Kursimet e shqiptarëve. Me pandeminë, shifra më e lartë që prej 2012-ës, Gushti muaji me më shumë kursime
Depozitat e shqiptarëve në sistemin bankar kanë prekur vlerën e 1 trilionë e 81 miliardë lekëve, ç`ka përkthehet në rreth 8.74 mld euro. Të dhënat i referohen muajit tetor dhe tregojnë se depozitat janë rritur me 0.3% krahasuar me muajin paraardhës, për të prekur nivelin më të lartë historik. Gjatë muajve të pandemisë është vënë re një tendencë në rritje për të kursyer, dhe këtë tashmë e vërtetojnë edhe shifrat. Mesatarja mujore e rritjes së depozitave gjatë periudhës kohore mars-tetor, pra që kur ka shpërthyer pandemia dhe kriza që e ka shoqëruar, flet për një normë rritje pranë 0.5%. Kjo normë është më e larta që prej vitit 2012, krahasuar me të njëjtën periudhë kohore të viteve të mëparshme, pra mars-tetor. Vetëm në vitin 2012, me një normë pranë 0.7% rritje mesatare mujore, shqiptarët kursenin më shumë gjatë mars-tetorit, sinjalizojnë të dhënat zyrtare nga Banka e Shqipërisë, të përpunuara nga “Scan Intelligence Unit”. Në vlerë absolute ndërkohë, kursimi i shqiptarëve gjatë pandemisë fiksohet në rreth 39 mld lekë, që përkthehet në përafërsisht 315 mln euro rritje të depozitave.
Po t`i analizojmë të dhënat për frymë, rezulton se, shqiptarët kanë në bankë rreth 3071 euro mesatarisht. Vetëm gjatë periudhës së kohëzgjatjes së pandemisë ndërkohë, kursimi mesatar për frymë fiksohet në rreth 110 euro.
Nga analizimi dhe përpunimi i imtësishëm i të dhënave të Bankës së Shqipërisë, dalin në pah edhe të dhëna mjaft interesante sa i përket periudhës së vitit kur shqiptarët kursejnë më shumë apo edhe më pak. Të dhënat tregojnë se muaji gusht rezulton të jetë ai me rritjen më të madhe mujore të depozitave, ndërkohë që edhe dhjetori rezulton të ketë norma të larta rritje, këto dy muaj përkojnë jo rastësisht me periudhën e rikthimit të emigrantëve në atdhe, ku edhe remitancat janë për rrjedhojë më të larta. Sa i përket muajve ku kursimi duket të jetë më i ulët, periudha mars-prill-maj-qershor duket të jetë ajo që ka frekuencën më të lartë ndër muajt me rënien më të madhe të depozitave të shqiptarëve.
Sondazh
Sa ka ndikuar hapja e shkollave në përhapjen e infeksionit në Shqipëri? “Flasin” shifrat, janë rritur me 55% rastet ditore
Hapja e shkollave, atyre 9-vjeçare dhe gjimnazeve, pavarësisht se nën një protokoll strikt të masave mbrojtëse, është vlerësuar vazhdimisht, si nga ekspertë......
Rriten sigurimet e pronës dhe sëmundjeve. Tërmeti dhe pandemia nxisin trendin, rënie e ndjeshme e siguracioneve motorike
Treguesit më të fundit nga Autoriteti i Mbikqyrjes Financiare (AMF) sa i përket ecurisë së tregut të sigurimeve gjatë periudhës janar-tetor të këtij viti,......
Sa kushton një metër katror? Për ndërtesat për banim, kosto mesatare në 36,800 lekë
Pavarësisht çmimit me të cilin shitet në treg, në çdo cep të Shqipërisë qoftë, një metër katror shtëpi banimi, private apo rezidencë, ka një kosto mesatare, që......
Sa vlen puna në Shqipëri? Me 19 minuta blen një bukë, me 500 orë, 1 metër katror banesë në Tiranë
Paga mesatare në Shqipëri është ndër më të ultat në Europë. Sipas të dhënave të fundit nga Instituti i Statistikave, në tremujorin e tretë të vitit që lamë......
Sa “kushton” një fëmijë? Rreth 22 mijë lekë në muaj konsum shtesë, në Tiranë mbi 30 mijë lekë, në Elbasan “vetëm” 9 mijë
Mesatarisht, një familje shqiptare prej dy personash shpenzon në muaj rreth 63 mijë lekë, ndërkohë që një familje prej dy të rriturish me fëmijë në varësi,......
Rritje rekord e parasë jashtë sistemit. Gjatë 2020-ës, 18.2% më shumë, e paprecedentë që prej 2008-ës
Sasia e parave që qarkullojnë jashtë sistemit bankar në vendin tonë ka prekur një shifër të re rekord gjatë vitit 2020. Në dhjetor të vitit të kaluar, ky......
Zbulohet bilanci i parë i 2020-ës, PBB ra me 6.37%, recesioni i parë që prej 1997-ës, borxhi në 77.8% të PBB-së, rekord historik
Të dhënat më të fundit nga Ministria e Financave dhe Ekonomisë sa i përket treguesve kryesorë të borxhit gjatë vitit të kaluar japin për herë të parë edhe......
Tregtia elektronike, 38.2% të saj e zë akomodimi dhe aktivitetetet e shërbimit të ushqimit
Nga "Scan Intelligence Unit" Ndërmarrjet po bëhen më të shëndetshme në aspektin teknologjik dhe zhvillimit të tregtisë elektronike, tregojnë shifrat më të......
