Në 6 muaj, 320 mln USD për punë publike - Si ka qenë ecuria e shpenzimeve kapitale ndër vite?
Gjysma e parë e vitit është mbyllur me investime publike të realizuara në masën 25 % në raport me planifikimin. Referuar të dhënave zyrtare nga Ministria e Financave, për periudhën Janar-Qershor 2023, janë disbursuar 30.8 miliardë lekë apo rreth 320 milionë dollarë.
Nëse do të bëjmë një krahasim ndër vite për të njëjtën periudhë, vihen re luhatje në lidhje me shpenzimet e bëra në këtë drejtim. Megjithatë përjashto vitin 2021 kur investimet publike kanë arritur nivelin më të lartë në 46.7 miliardë lekë, periudhat e tjera qëndrojnë thuajse në të njëjtën linjë. Në 6 mujorin e 2023, vihet re një rritje e lehtë në raport me një vit më parë.
Shpenzimet kapitale të programuara deri në fund të vitit arrijnë vlerën e 124 miliardë lekëve dhe qeveria planifikon që të vijojë të ruajë një nivel të investimeve publike në mbi 5 për qind të PBB edhe në vitet 2024 –2026.
Gjatë 2022-shit realizimi i investimeve hasi vështirësi, ku në mbyllje të vitit ishte përmbushur rreth 50 për qind, çka e detyroi qeverinë që të rishikojë buxhetin. Sipas Financave, një ndër shkaqet e ecurisë së dobët të investimeve publike, ka qenë kjo rritja e çmimeve për lëndët e para, ndërkohë që një pjesë e mirë e kontratave janë lidhur me preventive të çmimeve të mëparshme.
Për këtë arsye, qeveria vendosi që të kompensojë rritjen e çmimeve për disa produkte të caktuara në ndërtim deri në nivelin 30 % për kontratave të lidhura të punëve publike.
Tashmë me normalizimin e inflacionit, ky nuk është më një problem, por zakonisht realizimit të investimeve merr hov më së shumti në periudhën e dytë të vitit.
Elisabeta Dosku/ SCAN
Sondazh
Sa i kushtoi një vend pune shtetit? - Nga programet e punësimit u integruan në treg 491 punëkërkues
Prej vitesh qeveria ka vendosur fonde në dispozicion për nxitjen e punësimit të cilat përfitohen nga biznese me qëllim hapjen e vendeve të reja të punës. Por......
Norma konkurruese, depozitat me afat rriten 11% - Sistemi bankar rrit interesat. Në treg paketa 3% në vit në lek, në euro 2.5%
Gjashtëmujori i parë i këtij viti ka forcuar tendencën e individëve e bizneseve drejt depozitave me afate të gjata. Sipas të dhënave zyrtare të Bankës së......
9 kompani private në bursën shqiptare të energjisë - Zhvillimet e tregut, shkon në 14 numri i subjekteve të listuar në ALPEX
Teksa zyratisht Bursa Shqiptare e Energjisë Elektrike nisi operimet në datën 11 prill të këtij viti, numri i kompanive private të listuara ka arritur në 9.......
Prani e ulët e investitorëve, bonot pranë minimumit - Interesi mesatar 3.16% këtë javë, bien edhe yieldet e instrumenteve afatgjatë
Normat e interesit të letrave me vlerë të Qeverisë kanë shënuar nivele shumë të ulëta, fare pranë kufirit prej 3%, të normës bazë të vendosur që në fillim të......
Banka e Kinës nis lëvizjen mbarëkombëtare për të reduktuar hendekun e pagave midis punonjësve!
Banka e Kinës Ltd, huadhënësi i katërt më i madh i Kinës për nga aktivet, ka nisur një ushtrim mbarëkombëtar për të reduktuar boshllëqet e pagave midis......
Modi: Ekonomia e Indisë do të jetë ndër tre më të mirat në botë brenda 5 viteve!
Kryeministri Narendra Modi tha se ekonomia e Indisë do të jetë ndër tre më të mirat në botë brenda pesë viteve, pasi ai shënoi të martën 76-vjetorin e......
"Po aq e rëndësishme sa energjia apo uji" - Biden: SHBA do të shpenzojë 42 miliardë dollarë për t'i dhënë "çdo personi në Amerikë" akses në internet deri në vitin 2030!
Përkufizimi i "Bidenomics" u zgjerua kohët e fundit për të përfshirë një koncept të ri: akses universal në internet. Në fillim të kësaj vere, presidenti Joe......
Hendeku i yield-eve midis Kinës dhe SHBA-së zgjerohet në nivelin më të lartë që nga viti 2007!
Diferencat e yield-eve midis Kinës dhe SHBA-së u zgjeruan në nivelin më të lartë në 16 vjet të mërkurën, pasi investitorët spekuluan se banka qendrore e Kinës......
