Miratohet metodologjia për subvencionet në ujësjellës/ Për familjet në nevojë kompensim 100% deri në 5 metër kub ujë në muaj
Qeveria ka miratuar një vendim të rëndësishëm për sektorin e ujësjellës-kanalizimeve, i cili synon mbështetjen financiare të familjeve në nevojë dhe garantimin e shërbimeve bazë të furnizimit me ujë të pijshëm. Udhëzimi i ri përcakton metodologjinë për shpërndarjen dhe përdorimin e subvencioneve shtetërore për ofruesit e këtyre shërbimeve për vitin buxhetor 2025.
Në fokus të këtij vendimi është sigurimi i kompensimit të plotë për konsumin bazë të ujit për kategoritë vulnerabël. Subvencionet do të shpërndahen nga Agjencia Kombëtare e Ujësjellës-Kanalizimeve dhe do të mbulojnë vlerën 100% të konsumit deri në 5 metër kub ujë në muaj për çdo kontratë familjare në nevojë, sipas përkufizimeve të ligjit për asistencën sociale.
Kompensimi përfshin gjithashtu tarifën fikse, si dhe tarifat për kanalizimet dhe trajtimin e ujërave të ndotura. Reduktimi i faturës do të aplikohet automatikisht nga shoqëritë ujësjellës-kanalizime përmes sistemit të faturimit mujor. Ky subvencion jepet vetëm një herë për çdo familje, pavarësisht nëse përmban më shumë se një anëtar që i përket kategorive të përfituese.
Për të përfituar nga fondi, shoqëritë rajonale apo lokale të ujësjellësit duhet të kenë nënshkruar kontratën e performancës me AKUK-në. Ato që nuk e kanë bërë ende këtë, nuk do të rimbursohen për zbritjet e aplikuara, dhe do ta përballojnë kostot nga burimet e veta deri në momentin e nënshkrimit të kontratës.
Në rastet kur mbetet fond i pa shfrytëzuar, ai mund të përdoret për të mbuluar kostot e energjisë elektrike nga ato shoqëri që operojnë mbi 75% të prodhimit të ujit me ngritje mekanike, një faktor ky që rëndon ndjeshëm në buxhetet e tyre.
Lista e përfituesve do t’u përcillet çdo muaj shoqërive UK nga njësitë e qeverisjes vendore përmes kanaleve elektronike dhe Regjistrit Kombëtar, ndërsa AKUK do të mbikëqyrë nga afër zbatimin e vendimit përmes strukturave të saj kontrolluese.
Ky vendim është pjesë e përpjekjeve të qeverisë për modernizimin e sektorit të ujësjellës-kanalizimeve, në kuadër të marrëveshjes me Bankën Botërore dhe në përputhje me objektivat e Strategjisë Kombëtare të këtij sektori, duke garantuar një qasje më të drejtë dhe të qëndrueshme ndaj shërbimeve bazë për qytetarët.
Itali, kriza demografike “paralizon” ekonominë/ Popullsia në moshë pune do të tkurret me mbi 20% në 25 vjet
Agjencia kombëtare e statistikave Istat tha se popullsia në moshë pune e Italisë pritet të tkurret me më shumë se një të pestën gjatë 25 viteve të ardhshme,......
Premtimi 750 miliardë USD i BE/ A mund të blejë blloku më shumë energji amerikane?
Bashkimi Evropian ka premtuar të blejë çdo vit furnizime energjetike me vlerë 250 miliardë dollarë nga Shtetet e Bashkuara, duke përfshirë naftën, gazin......
Heqja e tarifave tregtare me SHBA/ Mullaj: Koha për veprim të përbashkët
Në një periudhë ku marrëdhëniet ekonomike ndërkombëtare po riformësohen nga dinamika të reja gjeopolitike dhe tregtare, Shqipëria ka një mundësi reale për të......
Nuk ndalet rënia e euros/ U këmbye me 97 lekë gjatë gjithë korrikut, në nivelet më të ulëta historike
Euro është zhvlerësuar në mënyrë të frikshme kundrejt lekut gjatë muajit korrik. Sipas kursit zyrtar të këmbimit, 1 euro u këmbye me 97.42 lekë në datën 25......
Cilat janë rezultatet e kontrolleve ushqimore? Qytetarët: Duhen bërë më shpesh, jemi më të sigurt
Ministria e Financave, Drejtoria e Përgjithshme e Tatimeve si dhe Ministria e Bujqësisë, po vijojnë aksionet mbi formalizimin e tregut të produkteve......
A ka shpresë për rritjen e euros? Tafa: Duhet të përdoret më tepër politika monetare për zbutjen e kursit të këmbimit
Kursi i këmbimit euro-lek ka arritur në nivelet më të ulëta historike gjatë muajit korrik, ku 1 euro është këmbyer me përafërsisht 97 lekë. Por çfarë po......
Moda e plazhit 2025 në QTU/ Ulje deri në -70%, aksesorët që po bëjnë namin këtë verë
Temperaturat që rriten çdo ditë kanë sjellë momentin ideal për të rifreskuar garderobën tuaj të plazhit. Dhe destinacioni më i kërkuar për këtë është......
Reshjet e shiut shuajnë zjarret/ Dy vatra janë ende aktive, 4 në monitorim dhe 46 janë shuar
Reshjet e shiut që kanë nisur në orët e para të së martës kanë ndikuar ndjeshëm në shuarjen e pjesës më të madhe të zjarreve në Shqipëri. Referuar të dhënave......
