Papunësia bie në nivele rekord, por rritet për të rinjtë/ Pranë 10.6% në tremujorin e tretë, ndërsa për të rinjtë ngjitet në 20.5%
Sipas të dhënave nga “Instituti i Statistikave”, treguesit e punësimit duket se vijojnë me përmirësime edhe përgjatë tremujorit të tretë të vitit 2022, në krahasim me të njejtën periudhë të një viti më parë. Shifrat zyrtare tregojnë se përgjatë tremujorit të tretë të këtij viti shkalla zyrtare e papunësisë në Shqipëri sa i përket popullsisë 15 vjeç dhe lart regjistrohet në 10.6% nga 11.3% që ishte në tremujorin e tretë të vitit 2021. Sipas këtyre të dhënave shkalla zyrtare e papunësisë u ul me 0,7 pikë përqindje në krahasim me të njejtën periudhë të një viti më parë, dhe po ashtu ka rënë me 0,5 pikë përqindje krahasuar me tremujorin e dytë të vitit 2022. Sipas shifrave, niveli i papunësisë për këtë tremujor regjistrohet më i ulëti krahasuar me tremujorët e dhjetë viteve të fundit.
Nëse treguesit e papunësisë i analizojmë sipas grupmoshave, bie në sy se për grupmoshat e reja është rritur niveli i papunësisë. Të dhënat sinjalizojnë se për grumoshën 15 deri në 29 vjeç niveli i papunësisë është rritur me 0.6 pikë përqindje përgjatë tremujorit të tretë të vitit krahasuar me tremujorin e një viti më parë, pranë 20.5%. Gjithashtu, e njëjta situatë vihet re nëse do ta krahasonim nivelin e papunësisë te moshat e reja me tremujorin paraardhës. Sipas shifrave, niveli i papunësisë për të rinjtë krahasuar me tremujorin e dytë të vitit 2022 është rritur me 0.3 pikë përqindje. Shkalla zyrtare e papunësisë për burrat është 9.9% dhe për gratë 11,3%. Krahasuar me të njëjtin tremujor të vitit 2021, shkalla e papunësisë është ulur me 1,0 pikë përqindje për burrat dhe me 0,4 pikë përqindje për gratë.
Nga ana tjetër, nëse do të flisnim për shifrat e punësimit, “Instituti i Statistikave” sinjalizon se përgjatë tremujorit të tretë të këtij viti shkalla e punësimit për popullsinë 15-64 vjeç është 65.4%. Ritmi vjetor i ndryshimit të shkallës së punësimit gjatë kësaj periudhe për popullsinë 15 vjeç e lart është pozitiv duke u rritur kështu me 2.8 pikë përqindje. Ky tregues ka pësuar rritje nëse do ta krahasonim me tremujorin paraardhës, pra tremujorin e dytë të vitit 2022. Po ta analizojmë sipas grupmoshave vihet re se niveli i punësimit për grupmoshën 15-29 vjeç ka pësuar rënie krahasuar me tremujroin e kaluar. Në terma vjetorë kjo grupmoshë ka pësuar rritjen më të ulët. Nëse i referohemi të dhënave sipas gjinisë shkalla e punësimit për burrat e grupmoshës 15-64 vjeç është 71.7%, ndërsa për gratë është 59.5%.
Shifrat paraqiten pozitive edhe sa i përket pjesëmarrjes në forcat e punës. Në tremujorin e tretë 2022, shkalla e pjesëmarrjes në forcat e punës, për popullsinë 15-64 vjeç është 73,4 %. Krahasuar me tremujorin e tretë të vitit 2021, shkalla e pjesëmarrjes në forcat e punës është 3,3 pikë përqindje më e lartë, ndërkohë që krahasuar me tremujorin e mëparshëm është rritur me 0,6 pikë përqindje.
Sondazh
Pagat janë rritur, por për administratën/ Paga mesatare arrin në 61,613, rriten në shtet, bien në financë dhe komunikacion
Paga mesatare bruto në vendin tonë është ngjitur në 61,613 lekë në tremujorin e tretë të këtij viti, nga 60,666 lekë që ishte në tremujorin e dytë, duke u......
Sa influencë ka Kina në Shqipëri? Renditemi ndër të fundit, ndikimi më i dobët në fusha si politika e jashtme dhe ajo e brendshme
“Doublethink Lab” dhe rrjeti “China In The World” kanë publikuar së fundmi “Indeksin e Kinës, 2022”, projektin e parë ndërrajonal për të matur dhe vizualizuar......
Kreditë me probleme, rekord i ri në tetor/ Pranë 5%, niveli më i ulët që nga nëntori i vitit 2008
Sipas shifrave zyrtare të publikuara nga Banka e Shqipërisë, norma e kredive me probleme vijon të shënojë rënie edhe gjatë muajit tetor. Të dhënat tregojnë se,......
Profili i një të riu mesatar shqiptar/ Mashkull, në arsim të lartë, në punë, i pamartuar, flet një gjuhë të huaj, nuk lexon dhe nuk ndjek aktivitete kulturore dhe sportive
“Scan Intel” herë pas here vjen me krijimin e një identiteti hipotetik të një grupi të cakatuar, bazuar në statistikat zyrtare në vendin tonë. Këtë herë, nisur......
Në Shqipëri çdo ditë "ndërtohen" 6300 metra katrorë/ Analiza e lejeve të ndërtimit prej 1995-ës dhe vitet e “boom”-it
“Scan Intel” ka analizuar lejet e ndërtimit ndër vite, në mbi dy dekada për të kuptuar ecurinë e tyre, vitet kur janë dhënë më shumë leje, ato kur janë dhënë......
Kostot e ndërtimit, 7.2% më të larta/ Ndikimi kryesor, rritja e çmimit të energjisë dhe shpenzimet për materiale
Të dhënat e Institutit të Statistikave sinjalizojnë rritje të kostove të ndërtimit edhe për tremujorin e tretë të këtij viti. Indeksi i Kushtimit në Ndërtim,......
Moody`s “rrëzon” ekonominë shqiptare/ Shkurton projeksionet dhe jep alarmin për rrezikun nga përmbytjet dhe emigrimi
“Scan Intel” ka siguruar ekskluzivisht të plotë raportin më të fundit të agjencisë së vlerësimit të kreditit, Moody`s mbi ekonominë shqiptare, që vjen pas një......
Korrupsioni, Shqipëria me rrezik të lartë/ Renditet e 127-ta në botë, mes 4 shteteve më problematike në Europë
"Indeksi Global i Korrupsionit" për vitin 2022, i publikuar nga “Global Risk Profile” e rendit Shqipërinë në vend të 127-të mes 196-të vendeve të marra në......
