Dekarbonizimi i sektorit të energjisë - Komuniteti i Energjisë: Miratimi dhe zbatimi i legjislacionit, i përmbushur në masën 66%
Miratimi dhe zbatimi i legjislacionit të nevojshëm për dekarbonizimin e sektorit të energjisë nga Shqipëria është përmbushur në masën 66%. Raporti i fundit i Komuniteti të Energjisë jep të dhëna mbi ecurinë e disa treguesve, sipas angazhimeve të ndërmarra nga vendi ynë. Kështu, sa i takon Planit Kombëtar për Energjinë dhe Klimën, angazhimi është përmbushur në masën 62%, pasi dokumenti u miratua në dhjetor 2021, ndërkohë që puna për përditësimin e planit vazhdoi në vitin 2024, por nuk është finalizuar. “Shqipëria duhet të përfundojë pa vonesë procesin e përditësimit”, -vlerëson raporti.
Sa i takon targeteve të vendosur për reduktimin e gazeve serrë, përmbushja rezulton në masën 80%. Sipas raportit Shqipëria nuk ka përcaktuar një objektiv klimatik për vitin 2030 në legjislacionin kombëtar, por ai është përfshirë në strategjinë kombëtare. Ndaj, vendi duhet të marrë në konsideratë ndryshimin e ligjit “Për ndryshimet klimatike”, për ta përafruar me objektivin e vitit 2030 të vendosur nga Komuniteti i Energjisë.
Ndërkaq, në drejtim të sistemeve kombëtare të raportimit klimatik përmbushja raportohet në masën 92%, pasi ekziston një bazë ligjore për një sistem kombëtar të inventarit të gazeve serrë. Megjithatë, Shqipëria duhet të zbatojë më tej një sistem kombëtar për vlerësimin e emetimeve të këtyre gazeve, që përfshin mbledhjen e të dhënave të emetimeve për të gjitha kategoritë e Panelit Ndërqeveritar për Ndryshimet Klimatike, vendosjen dhe zbatimin e masave të kontrollit të cilësisë, si dhe vlerësimet e pasigurisë në nivel kombëtar.
Ndërkaq, për politikat dhe masat kombëtare për gazet me efekt serrë përmbushja raportohet në masën 71%. “Detyrimet e raportimit janë transpozuar në legjislacion. Raportimi është finalizuar për politikat dhe masat, si dhe për të ardhurat nga mekanizmat e çmimit të karbonit. Megjithatë, raporti mbi strategjitë e përshtatjes ende duhet të dorëzohet në sistemin Reportnet”, - thuhet në dokument.
Më dobët, vendi ynë paraqitet në drejtim të strategjisë afatgjatë dhe neutralitetit klimatik, që vlerësohet i përmbushur në masën 25%. “Është miratuar baza ligjore për një strategji afatgjatë. Megjithatë, Shqipëria nuk ka miratuar ende një strategji afatgjatë me objektivin e neutralitetit klimatik për vitin 2050. Mbetet e paqartë nëse dhe si do të arrihet një objektiv i tillë”, - thuhet në raportin e Komuniteti të Energjisë.
Sondazh
Marrëveshja për parqet eko-industriale/ Suarez: Vizion afatgjatë për industri më konkurruese dhe efikase!
Ministria e Ekonomisë, Kulturës dhe Inovacionit (MEKI) si dhe Korporata Ndërkombëtare Financiare (IFC), anëtare e Grupit të Bankës Botërore, nënshkruan sot......
Çfarë blemë nga India në Prill? Lëndët djegëse përfaqësojnë më shumë se gjysmën e vlerës totale
Shifrat e tregtisë së jashtme për muajin Prill të këtij viti konfirmojnë një konfigurim të partnerëve kryesore si në drejtim të importeve, ashtu edhe sa i......
Rreth 6.78 mld lekë për shpëtimin e bankave nga falimentimi - BSH: Në prill u shtua kontributi në Fondin e Ndërhyrjes së Jashtëzakonshme
Fondi i Ndërhyrjes së Jashtëzakonshme, që përdoret për shpëtimin e bankave në rast falimentimi, apo krizash financiare, ka arritur në 6.78 miliardë lekë.......
Bitcoin arrin nivele historike - Rritja u nxit nga dobësimi i dollarit amerikan
Bitcoin ka arritur një nivel të lartë historik, duke tejkaluar vlerën e mëparshme të janarit. Rritja është nxitur nga lehtësimi i tensioneve tregtare dhe nga......
Udhëheqësit e G7 diskutojnë tarifat tregtare - Bisedimet trajtuan mbështetjen për Ukrainën, politikat e Kinës
Ministrat e financave të G7 kërkuan të gjenin një kompromis mbi tarifat e SHBA-së dhe të ruanin unitetin në takimin e fundit. Ndër çështjet e diskutuara......
Shqipëri-BE, mbahet në Bruksel Konferenca V Ndërqeveritare - Hapet grupkapitulli i ‘Konkurrueshmërisë’
Këtë të enjte mbahet në Bruksel Konferenca e pestë ndërqeveritare Shqipëri-Bashkimi Europian. Delegacioni shqiptar do të kryesohet nga Ministri për Evropën......
‘Auto-moto Park’, qeveria akordon 3 mln euro shpronësime - Projekti që po ngrihet në Elbasan, ka nisur të zbatohet
Qeveria ka miratuar fondin prej gati 3 mln euro shpronësime për pronat që preken nga realizimi i projektit “Auto-moto Park” në Elbasan. Vendimi i marrë në......
Rritje e përgjithshme në tregun valutor! - Sa këmbehen sot Euro, Dollari, Franga dhe Paundi?
Dollari amerikan duket se e ka nisur ditën pozitivisht duke rikuperuar disi nga dje teksa është blerë sot me 86.3 lekë dhe është shitur me 87.6 lekë sipas......
