Profili i një emigranti shqiptar/ Mashkull, 25-39 vjeç, i papunë në Shqipëri, i larguar familjarisht, nuk do të khehet më në Atdhe, jeton në Europë
Ashtu siç ka bërë më parë, me profilin e një shqiptari mesatar (shiko këtu), apo me atë të “profilit të një familje shqiptare”, “Scan Intel” vijon të analizojë shifrat zyrtare për të krijuar një tjetër profil hipotetik, dhe këtë herë vjen me atë të emigrantit të ri shqiptar, pra që ka emigruar gjatë dekadës së fundit. Për të ndërtuar këtë profil do të bazohemi në shifrat zyrtare të një prej anketave të publikuara së fundmi nga Instituti i Statistikave, mbi migracionin, në bashkëpunim edhe me Organizatën e Kombeve të Bashkuara. Periudha e anketës i referohet viteve 2011-2019.
Gjasat janë që një emigrant shqiptar i dekadës së fundit të jetë i gjinisë mashkullore, pasi këta të fundit përbëjnë 62% të totalit, ndërsa femrat vetëm 38%. Sa i përket moshës, mbi 50% e të larguarve janë të grupmoshës mes 25-39 vjeç. Të tjera të dhëna tregojnë se thuajse 76% e të larguarve pa familjen janë ekonomikisht aktiv, pra 3 në 4, çka është ref;lektuar edhe në tregun shqiptar të punës dhe më gjerë, duke sjellë mungesa të mëdha stafi dhe punonjësish të kualifikuar ose jo, për biznesin.
Duke mbetur te tregu i punës, rreth 56% e atyre ekonomikisht aktiv kur janë larguar nga Shqipëria kanë qenë të papunë. Në drejtim të arsimit ndërkohë, anketa tregon se 79.2% e të larguarve janë me arsim fillor ose të mesëm.
Të tjera të dhëna sugjerojnë se, më shumë se gjysma e të larguarve, rreth 51% janë larguar familjarisht. Pra, më pak se gjysma e të larguarve kanë lënë pas familjen e tyre në Shqipëri. Nga ana tjetër, rreth 60% e të largurave, kanë qenë më vendbanim në 4 qarqe: Tiranë, Durrës, Fier, Shkodër. Këto 4 qarqe janë ndër më të mëdhenjtë në Shqipëri, dhe përfaqësojnë mbi 65% të Prodhimit të Brendshëm Bruto të vendit. Ndërkohë, pjesa më e madhe e familjeve, ose 58% e totalit janë larguar drejt dy vendeve, Gjermanisë dhe Greqisë.
Edhe më alarmante duket shifra e atyre që kanë ndërmend të rikthehen në vendlindje, vetëm 11%.
Pra, profili hipotetik i një emigranti të ri shqiptar flet për një mashkull, mes 25 dhe 39 vjec, i larguar bashkë me familjen, me shumë gjasa nga Tirana, Durrësi, Shkodra apo Fieri, pa arsim të lartë, i papunë kur u largua, me destinacion Europën, ekonomikisht aktiv dhe që nuk do të kthehet më në Shqipëri.
Sondazh
Ku i bëjnë pushimet shqiptarët? Në dimër në Korçë, në verë në Vlorë. Jashtë zgjedhin Malin e Zi
Referuar të dhënave të “Anketës së Turizmit për Pushime dhe Udhëtime” për vitin 2021, të publikuar nga “Instituti i Statistikave”, numri i udhëtimeve për......
Shqiptarët, gjithmonë e më shumë “high-tech”/ Importi i pajisjeve elektronike dhe elektroshtëpiake u rrit me 21% në 2021-shin, mbi 270 milionë euro treg
Tregu i pajisjeve elektronike dhe i elektroshtëpiakeve në vendin tonë po rritet me hapa të qendrueshëm, tregojnë disa të dhëna shtesë të siguruara nga......
Plakja e popullsisë përshpejton hapin/ Bie numri i lindjeve me 19.6%, gjysma e qarqeve regjistron shtesë natyrore negative
Të dhënat demografike për tremujorin e tretë të këtij viti flasin për një rënie të numrit të lindjeve në vendin tonë me 19.6%, krahasuar me të njejtën periudhë......
Gushti, “piku” i aplikimeve për azil/ Regjistrohen 1.117 kërkesa, vijojmë të kryesojmë rajonin
Shifrat nga “Agjencia për Azil e Bashkimit Europian” (EUAA) tregojnë se muaji gusht ka regjistruar numrin më të lartë të kërkesave për azil gjatë vitit 2022.......
Në Shqipëri puna kushton 9 herë më pak se në Europë/ Kosto e punës, 3.1 euro ora, ndërsa në BE, 28.6 euro, jemi të fundit në kontinent
Pak kohë më parë “Instituti i Statistikave” publikoi “Anketën e Kostos së Punës”, botim i cili përmbante të dhëna mbi orët reale të punës, pagat bruto,......
Kreditë me probleme, vijojnë tendencat rënëse/ Shënon nivelin më të ulët që nga nëntori i vitit 2008, pranë 5.06%
Norma e kredive me probleme ka shënuar rënie gjatë muajit Shtator, duke zbritur në 5.06%, sipas statistikave të publikuara nga Banka e Shqipërisë. Ky është......
Në një dekadë, mbi 15% e popullsisë në vend ka emigruar/ Tirana në vend të parë, ka “humbur” mbi 10% të familjeve plotësisht
“Scan Intel” ka bërë një analizë mbi shifra dhe fakte konkrete, nga vetë institucionet shqiptare për një prej plagëve më të mëdha të shoqërisë dhe ekonomisë......
Papunësia e të rinjve, si renditet Shqipëria? Me 27.1% të të rinjve të papunë, jemi ndër vendet më problematike në Europë
Shqipëria renditet ndër vendet me normën më të lartë të papunësisë për moshat e reja tregojnë të dhënat e publikuara së fundmi nga “Agjencia Europiane e......
