Inflacioni kthehet në efekt `boomerang` për eksportet/ Bien me 17.3% gjatë qershorit, si pasojë e rënies së çmimeve. Në “skenë” dalin Izraeli dhe Suedia
Ngadalësimi i inflacionit dhe ndoshta deri diku edhe zhvlerësimi i euros e dollarit vijon të ulë ritmet tregtisë së jashtme. Shifrat e Instat për qershorin tregojnë se eksportet e mallrave ishin 38 miliardë lekë në një muaj, në rënie me 17.3% krahasuar me të njëjtën periudhë të një viti më parë, dhe me 4% krahasuar me majin e këtij viti. Eksportet janë në rënie për të 4-tin muaj me radhë. Importet ndërkohë regjistrohen pranë 75 miliardë lekëve gjatë qershorit, gjithashtu në rënie, si në terma mujorë ashtu edhe në terma vjetorë. Importet kanë rënë me 7.5% krahasuar me një vit më parë. Këto shifra kanë thelluar edhe më tej defiçitin tregtar, me 5.4% rritje, pranë 37 miliardë lekëve. Edhe sa i përket të gjithë 6-mujorit të parë të vitit shifrat flasin për një rënie të eksporteve me 7.4% dhe të importeve me 1.6%. Me 5.9% ndërkohë që është rritur defiçiti tregtar gjatë gjysmës së parë të vitit.
Ajo që bie në sy nga shirat është rënia e ndjeshme e eksporteve në vlerë, me plot 17.3%, ku kontribuesit më të mëdhenj janë “materialet e ndërtimit dhe metalet” me 9.7 pikë përqindje, “mineralet, lëndët djegëse dhe energjia elektrike” me 4.5 pikë përqindje si dhe “produktet kimike dhe plastike” me 4.4 pikë përqindje. Grupi “Ushqim, pije, duhan” ka dhënë kontribut pozitv në eksportet shqiptare gjatë qershorit, me mbi 4 pikë përqindje. Kjo sinjalizon se rënia e eksporteve në vlerë është e lidhur ngushtë me ngadalësimin e inflacionit, duke qenë se rënien më të madhe e kanë pësuar grupet si materialet e ndërtimit, metalet dhe hidrokarburet, dhe në një kohë që ushqimet, një ndër grupet ku inflacioni nuk është ngadalësuar, kanë dhënë kontribut pozitiv.
Ndërkohë, nëse eksportet i shohim në peshë, kuptojmë se rënia nuk është më dyshifrore, por vetëm 1.8% krahasuar me të njëjtën periudhë të një viti më parë. Përveç mineraleve, lëndëve djegëse dhe produkteve kimike e plastike, të gjithë grupmallrat e tjera të eksporteve regjistrohen në rënie edhe në peshë gjatë qershorit.
Ndër 10 partnerët tanë kryesorë tregtarë në drejtim të eksporteve, vetëm 3 prej tyre regjistrojnë rritje gjatë qershorit; Suedia, Kina dhe Mali i Zi. Madje, për Suedinë rritje fiksohet pranë 155%. Për 3 partnerët kryesorë tregtarë në eksporte shifrat flasin për rënie; 9.4% për Italinë, 2.9% për Kosovën dhe 40.7% për Greqinë. Edhe Serbia me Maqedoninë e Veriut regjistrojnë rënie të ndjehme, mes 23.5% dhe 39.9% në terma vjetorë.
Edhe në hartën e importeve vihet re një situatë e ngjashme, me partnerët kryesorë në rënie vjetore. Por, në sy bie veçanërisht Izraeli, vend nga i cili Shqipëria ka importuar mbi 1300% më shumë mallra gjatë qershorit, krahasuar me qershorin e një viti më parë. Kjo rritje drastike vjen kryesisht si pasojë e importeve të hidrokarbureve dhe mjeteve të transportit.
Shifrat tregojnë se, tregtia e jashtme tashmë po vuan efektin `boomerang` të inflacionit. Ndërkohë që një vit më parë shifrat fryheshin nga rritja e çmimeve, tashmë po shfryhen nga ngadalësimi i çmimeve, sidomos sa i përket cmimeve të lëndëve të para. Nga krahu tjetër, duket se zhvlerësimi i euros dhe dollarit kundrejt lekut vendas nuk ka pasur ndonjë ndikim domethënës dhe të dukshëm në nivel porosish për produktet “Made in Albania”, por gjithsesi ka ndikuar në nivelin e fitimit te biznesit kur të ardhurat nga porositë konvertohen në lekë, çka ka efekt direkt dhe indirekt në kostot e prodhimit dhe nivelin e prodhimit. Gjatë vitit të kaluar, në kulmin e krizës së inflacionit në nivel global, eksportet dhe eksportuesit shqiptarë regjistruan rritje dy-shifrore të porosive në vlerë, dhe me frenimin e inflacionit, ëndërra po kthehet në “makth”, duke pasur parasysh kombinimin me efektin e kursit të këmbimit.
Sondazh
721 shqiptarë hoqën dorë nga nënshtetësia/ Dominon grupmosha e re, por rriten ndjeshëm të huajt që morën pasaportën shqipare
Janë 125 persona azilkërkues që kanë hyrë në Shqipëri përgjatë vitit 2022, referuar të dhënave të Drejtorisë së Azilit të të Huajve dhe Shtetësisë, pranë......
Shqiptarët martohen më të rinj se europianët/ Renditemi në vend të katërt me moshën mesatare më të re të martesës
Shifrat nga “Agjencia Europiane e Statstikave” tregojnë se Shqipëria është ndër vendet me moshën mesatare më të re të martesës, si për meshkujt, ashtu edhe për......
7 në 10 biznese shqiptare, "në hall" për IT/ Eurostat: Kemi normën më të lartë në rajon dhe ndër të parat në Europë
Rreth 68% e ndërmarrjeve shqiptare që kanë rekrutuar ose janë përpjekur të rekrutojnë specialistë të teknologjisë së informacioni kanë hasur vështirësi sipas......
Liria e shprehjes, Shqipëria e 71-ta në botë/ Përkeqësohet krahasuar me vitin 2017-të, renditet e parafundit në rajon
Shqipëria është renditur në vend të 71 mes 161 vendeve në total në Indeksin Global të Lirisë së Shprehjes për vitin 2023 (The Global Expression Report). Sipas......
Riciklimi, Shqipëria ndër të fundit në Europë/ Vetëm 18.7% e mbetjeve janë ricikluar, mesatarja e BE-së për vitin 2021 në 50%
Administrimi i mbetjeve urbane në raport më sasinë e tyre ka qenë dhe vazhdon të mbetet diskutim sa i përket efiçencës së proceseve të eleminimit të tyre.......
Ekonomia e Shqipërisë pritet të rritet me 3.3%/ Instituti i Vienës: Projeksione optimiste, por mungesa e fuqisë punëtore, problem
“Instituti i Vienës për Studime Ekonomike Ndërkombëtare” ka publikuar raportin më të fundit me projeksionet e verës për vitin 2023 duke e lënë të pandryshuar......
Objektivat e SDG, sa progres ka bërë Shqipëria? Ngjitet me 7 pozicione, por në vend numëro me rritjen ekonomike dhe institucionet e forta
Indeksi i Zhvillimit të Qëndrueshëm për vitin 2023, i publikuar nga “Cambridge University” dhe me mbështetjen e agjencive të OKB-së, tregon se Shqipëria ka......
Sa na kushton shkollimi i një mjeku? 36 mijë euro për 6 vite studime. Tarifat e shkollimit janë sa 6-8% e kësaj kosto
Projektligji “Për trajtimin e veçantë të studentëve që ndjekin programin e integruar të studimit të ciklit të dytë “mjekësi e përgjithshme” në institucionet......
