Përmbytje, trafik dhe rrugë të bllokuara: Stuhia ‘Ciaran’ prek dhe Shqipërinë! Si parashikohet moti për fundjavën?
Reshje të pazakonta që përfshinë kryeqytetin gjatë mesditës së sotme kanë përmbytur disa rrugë në Tiranë, ndërsa lumi Lana në disa zona ka dalë nga shtrati duke krijuar vështirësi në qarkullim. “Orët e fundit Tirana është përfshirë nga një stuhi e fortë me reshje të shumta shiu, e ngjashme me stuhinë Ciaran që ka goditur Firencen dhe Toskanën gjatë natës,” ka bërë me dije kryebashkiaku i Tiranës, Erion Veliaj, përmes një postimi në rrjetet sociale.
Ndërkaq nga akset rrugore më të qarkullueshme autostrada Tiranë-Durrës është bllokuar nga trafiku sikurse edhe në rrugën dytësore pasi shiu ka arritur deri në disa centimetra. Kushtet e përkeqësuara atmosferike në gjirin e Vlorës dhe Shëngjin, sollën edhe pezullimin e lundrimit të mjeteve të vogla dhe anijeve të peshkimit dhe sipas njoftimit të kapitenerisë së portit të Vlorës, anijet e transportit ndërkombëtar detar do të vazhdojnë të operojnë normalisht sipas destinacioneve.
Veliaj u bën thirrje qytetarëve të tregojnë kujdes në 24 orët në vijim dhe të ulin lëvizjet e panevojshme deri sa situata të normalizohet. Sipas njoftimit ekipet e posaçme janë aktualisht në terren për normalizimin e situatës.
Për fundjavën vendi ynë do të ndikohet nga kushte kryesisht të paqëndrueshme atmosferike si pasojë e periferisë së një stuhie të fortë që ka përfshirë jo vetëm vendin tonë por edhe një pjesë të madhe të Europës, bën me dije Shërbimi Meteorologjik Ushtarak i vendit.
Sipas njoftimit për ditën e Shtunë nga orët e para të 24-orëshit deri në orët e mesditës moti parashikohet me vranësira të dendura e reshje shiu të vazhdueshme dhe intensitet të ulët dhe kryesisht mesatar në formën e shtrëngatave, shoqëruar me shkarkesa të forta elektrike dhe breshër.
Ndërkaq për ditën e Diel, bazuar në informacion e publikuar nga SHMU, moti nis me alternime kthjellimesh e vranësirash me këto të fundit më tepër të theksuara në veriperëndim dhe jugperëndim ndërsa më orët e pasdites në zonën e veriperëndimit dhe jugperëndimit reshje shiu të herëpashershme me intensitet të ulët dhe mesatar në formën e shtrëngatave.
SHMU thekson se për ditën e Diel pritet erë tepër intensive dhe problematike kryesisht përgjatë vijës bregdetare dhe zonat luginore ndërsa era pritet të fryjë me drejtim kryesor nga kuadrati i jugut dhe shpejtësi mesatare 3-12m/s ndërsa me rrahje era intensive 15-25m/s shoqëruar me dallgëzim të lartë në dete të forcës 5-7 ballë.
E . S / SCAN
Sondazh
Mete në takim zyrtar me ambasadoren e Zvicrës: Potencial për bashkëpunim të mëtejshëm mes dy vendeve!
Ministri i Financave dhe Ekonomisë, Ervin Mete, priti në një takim zyrtar Ambasadoren e Zvicrës në Tiranë, Ruth Huber qëllimi i të cilit ishte diskutimi mbi......
Stuhia Ciarán vret 5 persona dhe shkakton reshje rekord edhe në Itali!
Shiu rekord shkaktoi përmbytje në një zonë të gjerë të rajonit të Toskanës të Italisë, pasi stuhia Ciarán u fut në vend gjatë natës duke bllokuar banorët në......
Studimi: Shumica e britanikëve e shohin pozitivisht emigracionin pavarësisht përpjekjeve të qeverisë për të goditur fenomenin!
Një numër në rritje i britanikëve kanë pikëpamje më pozitive ndaj emigrantëve, kanë zbuluar studiuesit. Anketa Sociale Europiane (ESS) ka zbuluar se shumica e......
Tkurret tregu sekondar i bonove dhe obligacioneve - 9-mujori, bie volumi i dy transaksioneve. 6 milionë euro më pak se në 2022
Tregu sekondar i letrave letrave me vlerë të Qeverisë ka shënuar një tkurrje të dukshme gjatë këtij viti. Sipas të dhënave të sapopublikuara nga Autoriteti i......
2023, shqiptarët paguan 100 Mln euro për të siguruar makinat - Rriten me 9% numri i kontratave për automjetet, efekt pozitiv për të gjithë tregun
Tregu i sigurimeve ka shënuar këtë vit një rritje të dukshme, në thelb të të cilit ka qenë performanca e mirë e segmentit të automjeteve. Sipas të dhënave......
Hekurudha Vorë-Hani i Hotit - Në 2024 nis rehabilitimi, kosto totale e projektit arrin në 39.25 mld lekë
Punimet për rehabilitimin e linjës hekurudhore Vorë – Hani i Hotit pritet të nisin vitin që vjen, teksa qeveria ka akorduar një buxhet fillestar për zbatimin e......
Etapat që do të kalojë pr/buxheti 2024 në Kuvend - Të hënën nis diskutimi në Komisione, miratohet në seancë më 7 Dhjetor
Projektbuxheti i shtetit për vitin 2024 dhe paketa fiskale janë depozituar për diskutime në komisione parlamentare, ndërkohë që u prezantua në dy ditë më parë......
Masa ndaj parregullsive të Autoshkollave, Elbasan – DPSHTRR ndëshkon 7 të tilla me pezullim aktiviteti!
DPSHTRR ka bërë me dije se janë ndërmarrë masa ndaj parregullsive të Autoshkollave për Qarkun Elbasan, ku operojnë 34 subjekte (me 120 mjete autoshkollë), nga......
