“Made in Albania” fitojnë terren në rajon/ Më shumë shitje, më pak blerje. Shqipëria forcon pozitat me fqinjët
Tregtia e Shqipërisë me vendet e rajonit po anon gjithnjë e më shumë nga eksportet. Gjatë shtatë muajve të parë të vitit 2026, shitjet shqiptare drejt Kosovës, Serbisë, Maqedonisë së Veriut, Malit të Zi dhe Bosnje Hercegovinës u rritën ndjeshëm, ndërsa blerjet nga këto tregje ranë, duke përmirësuar fort bilancin tregtar.
Sipas të dhënave, eksportet drejt pesë vendeve arritën në rreth 43.7 miliardë lekë, nga 39.1 miliardë lekë në të njëjtën periudhë të vitit 2025, me një rritje prej afro 11.9%. Në kahun tjetër, importet ranë nga 32.5 miliardë në rreth 30.4 miliardë lekë, ose me 6.5%.
Si rezultat, suficiti tregtar i Shqipërisë me këto tregje u zgjerua në rreth 13.3 miliardë lekë, nga vetëm 6.6 miliardë lekë një vit më parë. Pra, brenda një viti, diferenca pozitive mes eksporteve dhe importeve është më shumë se dyfishuar.
Edhe në volum, situata është dukshëm në favor të eksporteve, me rreth 1.08 milionë tonë mallra të shitura në rajon, kundrejt vetëm 494 mijë tonëve të importuara.
Kosova mbetet motori kryesor i eksporteve shqiptare në rajon. Në Janar-Korrik, eksportet drejt saj arritën në rreth 23.5 miliardë lekë, 14.7% më shumë se një vit më parë. Importet nga Kosova u rritën më ngadalë, me 6.4%, në rreth 8 miliardë lekë. Për pasojë, Shqipëria regjistroi me Kosovën një suficit prej rreth 15.5 miliardë lekësh, nga 13 miliardë një vit më parë.
Një ndryshim i fortë vërehet edhe me Maqedoninë e Veriut. Eksportet shqiptare u rritën me 7.3%, ndërsa importet ranë me 15.4%. Deficiti tregtar me këtë vend u tkurr nga rreth 2.1 miliardë lekë në vetëm 485 milionë lekë, duke iu afruar ndjeshëm ekuilibrit.
Me Malin e Zi, importet ranë me 34.3%, ndërsa eksportet u rritën me 8.2%. Shqipëria siguroi kështu një suficit prej rreth 4.1 miliardë lekësh, më i lartë se një vit më parë.
Edhe Bosnje Hercegovina dha një sinjal pozitiv, me eksportet shqiptare që u rritën me 23.1%, kundrejt një rritjeje prej vetëm 2.2% të importeve.
Ndryshe paraqitet marrëdhënia me Serbinë, e cila vazhdon të jetë burimi më i madh i importeve mes këtyre vendeve. Shqipëria importoi rreth 12.9 miliardë lekë mallra nga Serbia, megjithëse 6% më pak se një vit më parë, ndërsa eksportet drejt saj u rritën me 4.6%, në 5.9 miliardë lekë. Deficiti me Serbinë mbetet i lartë, rreth 6.9 miliardë lekë, por është ngushtuar krahasuar me një vit më parë.
Kredi me 0% interes për shtëpi/ Ibrahimaj: Hapet thirrja për 300 punonjës të administratës
Ministria e Ekonomisë dhe Inovacionit ka hapur thirrjen për aplikim për 300 kredi me 0% interes, të destinuara për punonjësit e administratës publike që......
511 milionë euro më shumë në arkën e shtetit - 7-mujori/ Turizmi, ndikim kryesor. Investimet rriten me 45 milionë euro
Buxheti i shtetit ka mbledhur në rreth 484.6 miliardë lekë në 7 muajt e parë të vitit, me realizim 100% të planit të periudhës. Të ardhurat totale,......
Sektori i tregtisë “thith” më shumë kredi - BSH: Rritja e kreditimit u mbështet edhe nga bizneset në industri, ndërtim dhe shërbime
Tregtia mbetet sektori që ka dhënë kontributin më të madh në rritjen e kredisë për bizneset gjatë gjashtëmujorit të parë të vitit. Ajo ka kontribuar me 6.1......
75% e kredisë hipotekore e përqendruar në Tiranë - BSH: Rritet financimi për individët. Huaja në lekë u zgjerua me 20.2%
Kredia për individët po vijon të rritet me ritme të shpejta, ndërsa bankat po ofrojnë kushte më të favorshme financimi. Por rritja e kredisë nuk është e......
Berati, drejt transportit publik elektrik - Hapet tenderi 276 mln lekë, autobusë elektrikë dhe stacione inteligjente
Mbi 276 mln lekë do të investohen për ngritjen e një sistemi të integruar të transportit publik elektrik dhe inteligjent në qytetin e Beratit. Tenderi është......
Turizmi ndryshon gjeografi/ Fqinjët “braktisin” Shqipërinë në sezon. Malajzia dhe India me rritje të fortë
Sezoni veror i këtij viti ka sjellë një panoramë interesante sa i perket hyrjeve nga shtetasit e huaj në Shqipëri. Scan Intel ka marrë në analizë hyrjet për......
Sa të huaj vizituan Shqipërinë në Korrik? 7.1% më shumë, kryesojnë ata nga Europa Jugore
Muaji korrik mbetet një nga periudhat më dinamike për lëvizjen e shtetasve, pasi përkon me kulmin e sezonit turistik veror. Të dhënat e publikuara nga INSTAT......
SHBA përfshihet në ringjalljen e gazsjellësit IAP - Projekti lidh Kroacinë me Shqipërinë, mundësi edhe për LNG amerikan
Shtetet e Bashkuara të Amerikës përfshihen në ringjalljen e gazsjellësit Adriatiko-Jonian, një projekt energjetik që nis në Fier dhe, përmes Malit të Zi,......
