Makinat ndryshojnë “lider”, transporti i rëndë mbetet besnik/ Volkswagen, në krye te autoveturat. Mercedes, i “pathyeshëm” te mjetet e rënda
Volkswagen duket se po fiton gjithnjë e më shumë terren në tregun e automjeteve në Shqipëri, duke vënë në diskutim dominimin historik të Mercedes-Benz.
Të dhënat për vitin 2025 tregojnë se Volkswagen kryeson regjistrimet e reja me rreth 18 mijë mjete, duke lënë pas Mercedes-Benz, i cili renditet i dyti. Pas tyre vijnë Audi, Hyundai, Toyota dhe BYD.
Ndërkohë, edhe nw totalin e automjeteve, diferenca mes dy markave është ngushtuar ndjeshëm. Aktualisht, në Shqipëri qarkullojnë rreth 166,768 autovetura Volkswagen dhe 153,275 Mercedes-Benz.
Por nëse shqiptarët po zgjedhin gjithnjë e më shumë Volkswagen për automjetet personale, lind pyetja: cilat marka dominojnë në segmentet e tjera të mjeteve rrugore, si motorwt, kamionët dhe autobusët?
A mbetet Mercedes zgjedhja kryesore për mjetet e rënda, apo tregu shqiptar po ndryshon orientim edhe në këto kategori?
Motorët: treg i fragmentuar, dominim i markave aziatike
Në segmentin e motorëve, shqiptarët nuk ndjekin modelin e autoveturave. Marka më e përhapur rezulton DAYANG me 11,522 mjete, e ndjekur nga Yamaha me 7,800, Honda me 6,778 dhe Piaggio me 4,477. Në këtë kategori vërehet një prirje e fortë drejt markave ekonomike dhe aziatike, ndërsa markat premium, si BMW, mbeten në shifra modeste.
Kamionët: Mercedes mbetet i pakonkurrueshëm
Në segmentin e kamionëve, Mercedes-Benz ruan një dominim të qartë. Me 8,702 kamionë të regjistruar, marka gjermane lë pas ndjeshëm konkurrentët si MAN me 1,864, Iveco me 971 dhe Volvo me 779.
Këtu, zgjedhja e operatorëve shqiptarë duket e lidhur ngushtë me besueshmërinë dhe jetëgjatësinë, ku Mercedes vazhdon të shihet si standardi i industrisë.
Autobusët: “ylli” i Mercedes-it vazhdon të ndriçojë
Edhe në transportin e pasagjerëve, Mercedes-Benz mbetet marka dominuese me 4,157 autobusë. Pas saj renditen Daimler Chrysler me 687, Ford me 512, Iveco me 414 dhe MAN me 374.
Kjo konfirmon se, pavarësisht ndryshimeve në tregun e autoveturave, Mercedes vazhdon të mbajë një rol kyç në sektorët strategjikë të transportit publik.
Sipas të dhënave zyrtare, në Shqipëri qarkullojnë mbi 847 mijë autovetura, ndërsa motorët numërojnë rreth 63,726 mjete. Kamionët janë rreth 17,529 dhe autobusët 9,234, çka tregon qartë se tregu shqiptar mbetet i fokusuar kryesisht te automjetet personale.
Pas 20 vitesh, Shqipëria mbyll ndërmarrjet shtetërore “fantazmë” - Në listë, Albbakër, Albkrom, Duhan–Cigare, Superfosfati e “Qendra e Aksioneve”
Pas më shumë se 20 vitesh zvarritjeje, shteti shqiptar po ndërhyn për t’i dhënë fund një kapitulli problematik të ekonomisë publike: shoqërive tregtare me......
Shqipëria drejt Zonës Shengen - Cili është plani për të mundësuar lëvizjen e lirë pa kontrolle kufitare të brendshme me BE?
Shqipëria po bëhet gati për t'u integruar në Zonën Shengen. Për këtë, vendi duhet të plotësojë paraprakisht disa kërkesa që do të bëjnë të mundur lëvizjen e......
Mbi 20 mijë biznese të reja u çelën në 2025-ën/ Tirana udhëheq Shqipërinë, kryeson shitja me pakicë
Viti 2025 ka shënuar një bum sa i takon iniciative të reja të biznesit. Regjistrimet e bizneseve të reja rezultuan me rritje të ndjeshme vitin që lamë pas me......
Zjarret e verës së kaluar - Mbi 345 milionë lekë dëmshpërblime për 15 bashki
Në mbledhjen e fundit Këshilli i Ministrave ka miratuar fondin e dëmshpërblimeve për bashkitë, territoret e të cilave u prekën nga zjarret gjatë verës së......
Punimet për trenin Tiranë-Durrës-Rinas/ Rritet fondi për shpronësimet, një hap drejt finalizimit të punimeve
Qeveria ka shtuar fondin e shpronësimit të pronarëve që preken nga projekti për ndërtimin e hekurudhës Tiranë – Durrës – Rinas, duke i hapur rrugë......
Ibrahimaj: Libri i Bardhë, udhërrëfyes i strategjive për zhvillimin ekonomik të Shqipërisë
Ministrja e Ekonomisë dhe Inovacionit, Delina Ibrahimaj, mori pjesë në prezantimin e "Librit të Bardhë", një aktivitet të organizuar nga Shoqata e......
Shqipëria, e dyta në rajon për mjedisin e biznesit/ Qasja në kapital mbetet një fushë me potencial për përmirësim
StartupBlink ka publikuar indeksin në lidhje me inovacionin dhe mjedisin e biznesit për disa nga shtetet e botës. Sipas këtij raporti, Shqipëria mban vendin......
AAPSK publikon katalogun e përditësuar të mjeteve të sekuestruara dhe të konfiskuara
Agjencia e Administrimit të Pasurive të Sekuestruara dhe të Konfiskuara (AAPSK) ka publikuar katalogun e përditësuar të mjeteve të sekuestruara dhe të......
