Nënçmimi i euros “gërryen” buxhetin e shtetit - Gjatë 9 muajve u arkëtuan rreth 15 miliardë lekë më pak nga TVSH në import
Dorian Koça/SCAN
Nënçmimi i theksuar i euros kundrejt lekut ka shtrirë efektet negative, jo vetëm tek eksportuesit shqiptarë, por edhe në buxhetin e shtetit. Sipas të dhënave zyrtare, vlerësohet se arkës së shtetit I mungojnë të paktën 15 miliardë lekë. Një analizë e përfshirë në aktin normative për ndryshimin e buxhetit 2023, që është depozituar në Kuvend, nënvizon faktin se programimi i të ardhurave tatimore për këtë vit, i cili filloi të hartohet në shtator 2022, u ndërtua mbi bazën e supozimeve të kursit të këmbimit euro/lek për rreth 120 lekë dhe USD/lek, rreth 110 lekë. Mbi këtë bazë u programuan edhe të ardhurat nga tatimi mbi vlerën e shtuar në importimin e mallrave.
Por, gjatë vitit 2023, ka pasur një deviacion të theksuar në ulje nga ky kurs këmbimi i projektuar, çka ka ndikuar ndjeshëm te të ardhurat nga TVSH-ja në import. Pra, baza mbi të cilën llogaritet tatimi mbi vlerën e shtuar në import ka pasur ndikim jo vetëm nga tendenca në rënie e çmimeve të mallrave të importuara në 2023 krahasuar me rritjen e tyre në vitin 2022, por më së shumti nga ulja e vlerës mbi të cilën llogaritet TVSH-ja në import për shkak të kursit të këmbimit.
Kështu, për periudhën janar-shtator, efekti negativ në të ardhurat nga TVSH-ja në import ka qenë -11.5 miliardë lekë vetëm nga faktorët e kursit të këmbimit. Nëse ky trend i kursit të këmbimit do të vijojë në nivelin e tanishëm, efekti negativ në të ardhurat nga TVSH-ja në import do të vazhdojë të rritet edhe në muajt tetor-dhjetor, ndërkohë që pjesërisht mund të kompensohet nga rritja e volumeve të mallrave të importuara. Për këtë arsye, në këtë akt normativ është parashikuar reduktimi i të ardhurave vjetore nga TVSH-ja me 10.9 miliardë lekë krahasuar me planin fillestar të vitit.
Edhe në importin e karburanteve ka pasur më pak të ardhura në vitin 2023 krahasuar me 2022, për të njëjtin shkak të uljes së bazës së llogaritjes së TVSH-së në import, pavarësisht se sasia e importuar është rritur. Nga ulja e çmimit janë arkëtuar rreth 3.5 miliardë lekë më pak se vitin e kaluar.
Importi i energjisë elektrike në 8-mujorin e vitit 2023 ka gjeneruar 3 herë më pak të ardhura nga TVSH-ja e energjisë në buxhet krahasuar me 8-mujorin e vitit 2022. TVSH-ja e arkëtuar gjatë 8-mujorit 2022 në importimin e energjisë elektrike nuk mund të kompensohej në vitin 2023 nga prodhimi i brendshëm, pasi TVSH-ja në import llogaritej mbi çmimet tejet të larta të importit të asaj periudhe (200-500 EUR për MWh). Ndërkohë, TVSH-ja e energjisë që prodhohet në vend dhe u shitet konsumatorëve familjarë gjeneron TVSH-në mbi një çmim shumë herë më të ulët (9.5 lekë/KWh).
Sondazh
Pronarët e ndërtesave do të paguajnë tabelat e adresave - Pr/ligji, në konsultim. Brenda 3 muajve, regjistrim i plotë
Pronarët e ndërtesave do të duhet të paguajnë vetë koston e tabelave të adresave për pronën e tyre. Në kuadër të sistemit të ri të adresave, Ministria e......
Meshkujt zotërojnë 56 % të depozitave bankare në Shqipëri - Në total, janë rreth 3.5 milionë. Balanca s’ndryshon shumë me kalimin e viteve
Shifrat e fundit të publikuara nga Instituti i Statistikave, mbi “Gratë dhe Burrat në Shqipëri”, përmbajnë të dhëna në lidhje me ecurinë e llogarive të......
Shqipëria del nga lista gri për pastrimin e parave – Mete: Vendimi, rrjedhojë e progresit!
Ministri i Financave dhe Ekonomisë, Ervin Mete, njoftoi lajmin se Shqipëria është nxjerrë nga lista e Asamblesë Plenare të FATF për pastrimin e parave. "Ky......
Sondazhi i FIAA: Doganat marrin vlerësimin më të lartë nga të gjitha institucionet në Shqipëri
Shoqata e Investitorëve të Huaj në Shqipëri (FIAA) publikoi dje sondazhin me antarët e saj “Mjedisi i biznesit në Shqipëri 2023”. Sipas vlerësimit të......
Tregti mallrash pa faturë - Policia sekuestron 217 celularë me vlerë rreth 70 mijë euro!
Policia e Shtetit njofton se si rezultat i kontrolleve në biznese në rrethin e Lezhës, me qëllim parandalimin dhe goditjen e paligjshmërive në fushën......
Cilat janë destinacionet kryesore të qëndrueshme të Europës për vitin 2024?!
Kategoria e qëndrueshme njeh vendet që fokusohen në turizmin e përgjegjshëm dhe strategjitë miqësore me mjedisin. Pesë destinacione në Europë janë ndër dhjetë......
Qeveria ruse mbështet një rritje rekord prej 68% në shpenzimet ushtarake!
Shpërthimi në shpenzimet e mbrojtjes ilustron vendosmërinë e Moskës për të vazhduar sulmin e saj ndaj Ukrainës pavarësisht kostos së konsiderueshme njerëzore......
Transmetimi i muzikës pasuron krijuesit - Burimi më i madh i fitimeve për kantautorët dhe kompozitorët
Transmetimi u bë burimi më i madh i të ardhurave për kompozitorët dhe kantautorët në vitin 2022 dhe ndihmoi në rritjen e koleksioneve të tyre me më shumë se......
