Qukës-Qafë Plloçë, rruga që s’mbaron kurrë! - Projekti i vitit 2009/ Mes deklaratave dhe kostove të shtuara, ende larg përfundimit
Aksi rrugor Qukës – Qafë Plloçë u projektua në vitin 2009, por për përfundimin e tij do të duhen të paktën edhe 2 vite të tjerë. Kredia e parë për financimin e kësaj vepre u firmos në shkurt të vitit 2013, nga ish-ministri i Financave, i asaj kohe Ridvan Bode.
Huaja midis Ministrisë së Financave në emër të Qeverise Shqiptare dhe dy institucioneve financiare, Bankës Islamike për Zhvillim dhe Fondi Saudit për Zhvillim, kapte një vlerë totale prej 125 milion dollarë, ndërsa me këtë fond synohej përfundimi i gjithë veprës. Zyrtarisht, punimet për ndërtimin nisën në korrik të vitit 2015, por edhe sot ajo nuk është e hapur për kalimin e automjeteve. Në janar të vitit 2018, ish-ministri i Infrastrukturës dhe Energjisë, Damian Gjiknuri, teksa inspektonte punimet, deklaroi se rruga do të ishte funskionale në vitin 2019.
“Kompanitë po bëjnë një punë shumë të mirë dhe me zgjidhjen e problemeve të mbetura të projektit, besoj kjo rrugë do të jetë funksionale në vitin 2019 duke kompletuar këtë segment të rëndësishëm, duke afruar Korçën me Tiranën dhe pjesën tjetër të Shqipërisë. Në filozofinë tonë është ajo çka e kemi deklaruar, që duhet të përfundojmë të gjitha projektet e nisura. Fatkeqësisht, megjithëse është thënë që janë filluar rrugë ato asnjëherë nuk kanë qenë plotësisht të financueshme. Njëkohësisht do të hapim dhe ato segmente që kompletojnë arteriet e vendit”, tha ai.
Por, pavarësisht këtyre deklaratave, rruga jo vetëm që nuk përfundoi, por kërkon fonde të konsiderueshme shtesë për përfundimin e saj. Në shtator të vitit 2020, ministrja e Infrastrukturës dhe Energjisë, Belinda Balluku dekalroi nga foltorja e parlamentit se për të përmbyllur punimet nevojiteshin edhe 105.8 mln USD, prej të cilëve 56.8 mln USD për lotin I dhe II dhe 49 mln USD për lotin III. Po ashtu, Balluku bëri me dije se kjo shumë po synohej të sigurohej përmes kredive.
Nga kjo deklaratë, do të duheshin 2 vjet që në Kuvend të mbërrinte marrëveshja për lotin I dhe II, që u miratua nga Komisioni i Veprimtarive Prodhuese. Ndërkohë që, për lotin III, në gusht të këtij viti u nënshkrua marrëveshja e huasë me Fondin Saudit për Zhvillim, me një vlerë prej 49 mln USD. Përgjatë gjithë kësaj periudhe ka patur deklarata të shumta mbi volumin e punimeve të kryera, duke bërë të vështirë identifikimin e ecurisë së saktë të projektit. Të fundit, u bënë me dije gjatë diskutimit të kredisë në komisionin e së hënës, sipas të cilëve aktulaisht është realziaur 70% e punimeve.
Muka bëri me dije dhe ecurinë e punimeve sipas kilometrave të rrugës. Pas 14 vitesh nga projektimi do të duhen të edhe 2 vjet të tjerë për dorëzimin e rrugës.
Ola Mitre / SCAN
Sondazh
Miratohet kredia 56.8 milionë dollarë për Qukës-Qafë Plloçë - MIE: Punimet mbyllen në 2024-ën. Mziu: Rritët me 72% kostot fillestare!
Komisioni parlamentar i Veprimtarive Prodhuese ka miratuar marrëveshjen e kredisë prej 56.8 mln USD për përfundimin e lotit I dhe II të aksit të rrugor Qukës –......
Qeveria, 5.46 miliardë euro kredi të huaja - Eurobondet “delja e zezë” e borxhit, zënë 32.9 % të totalit
Stoku regjistrit të kredive shtetërore të Shqipërisë, të marra nga institucione ndërkombëtare, në fund të Shtatorit 2022 regjistrohet në 5.46 miliardë euro.......
80 milionë euro për të “shpëtuar” nga çmimi i energjisë - Ibrahimaj: Granti i BE, për përballimin e krizës. Ndryshojmë buxhetin fillestar
Në kushtet kur qeveria ka paralajmëruar qytetarët shqiptarë se mund të preken nga rritja e çmimit të energjisë elektrike dhe ka kërkuar kursim drastik,......
“Bojkotim sezonit të provimeve nëse nuk plotësohen kërkesat” - Pedagogët paralajmërojnë qeverinë: Rikthehemi në mësim për ta pezulluar përsëri në shkurt
Pedagogët janë rikthyer këtë të hënë në auditore, por me një paralajmërim kundrejt Ministrisë së Arsimit dhe qeverisë. Bojkot të sezonit të provimeve nëse nuk......
Parkim me panele diellore në Durrës - FSHZH, 582 milionë lekë tender. 400 vende dhe hapësira për evente e shërbime
Parkim me panele diellore. Kështu do të jetë godina e re, që pritet të ndërtohet pranë stacionit të trenit në Durrës. Një projekt i ndërmarrë nga Fondi......
Kina do të implementojë politika të reja për të nxitur investimet private!
Planifikuesi shtetëror i Kinës lëshoi të hënën një njoftim duke thënë se do të përmirësonte më tej mjedisin e politikave për të inkurajuar zhvillimin e......
Funding for cyber security courses - The government focuses on computer science; who benefits?
The government is now supporting computer-related fields through professional training programs. The Ministry of Finances directive, which is already active,......
10 qytetet më të mirë dhe më të këqij për të jetuar në botë – Europa kryeson listën e ndjekur nga Kanadaja
Njësia e Inteligjencës Economist (EIU) publikoi Indeksin e tyre Global të Jetesueshmërisë në gusht 2022, duke renditur qytetet më të mira dhe më të këqija për......
