vitin e kaluar arritën vlerën e 1.8 miliardë eurove, duke vendosur një rekord historik, me diferencë të madhe nga vitet e tjera.
Por, nivele rekord shpenzimesh raportohen edhe nga shqiptarët jashtë, me 521 milionë euro në tremujorin e parë të vtit 2024. Gjithsesi, bilanci neto mes shpenzimeve të turistëve në Shqipëri dhe shqiptarëve jashtë fiksohet pranë rreth 267 milionë euro, që është niveli më i lartë i regjistruar ndonjëherë për tremujorin e parë të vitit.
Këto shifra konfirmojnë se paratë e shpenzuara nga turistët këtë vit janë padiskutim një arsye e qenësishme që mund të ketë ndikuar në zhvlerësimin e euros dhe që shton frikën për një rënie të mëtejshme të monedhës së përbashkët europiane kur sezoni turistik të arrijë kulmin, gjatë sezonit veror. Por, nga ana tjetër, këto shifra dhe sidomos sezoni i mbarë turistik, mund të ndikojë edhe në rritjen e normës së inflacionit.
Xhorxhina Deda/SCAN
Sondazh
Euro “ngrin’ nën nivelin 100 lekë për të dytën ditë - Çfarë parashikon kalendari i ndërhyrjeve në treg
Për të dytën ditë me radhë, monedha europiane po tregtohet nën nivelin 100 lekë në pikat e këmbimit valutor vendas. Që prej ditës së hënë, euro këmbehet me......
Lehtësohet procesi i rinovimit të pasaportës - Tashmë rinovimi mund të bëhet në çdo pikë aplikimi të Shqipërisë
Nëse më parë duhej të paraqiteshim në gjendjen civile ku ishim të regjistruar për të plotësuar aplikimin për rinovim pasaporte, nga tani e tutje, qytetarët......
FTL do depozitojë energji pranë KESH - Skema aplikohet për herë të parë në vendin tonë
Furnizuesi i Tregut të Lirë, që është një nga kompanitë e OSHEE Group do të mund të depozitojë pranë Korporatës Elektorenergjetike Shqiptare energjinë e blerë......
Energjia për aeroportin e Vlorës - OST hap tenderin 427 mln lekë, nënstacion dhe linjë e re elektrike për të furnizuar veprën
Siguria e furnizimit me energjie elektrike e aeroportit të Vlorës, që parashikohet të nisë funksionimin vitin që vjen, ka shtyrë Operatorin e Sistemit të......
Bitcoin si një mjet zyrtar pagese - Argjentina planifikon bashkëpunimin me El Salvador
Autoritetet argjentinase janë duke kërkuar bashkëpunimin me zyrtarët salvadoranë, të cilët kanë qenë të hapur ndaj Bitcoin, për të forcuar adoptimin e tyre të......
Klasi i energjisë, gjoba për etiketat - IMT, masa deri në 350 mijë lekë në rast të shkeljesh, 2-fish nëse përsëritet
Nga 150 - 350 mijë lekë gjobë për furnizuesit dhe tregtarët që nuk vendosin etikat e klasit të energjisë në pajisjet që importojnë apo tregtojnë. Këto janë......
Gati rritja e pagave, si ka ndryshuar kosto në buxhet? - Analiza/ Rriten shpenzimet me 49 milionë euro vetëm për 4 muaj
Brenda këtij muaji qeveria pritet të miratojë vendimet përkatëse për rritjen e pagave në sektorin publik, ku përfshihen punonjësit me grada, administrata,......
Rriten kostot e huamarrjes franceze me vendimin e zgjedhjeve të parakohshme të Macron!
Kostot e huamarrjes për qeverinë franceze të martën u ngjitën në nivelin më të lartë që nga nëntori i kaluar, pas vendimit të papritur të presidentit Emmanuel......
