Nga po “dynden” më shumë turistët në Shqipëri? - Turqia, Gjermania dhe Italia, 3 shtetet me rritjen më të madhe mes “Top 10”
Lulëzimi i turizmit shqiptar këtë vit ka bërë bujë të madhe, sidomos përtej kufinjve tanë, dhe veçanërsiht në Itali, ku thuajse përditë, mediat më prestigjioze të vendit i kushtojnë reshta të tëra turizmit në Shqipëri, fluksit të italianëve që e vizitojnë vendin dhe diferencës në çmime mes dy vendeve. Por çfarë thonë realisht shifrat për italianët dhe vendet e tjera të origjinës së turistëve në Shqipëri? `Scan Intel` ka analizuar shifrat publike nga Instituti i Statistikave, që i referohen gjysmës së parë të vitit, pra periudhës Janar-Qershor, çka do të thotë se mungon periudha kulminante e sezonit turistik, pra Korrik-Gusht, por se gjithsesi sinjalizojnë tendencën.
Pjesë e analizës janë 10 vendet kryesore të origjinës së turistëve në Shqipëri gjatë kësaj periudhe kohore, të cilat sipas renditjes nga vendi me më shumë turistë te ai me më pak ndër të dhjeta janë: Kosova, Italia, Maqedonia e Veriut, Mali i Zi, Greqia, Gjermania, Turqia, Mbretëria e Bashkuar, Shtetet e Bashkuara të Amerikës dhe Polonia.
Ndër këto 10-të vende, rritjen më të lartë e regjistrojnë hyrjet e shtetasve nga Turqia, me plot 121%. Në 6 muajt e parë të vitit, shtetasit nga Turqia që kanë vizituar Shqipërinë numërohen në rreth 81 mijë, nga vetëm rreth 37 mijë që ishin gjatë së njëjtës periudhë kohore të vitit 2022. Më pas, në terma rritje ndjek Gjermania, me 57%. Këta të fundit janë ngjitur pranë 115 mijë, nga rreth 73 mijë që ishin në gjysmën e parë të vitit të kaluar. Në vend të tretë ndërkohë gjejmë italianët, në rritje me 56.7% këtë vit, krahasuar me një vit më parë, duke u ngjitur pranë 310 mijë shtetasve, nga 198 mijë që ishin në 2022-shin. Për këto 3 shtete të origjinës së turistëve në Shqipëri, rritja është e konsiderueshme, dhe duhet theksuar se mungojnë të dhënat zyrtare nga kulmi i sezonit, pra Korriku dhe Gushti.
Renditja në terma rritje vjetore vijon me Poloninë, me 50% më shumë turistë këtë vit, krahasuar me vitin e kaluar, Kosovën me 43% më shumë, Malin e Zi me 37% më shumë, Greqinë me 29%, Mbretërinë e Bashkuar me 26%, Shtetet e Bashkuara me 25% dhe në fund fare Maqedoninë e Veriut, me vetëm 0.6% rritje krahasuar me një vit më parë.
Një pjesë e hyrjeve, sidomos nga vende si Greqia janë në fakt shtetas shqiptarë, por si pasojë e moslejimit të dyshtetësisë në vendin fqinj, rezultojnë si shtetas grek. Por kjo logjikë nuk funksionon për vende si Italia.
Nëse zbresim më poshtë në renditje, pra poshtë `Top 10`-shes, bie në sy rritjeae madhe e shtetasve nga Spanja dhe nga Ukraina, me mbi 100%, si dhe rënia e turistëve nga Serbia, me plot 9.5% këtë vit. Këta të fundit kanë qenë në rritje të ndjeshme nga viti në vit, por me shumë gjasa, tensionet Kosovë-Serbi të muajve të fundit kanë ndikuar edhe në këto shifra.
Roel Korkuti/SCAN
Sondazh
Tregu i sigurimeve rrit asetet dhe investimet - Raporti i Mbikqyrjes: Totali i aktiveve u rrit me 7.3%, 43.5 miliardë lekë
Viti 2023 e ka gjetur tregun shqiptar të sigurimeve me rritje të fortë të aktiveve por veçanërisht me rritje edhe më të fortë të investimeve. Sipas Raportit të......
Investimet në ujësjellës - AKUM hap 2 tenderë për projektimin e rrjetit në Vlorë dhe Elbasan
Teksa shumë qytete vuajnë furnizimin 24 orë me ujë, Agjencia Kombëtare e Ujësjellës Kanalizime ka hapur 2 tenderë për investime në qytetet e Vlorës dhe......
Suedia do ndërtojë 10 reaktorë të rinj bërthamorë - Ekspertët e mjedisit thonë se kostot janë shumë të shtrenjta
Ekspertët e mjedisit kanë kritikuar planin e qeverisë suedeze për të ndërtuar të paktën 10 reaktorë bërthamorë në 20 vitet e ardhshëm, duke dyfishuar numrin......
Prill-qershor, ekonomia e Kosovës u rrit 4% - Sipas BQK, kërkesa e brendshme vlerësohet si faktori kryesor që ka kontribuar
Vlerësimet e Bankës Qendrore të Kosovës (BQK) sugjerojnë për një rritje reale ekonomike prej 4 përqind gjatë tremujorit të dytë të vitit. Sipas një analize,......
Kina “çliron” grupet turistike - Lejohen të udhëtojnë në mbi 70 vende
Kina hoqi ndalimin e hyrjes në vend për grupet e organizuara turistike nga më shumë se 70 vende, duke i dhënë një nxitje aksioneve të agjencive të udhëtimeve......
Çmimet e naftës mund të rriten më tej këtë vit - Por, kërkesa për vitin 2024 do të ngadalësohet ndjeshëm
Shkurtimet e furnizimit të OPEC+ mund të gërryejnë inventarët e naftës në pjesën tjetër të këtij viti, duke sjellë çmime edhe më të larta, përpara se rritja e......
Bien të ardhurat nga eksportet e naftës dhe mineraleve - Renta minerare/ Në 6 muaj u arkëtuan 1.5 mld lekë, 36.8% më pak se planet e qeverisë
Buxheti i shtetit ka arkëtuar 1.5 mld lekë nga taksa e rentës minerare në eksport në gjysmën e parë të vitit, duke shënuar rënie, në raport me të njëtën......
Të ardhura të bollshme në buxhet, rekord historik suficiti - Qeveria rrit arkëtimet e pakëson shpenzimet. Plus 47 miliardë lekë për 6-mujorin
Të ardhurat e bollshme në buxhet dhe shpenzimet relativisht të ulëta kanë sjellë për pasojë që suficiti fiskal të arrij rekordin historik prej 47 miliardë......
