Nuk ndalet rënia e euros/ U këmbye me 97 lekë gjatë gjithë korrikut, në nivelet më të ulëta historike
Euro është zhvlerësuar në mënyrë të frikshme kundrejt lekut gjatë muajit korrik. Sipas kursit zyrtar të këmbimit, 1 euro u këmbye me 97.42 lekë në datën 25 korrik, duke prekur kështu nivelin më të ulët në të paktën 5 vitet e fundit.
Por si është paraqitur kursi i këmbimit që nga fillimi i këtij viti?
Ky vit nuk nisi shumë pozitivisht për monedhën evropiane, pasi në pjesën më të madhe të janarit, euro vijoi të këmbehej me 98 lekë. Në gjysmën e parë të këtij viti, i vetmi rast ku 1 euro është këmbyer me 100 lekë, ka qenë në 30 janar.
Nga ana tjetër, euro do të binte për herë të parë nën 98 lekë në maj, konkretisht në 97.99 lekë në 6 maj, për t'u rimëkëmbur disi në pjesën tjetër të tij. Ndërkohë, që prej datës 2 korrik e deri më tani, 1 euro është këmbyer me vetëm 97 lekë.
Rënia e euros nën 100 lekë ka nisur që prej gushtit të vitit të kaluar dhe që nga atëherë, kursi i këmbimit euro-lek ka mbetur në nivele tepër të ulëta.
Në 29 korrik, euro është rimëkëmbur lehtë duke u këmbyer me 97.54 lekë.
Cilat janë përpjekjet e bëra për zbutur kursin e këmbimit dhe pasojat e këtij zhvlerësimi?
Bizneset eksportuese kanë qenë ato që kanë pasur më tepër humbje nga luhatjet e kursit të këmbimit në vitet e fundit, pasi ato kanë kontrata që janë kryesisht në euro dhe një kontratë për të njëjtën vlerë në euro, por e konvertuar në lek vlen më pak. Para pak muajsh, Shoqata ProEksport kërkoi që të vendosej një kurs këmbimi industrial, pra të fiksohej kursi i këmbimit lek-valutë vetëm për eksportuesit.
Gjithashtu, Banka e Shqipërisë ka të drejtë të ndërhyjë në tregun e brendshëm valutor që të zbusë kursin e këmbimit. Në tremujorin e parë, Banka e Shqipërisë ka blerë vetëm 33.20 milionë euro me qëllim rritjen e rezervës valutore, pra nuk ka bërë ndërhyrje direkte për të frenuar rënien e mëtejshme të euros.
Cilat janë rezultatet e kontrolleve ushqimore? Qytetarët: Duhen bërë më shpesh, jemi më të sigurt
Ministria e Financave, Drejtoria e Përgjithshme e Tatimeve si dhe Ministria e Bujqësisë, po vijojnë aksionet mbi formalizimin e tregut të produkteve......
A ka shpresë për rritjen e euros? Tafa: Duhet të përdoret më tepër politika monetare për zbutjen e kursit të këmbimit
Kursi i këmbimit euro-lek ka arritur në nivelet më të ulëta historike gjatë muajit korrik, ku 1 euro është këmbyer me përafërsisht 97 lekë. Por çfarë po......
Moda e plazhit 2025 në QTU/ Ulje deri në -70%, aksesorët që po bëjnë namin këtë verë
Temperaturat që rriten çdo ditë kanë sjellë momentin ideal për të rifreskuar garderobën tuaj të plazhit. Dhe destinacioni më i kërkuar për këtë është......
Reshjet e shiut shuajnë zjarret/ Dy vatra janë ende aktive, 4 në monitorim dhe 46 janë shuar
Reshjet e shiut që kanë nisur në orët e para të së martës kanë ndikuar ndjeshëm në shuarjen e pjesës më të madhe të zjarreve në Shqipëri. Referuar të dhënave......
Shqipëria mikpret 18 të huaj çdo minutë! Bota po zbulon vendin tonë. Interes i lartë nga Izraeli, Egjipti dhe Kina
Në gjysmën e parë të vitit 2025, Shqipëria ka pritur mbi 4.76 milionë shtetas të huaj, duke shënuar një rritje prej 4.8% krahasuar me vitin paraardhës. Ky......
Femrat punojnë më shumë me kohë të pjesshme/ Grupmosha e re dhe pensionistët e preferojnë më shumë
Të punuarit është një nevojë thelbësore për çdo qytetar, pasi përmes tij sigurojmë të ardhurat që na duhen për të përballuar shpenzimet dhe kostot e jetesës.......
“Reformohet” ligji për produktet jo-ushqimore/ Drafti në Konsultime Publike, në përputhje me rregullat e BE-së
Në kuadër të përpjekjeve për përmirësimin e funksionimit të tregut të brendshëm dhe përafrimin me legjislacionin evropian, në Konsultimet Publike është......
Hapen aplikimet për programet e studimit në universitete/ Viti akademik 2025–2026, maturantët mund të aplikojnë për 10 programe
Ministrja e Arsimit dhe Sportit, Ogerta Manastirliu, përmes një postimi në rrjetet sociale bën me dije hapjen zyrtare të aplikimeve për përzgjedhjen e......
