Inflacioni, në rënie për të 6-tin muaj/ Zbret pranë 4.6%, por ushqimet vijojnë të shtrenjtohen me ritme dyshifrore
Inflacioni regjistron një tjetër rënie për prillin, duke zbritur pranë 4.6%, tregojnë shifrat më të fundit nga Instituti i Statistikave. Prilli është muaji i 6-të me radhë në rënie të inflacionit. Kjo seri e zbutjes së rritjes së çmimeve nisi në nëntor të vitit të kaluar, kur norma zbriste pranë 8.1%, nga 8.3% që ishte në tetor, kur u prek edhe rekordi historik i më shumë se dy dekadave. Në mars të këtij viti ndërkohë, pra muajin pararendës, kjo normë fiksohej pranë 4.3%. Sa i përket ndryshimit mujor të çmimeve, pra nga marsi në prill, shifrat e Institutit të Statistikave flasin për vetëm 0.03% rritje.
Sa i përket kontributit të grupeve kryesore në rritjen e çmimeve me 4.6% gjatë prillit, krahasuar me prillin e vitit të kaluar, ndikimin më të madh, me plot 3.43 pikë përqindje vlerësohet se e ka dhënë grupi “Ushqime dhe pije joalkoolike”, pasuar nga grupi “Mobilje, pajisje shtëpie dhe mirëmbajtje e shtëpisë” me 0.48 pikë përqindje. Çmimet e grupit “Qira, ujë, lëndë djegëse dhe energji” kanë kontribuar me 0.44 pikë përqindje dhe “Hotele, kafene dhe restorante” si dhe “Mallra dhe shërbime të ndryshme” me 0.2 pikë përqindje secili. Vetëm çmimet e grupit “Transporti” kanë ndikuar negativisht, me -0.71 pikë përqindje, çka tregon se rënia e çmimeve të naftës ka filluar të japë efekt të kundërt në normën e inflacionit, edhe pse grupi “Qira, ujë, lëndë djegëse” ka dhënë kontribut pozitiv.
Sa i takon ndryshimit vjetor të çmimeve për grupet kryesore, vëmë re se “Ushqimet dhe pijet joalkoolike” në prill kanë qenë 9.6% më të shtrenjta se prilli i vitit 2022. Kjo rritje pasohet nga grupet “Mobilje, pajisje shtëpie dhe mirëmbajtje e shtëpisë” me 6.7 %, “Hotele, kafene dhe restorante” me 4.5%, “Veshje dhe këpucë” me 3.9%, “Pije alkoolike dhe duhan” me 3.8%, “Mallra dhe shërbime të ndryshme” me 3.6%, “Argëtim dhe kulturë” me 2.4%, “Qira, ujë, lëndë djegëse dhe energji” me 2.3%, “Shërbimi arsimor” me 2.1%, “Shëndeti” me 1.4% dhe “Komunikimi” me 1.2%. Nga ana tjetër çmimet e grupit “Transporti” shënuan ulje me 10.7%.
Duke e kanalizuar analizën te nëngrupet shohim se rritje të konsiderueshme regjistrojnë ato të ushqimeve. Vetëm këto të fundit, pa përfshirë pijet rezultojnë 10.1% më të shtrenjta në prill krahasuar me prillin 2022 dhe 0.3% më të lira kahasuar me marsin e këtij viti. Çmimet e “Qumësht, djath, vezë” në prill rezultojnë 15.5% më të larta se një vit më parë, të peshkut 13.5% më të larta, mishit 12.3%, perimet 10.7% dhe frutat 7.7%. Për këto të fundit kjo është rritje më e lartë që prej janarit të vitit 2022, pra përpara krizës së çmimeve. Zbutja e përgjithshme e inflacionit duket se gjatë muajve të fundit është kombinuar me një shtrenjtim të produkteve që më parë nuk ishin prekur aq shumë nga kriza, kryesisht fruta-zarzavatet. Prilli nga ana tjetër ka konfirmuar zbutjen e rritjes së çmimeve për vajrat, në rritje me vetëm 0.8%, që është norma më e ulët që prej tetorit të vitit 2019-të.
Me përjashtim të ushqimeve dhe mobilimit të shtëpisë, thuajse te të gjitha grupet dhe nëngrupet e tjera vihen re luahtje jo shumë të mëdha të çmimeve.
Sondazh
Sa para dërgojnë shqiptarët jashtë? Mbi $50 milionë në vit. Italia dhe Greqia `presin` 87% të totalit, SHBA e 3-ta
Remitancat janë padiskutim një prej burimeve më të rëndësishme të të ardhurave për familjet shqiptare, dhe gjatë vitit të kaluar kanë prekur një rekord të ri......
BSH bleu 283 kg ar në mars/ Ari monetar arrin në 3.1 ton, ose 208 milionë dollarë. Rezerva valutore, në $5.46 mld
Për herë të parë në thuajse 1 vit, Banka e Shqipërisë ka blerë ar monetar në kuadër të rezervës valutore. Kështu, volumi i arit në posedim të Bankës së......
Vlora, me rritjen më të madhe të kreditimit/ Huaja për individë rritet në çdo qytet, me përjashtim të Elbasanit
Referuar të dhënave të publikuara nga Banka e Shqipërisë për “Huatë për individët sipas rrethit dhe qëllimit të përdorimit”, në tremujorin e parë, në total......
Profili i një “punëtori” në Shqipëri/ Është mashkull, 25-54 vjeç, me 54 mijë lekë pagë, pa arsim të lartë dhe punon në bujqësi ose në sektorin e shërbimeve
“Scan Intel” ashtu siç ka bërë më parë, me profilin e një shqiptari mesatar, me “profilin e një familje shqiptare”, një të riu apo me profilin e një emigranti,......
Çmimet normalizojnë shifrat e transportit/ Rreth 13.5% më shumë mallra përmes detit, me rritje pasagjerët dhe fluturimet
Rënia e nivelit të çmimeve duket se ka stabilizuar tregtinë e jashtme. Këtë e konfirmojnë shifrat e transportit të publikuara nga “Instituti i Statstikave”.......
Më pak vepra penale në 2022/ Në rënie me 4.8%, por "Shpërdorimi i detyrës", shënoi rritjen më të lartë me 44.8%
Veprat penale kanë rënë me 4.8% në vitin 2022, krahasuar me një vit më parë, tregojnë të dhënat e “Institutit të Statistikave” mbi statistikat e krimeve dhe......
Fatura paraprake e “kolapsit” të euros/ Forcimi i lekut “dogji” në pak muaj 30 miliardë lekë, mes depozitave dhe remitancave
Kursi i këmbimit mes euros dhe monedhës vendase ka pësuar padiskutim luhatje të ndjeshme gjatë muajve të fundit. Rënia drastike e euros ka nisur që prej vitit......
Marsi rikthen tendencat rënëse të kreditimit / Por, vijon rritja e kredisë për blerje banese. Rekord huadhënie drejt kompanive publike
Banka e Shqipërisë ka publikuar të dhënat e fundit mbi nivelin e huave të reja të disbursuara gjatë muajit mars sipas qëllimit të përdorimit dhe monedhës gjatë......
