Greqi, turizmi “mbush” llogaritë bankare - Depozitat e individëve u rritën me 1 miliard euro në gusht
Kristi Ceta/SCAN
Llogaritë bankare të familjeve greke janë rritur me 1,035 miliardë euro në muajin gusht, sipas të dhënave të Bankës Qendrore për financimin dhe depozitat. Kjo rritje reflekton fluksin e parave nga turizmi, që duket se e kanë gjetur shpejt rrugën për në bankë.
Kështu, depozitat e individëve arritën 146.8 miliardë euro, me 2.6% më shumë krahasuar me gushtin 2023. Pjesa më e madhe e depozitave të individëve, 107.8 miliardë euro, që është 73% e totalit, janë në llogaritë njëditore, të karakterizuara nga interesa shumë të ulëta, rreth 0.03%.
Rritje më të vogël, në vlerën 366 milionë euro, kanë shënuar edhe depozitat e bizneseve në muajin gusht, me ndryshimin vjetor të vlerësuar në 5.4%. Në total, depozitat e sektorit privat të ekonomisë arritën në 195.4 miliardë euro, me rritjen mujore 1.4 miliardë euro. Në korrik 2024 është shënuar një rënie prej 607 milionë eurosh në depozitat e sektorit privat, ndërsa gushtin e kaluar rritja është kufizuar në vetëm 190 milionë euro, pra afërsisht 10% e këtij viti.
Sa i përket financimit të ekonomisë greke nga bankat, vihet re një stagnacion relativ, ku institucionet financiare i kanë shtuar vetëm 102 milionë euro ekonomisë private. Balanca e kredisë për bizneset dhe të vetëpunësuarit është rritur me 149 milionë euro, ndërsa balanca e individëve është ulur me rreth 48 milionë euro.
Rritje e lehtë prej 18 milionë eurosh është vërejtur te kredia konsumatore për individë, që ka arritur në 8.9 miliardë euro. Megjithatë, tregu i kredive për banesa mbetet anemik, ku pjesa tjetër e tyre u zvogëlua me 64 milionë euro në gusht, duke shkuar në 27.3 miliardë euro.
Rritja e kërkesës për bakër - Parashikohet përdorimi i 1 milion tonëve shtesë në vit deri në 2035
Kristi Ceta/SCAN Kompania australiane e minierave BHP (Broken Hill Propriety) pret që bota të konsumojë mesatarisht 1 milion tonë bakër shtesë në vit......
Britania mbyll centralet me qymyr - Bëhet vendi i parë i G7 që merr këtë vendim
Kristi Ceta/SCAN Britania do të bëhet vendi i parë i G7 që do t'i japë fund prodhimit të energjisë me qymyr me mbylljen e centralit të saj të fundit.......
Dosjet pa vendim nga ATP, çfarë mund të bëjnë pronarët? - Vorpsi: Të marrësh një përgjigje për pronat në gjykatë, duhen 15 vjet
Shpresat për rreth 7 mijë dosje të cilat nuk kanë një vendim nga ATP, për të marrë një përgjigje, qoftë edhe negative, e kapërcen afatin e 10......
Lajm i mirë për fermerët, Denaj: Hapen aplikimet për skemën kombëtare të investimeve në bujqësi
Nga sot të gjithë fermerët që kanë një NIPT, apo grupe fermerësh, mund të aplikojnë për të përfituar nga skema kombëtare e investimeve në......
Ministri Hoxha propozon Ilir Prodën Drejtor të Përgjithshëm të Policisë së Shtetit!
Ministri i Brendshëm, Ervin Hoxha do t’i përcjellë Këshillit të Ministrave, si kandidat për Drejtor të Përgjithshëm të Policisë së Shtetit, emrin e Ilir......
Greqia nis shitjen e aksioneve të Bankës Kombëtare, e cila mund të mbledhë 727 milionë euro!
Edel Strazimiri / SCAN Greqia po përgatitet të shesë një 10% të aksioneve në Bankën Kombëtare të Greqisë, që përfaqëson fundin e një procesi......
Çfarë depozitash preferojnë qytetarët? - Arrin në 130 mln vlera e atyre me afat njëvjeçar. Vijojnë rënien ato me afate mujore
Ledina Elezi/SCAN Totali i depozitave në lekë ka pësuar një rënie të lehtë gjatë muajit gusht. Sipas të dhënave zyrtare nga Banka e Shqipërisë, vlera e......
Bie prodhimi i energjisë në vend - Konsumi nuk ndryshon, KESH dominoi gjenerimin me 55 % të totalit
Ola Mitre / SCAN Mungesa e reshjeve të shiut nuk ka favorizuar prodhimin e energjisë elektrike për periudhën janar – gusht të këtij viti. Sipas të......
