Rriten investimet në bashkinë Mat - Performancë pozitive në mbledhjen e taksës së pasurisë
Të ardhurat e Bashkisë Mat janë rritur në disa kategori kryesore gjatë 2024-ës, në raport me një vit më parë.
Kategoria me rritjen më të lartë është taksa e tokës bujqësore, e cila ka shënuar një rritje prej 218%, duke kapërcyer nga 467 mijë lekë në vitin 2023 në 1.4 milionë lekë në vitin 2024. Edhe pse ende në shifra modeste dhe nën potencial ky ndryshim i ndjeshëm tregon një përpjekje të bashkisë për të formalizuar pronësinë dhe përdorimin e tokës bujqësore, si dhe për të përmirësuar arkëtimin e detyrimeve nga ky sektor.
Edhe taksat e ndërtesës kanë shënuar një rritje të qëndrueshme prej 43%, duke arritur në 19 milionë lekë nga 13,3 milionë lekë në 2023. Po ashtu, taksat e ndikimit në infrastrukturë janë rritur me 36%, duke arritur në 4,6 milionë lekë, krahasuar me 3,4 milionë lekë vitin e kaluar.
Një tjetër burim i rëndësishëm të ardhurash ka qenë tarifa e zënien e hapësirave publike, e cila ka shënuar një rritje prej 62%, duke u ngjitur nga 1,7 milionë lekë në 2,8 milionë lekë. Ndërkohë, tarifa e pastrimit ka mbetur e pandryshuar, me vlera simbolike, duke reflektuar nevojën për përmirësim në mbledhjen e këtij shërbimi.
Në kategorinë e taksave të tjera vendore, Bashkia Mat ka regjistruar një rritje të qëndrueshme prej 46%, duke arritur te mbledhë 88 milionë lekë. Po ashtu, të ardhurat jotatimore janë rritur me 86%, duke arritur në 19,8 milionë lekë, nga 10,6 milionë lekë në 2023.
Në total, të ardhurat e Bashkisë Mat për vitin 2024 tregojnë një tendencë pozitive pothuajse në të gjitha kategoritë. Rritjet e konsiderueshme, veçanërisht në taksën e tokës bujqësore dhe të ardhurat jotatimore, dëshmojnë për një qasje më efektive në administrimin fiskal dhe zgjerimin e burimeve vendore.
Sa i takon shpenzimeve, pjesa më e madhe janë paga personeli dhe operative, por edhe ato kapitale kanë rezultuar në rritje.
Të ardhurat e veta vendore të bashkisë Mat janë 5,912 lekë për banor apo rreth 59 euro, shpenzimet e përgjithshme 28.412 lekë për banor, ndërsa shpenzimet për investime regjistrohen 6,436 apo rreth 65 euro për banor, duke u përfshirë në grupin e njësive me shpenzime të larta në këtë drejtim.
Referuar të dhënave të Censit2023 Bashkia Mat ka 22,103 banorë, dhe në një dekadë për shkak të ndryshimeve demografike ka pësuar një tkurrje me 20%.
Ndryshime në tregun energjetik - Gjenerali: Bizneset, detyrim të deklarojnë furnizuesin. Së shpejti, shërbim për makinat elektrike
2300 biznese të lidhur në tensionin 6kV duhet të duhet të deklarojnë furnizuesin brenda dhejtorit, pasi rrezikojnë të mbeten pa energji elektrike. Në......
Mbi 1 miliard euro për çipet në Gjermani - Kompania amerikane synon zgjerimin e fabrikës në Dresden
Prodhuesi amerikan i çipeve, GlobalFoundries, njoftoi se do të investojë 1.1 miliardë euro për të zgjeruar kapacitetet e prodhimit në objektin e tij......
Si do ndryshojë numri i të punësuarve në bujqësi? - Mbi 468 mijë në 2026-ën, rritet numri i përfituesve nga skemat
16.5 milionë euro do të jetë buxheti shtesë për bujqësinë përgjatë vitit 2026. Qeveria shqiptare synon që përmes mbështetjes në bujqësi, të përmirësohet......
Verërat vendase dominojnë tregun rus - Sanksionet perëndimore detyrojnë Rusinë të mbështetet te prodhimi i vet
Në të kaluarën, raftet e supermarketeve në Rusi dominoheshin nga verërat franceze të Burgundy dhe italiane të Barolo-s, por tani janë të mbushura me një gamë......
Administrata publike arrin në 87,112 punonjës - Projektbuxheti 2026/ Cilat janë institucionet që kanë më shumë staf dhe më pak?
Qeveria shqiptare parashikon zgjerim të administratës publike vitin e ardhshëm. Në projektbuxhetin e vitit 2026 janë planifikuar 87 mijë e 12 punonjës......
Diamanti i rrallë “ndriçon” Gjenevën - “Glowing Rose” mund të shitet në ankand për 20 milionë dollarë
Sotheby’s po përgatitet të prezantojë “Glowing Rose” në Gjenevë, një diamant 10.08 karatësh me ngjyrë rozë, që pritet të arrijë deri në 20 milionë dollarë......
Shqipëria udhëheq rajonin për sigurimin motorik - Rreth 60% e tregut dominohet nga MTPL. Produktet vullnetare mbeten në hije
Shqipëria zë vendin e parë në Evropën Qendrore dhe Lindore për peshën më të madhe të sigurimit të detyrueshëm MTPL në portofolin e saj të sigurimeve. Sipas......
PBB për frymë, rreth 9,046 euro - Tirana 40% mbi mesataren kombëtare, Veriu dhe Jugu “luftojnë” për zhvillim
Sipas të dhënave zyrtare për vitin 2023, Produkti i Brendshëm Bruto (PBB) për frymë në Shqipëri arriti në 9,046 euro, duke shënuar rritje krahasuar me vitet......
