Fshehën pagat, bizneset do të paguajnë mijëra euro - 2023-shi, tatimet nisin kontrollet tek subjektet deri në 5 punonjës!
Bizneset që janë konstatuar me nëndeklarim pagash apo mosdeklarim punonjësish, do duhet që t’i kthejnë administratës tatimore pagesat e munguara. Referuar planit të ndjekur nga njësia kundër informalitetit e cila u ngrit më 5 janar 2022, u konkludua se nga 19 subjekte në fushën e arsimit, tregtisë, ndërtimit, sigurimeve, mediave të planifikuara për të verifikuar gjendjen e deklarimit të pagave për punonjësit e tyre, rezulton të gjithë këta tatimpagues i detyrohen buxhetit të shtetit një shumë prej 49. 7 milionë lekësh apo 426 mijë eurosh për të gjitha llojet e taksave.
Ndërkohë, në dokumentin e reforma ekonomike 2023-2025, ku pasqyrohen këto të dhëna, thuhet se nga informacionet e marra për 41 individë që janë audituar ose janë në proces auditimi nga Drejtoria e Kontrollit të Specializuar, detyrimet e tyre rezultojnë në 1.5 milionë lekë apo 13 mijë euro.
Krahas grupit të tatimpaguesve që po trajtohen nga Njësia e Informalitetit, Administrata Tatimore ka miratuar Planin Sektorial –“Miratimi i masave në lidhje me informalitetin në tregun e punës”, ku janë përcaktuar listat e tatimpaguesve me vetëm 1 punonjës të deklaruar, që rezultojnë në 37.643 tatimpagues ose 57% e totalit të tyre dhe lista e tatimpaguesve me 2-5 punonjës të deklaruar dhe 100% e tyre me pagë minimale që rezulton me 24. 977 tatimpagues me 63.299 punonjës.
Objektivi është pas kontrolleve të arrihet një rezultat me një përmirësim 5-10% të numrit të punonjësve të deklaruar për tatimpaguesit me 1 punonjës dhe një ulje 10-20% të punonjësve me pagë minimale.
Në dokument thuhet se fokusi do të jetë rritja e deklarimit të pagave në tregun e punës dhe vijimi i kontrolleve në subjekte të fushës së sigurimeve, medias dhe arsimit, të cilët kanë rezultuar me parregullsi gjatë auditimeve të para të kryera nga Njësia AntiInformalitet.
Elisabeta Dosku/ SCAN
Sondazh
Ndërtimet mbi një kat, Kadastra rrit tarifën e legalizimit - Nga 8 mijë lekë, pagesa shkon në 10 mijë lekë. Jo më në bllok, por për çdo kat
Ditët e para të këtij viti Këshilli i Ministrave ka miratuar tarifat e reja që do përdoren nga zyrat e legalizimit të ndërtimeve informale. Një prej......
Rritja e çmimit për prodhuesit e energjisë, pa vendim zyrtar - Qeveria tha se do iu blihet me 10 lekë/kWh, por në fuqi është vendimi i ERE 8.56 lekë/kWh
Teksa qeveria ka deklaruar se energjia e prodhuesve me përprësi do të blihet me 10 lekë/kWh, zyrtarisht nuk ka asnjë vendim, që do i hapte rrugën rritjes së......
30% e vaksinave anticovid skaduan nga mospërdorimi - Specialistja Daja: 700 aplikime në ditë, interesi i qytetarëve u shtua gjatë dhjetorit
Interesimi i ulët i qytetarëve për të kryer injektuar dozat kundër covid-19 ka sjellë si rezultat skadimin e një pjese të vaksinave. Rreth 30% e totalit të......
Qeveria tregon se ku ka dështuar me koncesionet - Ministria e Financave dhe Ekonomisë nuk ka kapacitet kontrollues mbi PPP-të
Pas kritikave të Fondit Monetar Ndërkombëtar, opozitës dhe ekspertëve lidhur me praktikat e dyshimta të ndjekura për koncesionet dhe shpërdorimin e pasurive......
Pse Dubai po sheh shifra rekord transaksionesh për shitjet e pronave?!
Tregu i pronave në Emiratet e Bashkuara Arabe dhe veçanërisht ai në Dubai pa shifra rekord transaksionesh gjatë vitit 2022, një trend që ekspertët parashikojnë......
Këto vende europiane janë më të hapurat për punë në distancë ose hibride!
Holanda është vendi i Bashkimit Europian me përqindjen më të lartë të punëtorëve që punojnë në distancë, sipas një studimi të ri. Pandemia e COVID-19 pa një......
Kanadaja heq dorë nga pijet alkolike - Maksimumi dy gota në javë dhe etiketa paralajmëruese
Kanadaja ndryshon udhëzimet për konsumin e alkolit: raporti i ri nga Qendra për Përdorimin e Substancave dhe Varësinë, financuar nga Ministria e Shëndetësisë,......
Lufthansa blen Ita Airways? - Kompania gjermane: Italia tregu më i rëndësishëm pas SHBA
Lufthansa ka dorëzuar në ministrinë italiane të ekonomisë një kërkesë për blerjen e një pjese të aksioneve të kompanisë ajrore shtetërore Ita Airways. Plani......
