Renditja e shteteve sipas satelitëve në hapësirë/ Rreth 5500 në total, vetëm 75 vende kanë të paktën 1
Në fillim të këtij viti, 2 satelitët e parë shqiptarë u lëshuan në hapësirë nga SpaceX nëpërmjet misionit Falcon-9, i cili mbante në total 114 satelitë. Por, sa shtete të botës dhe të rajonit kanë në fakt satelitë në hapësirë? “Scan Intel” ka analizuar dhe përpunuar të dhënat, për t`i dhënë përgjigje kësaj pyetje, por edhe për të kuptuar se si ndahen këta satelitë sipas qëllimit të tyre, në nivel global.
Bazuar në shifrat e bazës së të dhënave mbi satelitët të UCS, të përditësuara deri në gjysmën e parë të vitit të kaluar, rezulton se në total në hapësirë ka rreth 5,465 satelitë, por me shumë gjasa shifra ka kaluar mbi 6,000 të tillë deri në fillim të këtij viti. Në vend të parë në nivel global për numër satelitësh qëndrojnë padiskutim Shtetet e Bashkuara të Amerikës, me mbi 3400 të tillë në posedim 100% të tyre.
Shumë satelitë ndërkohë janë në bashkëpronësi të dy ose më shumë shteteve, dhe kryesisht këto bashkëpunime janë mes fuqive të mëdha, ose të paktën një prej fuqive të mëdha. Kështu, Shtetet e Bashkuara të Amerikës, por edhe vende si Franca, Gjermania, Mbretëria e Bashkuar, Rusia, Kina kanë satelitë në hapësirë edhe me vende të tjera, veç atyre që kanë në posedim të tyre plotësisht. Pas Shteteve të Bashkuara të Amerikës ndjek në renditje si shteti me më shumë satelitë të vetët në hapësirë, Kina, me mbi 530, Mbretëria e Bashkuar në vendin e tretë, duke numëruar thuajse 500 satelitë, dhe ndiqet nga Rusia, me rreth 170, Japonia me 88, Agjencia Europiane e Hapësirës (ESA) me 62, shumëkombëshet me 60, India me 59, Kanadaja me 56 dhe Gjermania me 45 satelitë.
Me 2 satelitët e lëshuar këtë fillimvit ndërkohë, Shqipëria renditet jo vetëm mes 75 shteteve të cilët janë të pranishëm në hapësirë për qëllime civile, por në të njëjtat nivele me vende si Greqia, Suedia apo Ukraina. Në këtë listë ndërkohë, rajoni nuk figuron aspak. Kroacia parashikon ta bëjë diçka të tillë këtë vit, ndërkohë që vende si Serbia, Bosnje Hercegovina, Maqedonia e Veriut, apo edhe Kosova ende nuk kanë prezencë në hapësirë. Serbia, Kroacia, Mali i Zi, Maqedonia e Veriut dhe Bosnje Hercegovina ndërkohë kanë krijuar një program të përbashkët hapësinor dhe planifikojë që së shpejti të nisin satelitë të përbashkët në hapësirë. Veç bashkëpunimit rajonal, Serbia ka nënshkruar disa marrëveshje, kryesisht me vende si Kina apo India në këtë drejtim.
Në nivel global ndërkohë duket se SpaceX e Elon Musk dominon tregun, duke pasur rreth 36% të satelitëve civil. Sa i përket qëllimit të tyre, të dhënat tregojnë se 63% e satelitëve kanë si qëllim komunikacionin, 22% observimin e tokës dhe territorit, 7.8% zhvillimin teknologjik, 3.6% navigimin, dhe pjesa tjetër eksplorimin e hapësirës dhe teknologjinë. Kjo ndarje i referohet vetëm satelitëve civil, ndërkohë që një pjesë e konsiderueshme e tyre shërbejnë edhe për qëllime ushtarake, çka e bën edhe më komplekse transparencën e të dhënave në këtë drejtim, për shkak të sekretit.
Në total numërohen 566 satelitë me qëllim ushtarak, ose 10.3% e totalit. Këta satelitë i posedojnë vetëm 24 shtete të botës, me Shtetet e Bashkuara të Amerikës që dominojnë edhe në këtë drejtim.
Sondazh
Shqiptarët u varfëruan që para krizës/ Rreth 623 mijë shqiptarë në rrezik. Përkeqësohen të gjithë treguesit e varfërisë në 2021-shin
Më shumë se gjysmë milioni shqiptarë jetojnë nën kufirin për të qenë të varfër tregojnë të dhënat nga “Anketa e të Ardhurave dhe Nivelit të Jetesës” për vitin......
Shqipëria, ekonomia e 122-të në botë/ Në vitin 2037 pritet të zbresë në vendin e 128-të në glob
“Qendra për Kërkime Ekonomike dhe Biznesi” ka publikuar tabelën e ekonomive të botës, i cili është një raport që ndjek zhvillimet makroekonomike në nivel......
Kreditimi për biznesin sipas sektorëve/ Tregtia në vend të parë edhe këtë vit, por me tkurrje. Ndjek ndërtimi
Sipas shifrave të fundit të publikuara nga Banka e Shqipërisë, vihet re një rënie e huave të reja të dhëna gjatë nëntorit drejt bizneseve dhe korporatave......
Kursimet, me rënien më të madhe që nga pandemia/ Inflacioni dhe Euro “gjymtojnë” depozitat, 113 milionë euro më pak në banka
Depozitat në banka kanë rënë gjatë muajit nëntor, pranë 1.27 trilionë lekëve, sinjalizojnë shifrat më të fundit nga Banka e Shqipërisë. Sipas të dhënave të......
Kreditimi bie edhe në Nëntor/ Me 23.3%. Vijojnë tendencat rënëse, efekt i rritjes së normave të interesit nga BSH
Sipas shifrave të fundit të publikuara nga Banka e Shqipërisë, vihet re një rënie e huave të reja të disbursuara gjatë nëntorit drejt individëve dhe......
Sa kushton darka e fundvitit për një deputet? Rreth 50 orë punë më pak se ajo e një familje mesatare shqiptare, për një ministër rreth 60 orë më pak
“Scan Intel” në vijim të analizës mbi përllogaritjen e tryezës së fundvitit për një familje mesatare shqiptare këtë herë ka llogaritur të njejtën faturë por......
Sa na kushton tryeza e fundvitit? Sa çerekun e të ardhurave tona mujore, 91 orë, ose dy javë punë
“Scan Intel” ka përllogaritur se sa na kushton tryeza e fundvitit, mesatarisht, jo vetëm në vlerë absolute, por edhe në raport me pagën, si dhe orët e punës që......
Çfarë note merr kuzhina shqiptare? “TasteAtlas”: E 68-ta në Botë. Vlerësohemi me 3.91 yje, Italia mban vendin e parë, ndjek Greqia
“TasteAtlas”, një udhëzues me përvojë për ushqimin tradicional që mbledh receta autentike, komente të kritikëve të ushqimit dhe artikuj kërkimor rreth......
