Në Shqipëri çdo ditë, 6300 metra katrorë ndërtime - Analiza e lejeve të ndërtimit prej 1995-ës dhe vitet e “boom”-it

“Scan Intel” ka analizuar lejet e ndërtimit ndër vite, në mbi dy dekada për të kuptuar ecurinë e tyre, vitet kur janë dhënë më shumë leje, ato kur janë dhënë më pak, etj. Shifrat zyrtare nisin që prej vitit 1995 dhe janë publike nga Instituti i Statistikave. Sipas këtyre të dhënave, rezulton se që prej vitit 1995, deri në tremujorin e tretë të këtij viti janë dhënë mbi 48 mijë leje ndërtimi në vendin tonë, për një sipërfaqe totale prej rreth 46 milionë metrash katrorë.
Por cilat janë vitet kur janë dhënë më shumë leje ndërtimi? Nga analiza e shifrave rezulton viti 1996, me 6835 leje ndërtimi të dhëna, ndjekur nga vitit 1995, me 4605 leje ndërtimit. Më pas vijojnë vitet 2003, 2000, 2005. Mesatarja vjetore e lejeve të ndërtimit të dhëna për ndërtesa gjatë këtyre dy dekadave e gjysëm fiksohet pranë rreth 1780. Viti 2014, 2015 dhe 2012 ndërkohë janë ato me më pak leje ndërtimi të dhëna, nën 300. Në rast se analizën do ta bënim sipas sipërfaqeve, atëherë shohim se, në vend të parë qëndron viti 2010, me plot 3.4 milionë metra katrorë leje ndërtimi të dhëna, ndjekur nga viti 2008, me 2.88 milionë metra katrorë, viti 2003, 2005 dhe 2011, me nga 2.7 milionë metra katrorë. Tre vitet me më pak sipërfaqe leje ndërtimi të dhëna ndërkohë janë: 1997-ta, 2016-ta dhe 2015-ta, me më pak se 500 mijë. Mesatarja ndërkohë flet për rreth 1.5 milionë metra katrorë leje ndërtimi të dhëna çdo vit, që prej vitit të largët 1995 në vendin tonë.
Sakaq, viti 2021, si viti i fundit me të dhëna të plota flet për rreth 2.3 milionë metra katrorë leje ndërtimi të dhëna në të gjithë republikën. Kjo shifër përkthehet në 6347 metra katrorë ndërtime në ditë, 264 metra në orë dhe 4.4 metra katrorë ndërtime në minutë. Në rast se do t`i referoheshim mesatares historike ndërkohë, prej rreth 1.5 milionë metrash katrorë leje ndërtimi në vit, shifrat flasin për 4224 metra katrorë ndërtime në ditë, 176 në orë, dhe rreth 2.9 në minutë.
Në total, këto shifra tregojnë se tregu i ndërtimit në vendin tonë ndër vite ka pasur luhatje të ndjeshme, dhe se ka qenë mjaft informal. Sipas Agjencisë së Kadastrës, lejet e legalizimit që prej vitit 2006 e deri më sot fiksohet pranë rreth 212 mijë. Pra, ndërkohë që një pjesë e konsiderueshme e ndërtimeve pa leje ende nuk janë legalizizuar dhe nuk përfshihen në këtë total prej 212 mijë legalizimesh, sërish këto të fundit janë rreth 4 herë më të larta se lejet e ndërtimit të dhëna për ndërtesa gjatë dy dekadave e gjysëm.
Roel Korkuti/ SCAN
Sondazh

Udhëtoni me tren, jo me avion! - BE miraton kërkesën e Francës. Ndalon fluturimet e shkurtra
Bashkimi Europian ka miratuar kërkesën e Francës për anulimin e tre itenerareve me rreze të shkurtër për sa i përket fluturimeve, për të kursyer emetimet e......

Sanksionet e BE-së, kufiri i çmimit të naftës ruse dhe rregullat e reja turke shkaktojnë bllokim të cisternave!
Rregullat e reja turke të sigurimit për cisternat e naftës që transportojnë naftë ruse vazhdojnë të ngadalësojnë lëvizjen e cisternave në brigjet e Turqisë dhe......

Botërori i ardhshëm do të ketë 16 ekipe te reja shtesë. A është më shumë më mirë?!
Kupa e ardhshme e Botës do të jetë më e madhja ndonjëherë pasi organizmi botëror i futbollit FIFA vendosi të shtojë numrin e ekipeve nga 32 në 48 në vitin......

BE nis paketën e mbështetjes energjetike prej 1 miliard euro për Ballkanin Perëndimor – Si do të ndahen fondet
Bashkimi Evropian njoftoi në fund të tetorit se ishte duke përgatitur 1 miliard euro grante për sektorin e energjisë në Ballkanin Perëndimor. Detajet e......

Sondazhi: Tregtarët me pakicë mendojnë të investojnë edhe më shumë gjatë 2023 sidomos në teknologji dhe kripto!
Investitorët me pakicë nuk janë trembur nga rënia e aksioneve këtë vit. Në vitin 2023, shumica e investitorëve individualë planifikojnë të investojnë të......

FIFA gjobit Kroacinë dhe Serbinë për incidentet ndëretnike në Kupën e Botës!
Federata e futbollit kroat dhe serb u gjobit nga komiteti disiplinor i FIFA-s për incidente që përfshijnë provokime etnike në Kupën e Botës. FIFA i gjobiti......

Rënia e fortë e tregtisë së jashtme kineze shkakton shqetësime për ekonominë globale!
Rënia e fortë e eksporteve kineze që nga fillimi i pandemisë më shumë se dy vjet e gjysmë më parë ka shkaktuar shqetësime për një rënie ekonomike globale.......

Sa këmbehen sot valutat kryesore?!
Monedha europiane ka humbur sërish pikë këtë mëngjes pasi në raport me ditën e djeshme blihet sot me 115.7 lekë dhe shitet me 116.4 lekë sipas kursit të......