Përmirësohen treguesit e varfërisë - Por, ende regjistrohen rreth gjysmë milionë shqiptarë në “rrezik"
Sipas të dhënave nga “Anketa e të Ardhurave dhe Nivelit të Jetesës” të publikuar nga INSTAT për vitin 2022, rreth 577 mijë shqiptarë, ose më shumë se gjysmë milioni, jetojnë nën kufirin për të qenë të varfër. Konkretisht ky tregues në vitin 2022 është 20.6%, duke pësuar një rënie prej 1,4 pikë përqindje, krahasuar me vitin 2021 dhe kjo ka ardhur si rezultat i rënies së treguesve kryesorë që përcaktojnë rrezikun për të qenë i varfër. Theksojmë se ky tregues merr në konsideratë të ardhurat familjare të disponueshme, numrin e pjesëtarëve në familje dhe shpërndarjen e të ardhurave ndërmjet grupeve të popullsisë.
Nëse do të flasim për shkallën e thelluar të privimit material, e cila tregon përqindjen e individëve që jetojnë në familje të cilët nuk përballojnë të paktën 4 nga 9 kategoritë e privimit material, shifrat tregojnë se për vitin 2022 ky tregues është vlerësuar në 37% kundrejt 39 % që ishte vlerësuar në vitin 2021. Kufiri i rrezikut për të qenë i varfër për një person në vitin 2022 është vlerësuar me 225,931 lekë, në krahasim me 191,791 lekë që ishte në vitin 2021.
‘Scan Intel’ ka analizuar të dhënat e rrezikut për të qenë të varfër edhe sipas grupmoshës. Nga analiza e shifrave vëmë re se për të gjitha grupmoshat, rreziku për të qenë i varfër është në rënie nga viti në vit. Për grupmoshat që i përkasin intervalit 18-64 vjeç rreziku për të qenë i varfër është ulur me 1.6pp, ndërsa grupmosha 65 vjeç e lart është më e ekspozuar ndaj varfërisë, pasi ky tregues u ul vetëm me 0.9 pp në vitin 2022. Ndërkohë, nëse analizën e intensifikojmë tek të punësuarit, të dhënat tregojnë se rreziku për të qenë i varfër për të punësuarit e moshës 18 vjeç e lart, në vitin 2022 ka shënuar rënie me 2.1 pikë përqindje, krahasuar me vitin 2021. Tek individët e papunë dhe pensionistët ky tregues ka pësuar rritje përkatësisht me 0.4pp dhe 0.2pp, krahasuar me vitin 2021.
Por si paraqitet Shqipëria mes vendeve të rajonit dhe të BE-së? Shifrat tregojnë se vlera e varfërisë relative në Shqipëri është mbi mesataren e BE-së. Në vendin tonë treguesi i varfërisë është 20.6% ndërkohë që në BE është 16.5%. Sa i përket vendeve të Europës, vlera më e lartë e varfërisë relative shënohet në Bullgari me 22.9%, Estoni me 22.8% dhe Letoni me 22.5%. Në të kundërt, pra vlerat më të ulëta të varfërisë regjistrohen në Republikën Çeke me 10.2% si dhe Slloveni e Hungari me 12.1% përkatësisht.
Armela Duka /SCAN
Sondazh
Rehabilitimi i linjës hekurudhore Durrës-Rrogozhinë - Hapet tenderi 1.8 mln euro, HSH: Elektrifikim dhe rikonstruksion i trasesë në 40 km
Hekurudha Shqiptare po kërkon një konsulent për shërbimet mbështetëse dhe mbrojtëse, në kuadër të projektit për rehabilitimin e linjës hekurudhore nga Durrësi......
Investimet në gazifikimin e vendit - Rama, në Azerbajxhan: Gati studimi për Korçën. Balluku: Rrisim sigurinë energjetike
Studimi i gazifikimit të zonës së Korçës është gati, ndërkohë që është drejt përfundimit dhe studimi i tubacionit lidhës të TAP-it me TEC-in e Vlorës. Teksa......
Përkeqësohet treguesi i ndjesisë ekonomike - Vrojtimi i BSH, u ndikua nga konsumatorët, industria, shërbimet dhe tregtia
Treguesi i ndjesisë ekonomike vijoi në rënie edhe gjatë muajit shkurt. Të dhënat e vrojtimit të Bankës së Shqipërisë tregojnë se për muajin e dytë të vitit ky......
Hidrocentrali 1200 MW me pompim - Statkraft nis studimin për Moglicën
Kompania norvegjeze Statkraft, që operon në Shqipëri me hidrocentralet e Banjës dhe Moglicës, do të zgjerojë kapacitetet e saj prodhuese në vend, përmes një......
Aktiviteti i paligjshëm i kriptove, lidhje me terrorizmin - Mbi 60%, pjesë e grupeve të sanksionuara, ose në listën e zezë
Sipas një raporti të publikuar së fundmi nga “Chainalysis”, subjektet e sanksionuara, si ato të lidhura me grupet e hakerëve të Koresë së Veriut dhe......
Rekord i emetimeve globale nga energjia - Një nga arsyet, rihapja e ekonomisë së Kinës
Emetimet globale të dioksidit të karbonit -CO2 të lidhura me energjinë arritën një rekord të lartë vitin e kaluar, të nxitura pjesërisht nga rritja e......
Britania “udhëheq” tregun e pasurive të paluajtshme - Blerësit ndërkombëtarë po përfitojnë nga mundësitë
Mbretëria e Bashkuar duket e gatshme të udhëheqë një ringjallje europiane të pasurive të paluajtshme këtë vit pasi investitorët ndërkombëtarë kthejnë kapitalin......
Në Siçilinë e “gjunjëzuar” nga thatësira, uji është “flori” - Ishulli italian, me të njëjtat probleme si vendet e Afrikës Veriore
Ishulli i Siçilisë është i njohur për peisazhet piktoreske dhe atraksionet turistike. Por, qyteti po përballet me një thatësirë të madhe pas mungesës së......
