Skemat, shtyhet deri më 11 Shtator afati për fermerët - Kush nuk dorëzon dokumentacionin shtesë skualifikohet nga përfitimi i fondeve
Fermerët që janë shpallur fitues në fazën e parë të aplikimit për Skemën Kombëtare në Bujqësi 2026, do të kenë afat deri më 11 Shtator 2026 për dorëzimin e dokumenteve për të përfituar mbështetje financiare.
Agjencia për Zhvillim Bujqësor dhe Rural njofton të gjithë fermerët aplikantë në kuadër të Masave Kombëtare të Mbështetjes nr. 1–7 dhe nr. 9 se, është shtyrë afati për dorëzimin e dokumentacionit shtesë.
Shtyrja e afatit synon t’u krijojë aplikantëve mundësi të mjaftueshme për plotësimin e dokumentacionit të kërkuar, si dhe të lehtësojë procesin e administrimit dhe verifikimit.
Afati i mëparshëm i vendosur për përfituesit e masave 1 deri në 4, ishte data 10 gusht 2026.
Ndërsa për fermerët e shpallur fitues në listat e aplikimeve për masat 5 deri në 7 dhe masën 9, afati për plotësimin e kushteve të përfitueshmërisë ishte data 13 gusht 2026.
Aplikantët që nuk plotësojnë dokumentacionin e kërkuar brenda afatit të përcaktuar do të skualifikohen nga skema mbështetëse.
Skema Kombëtare e Mbështetjes në Bujqësi 2026 ka shënuar një interes të lartë nga fermerët në të gjithë vendin duke regjistruar gjithsej 42.728 aplikime, ndërsa vlera e kërkesave ka arritur në 7.2 miliardë lekë, nga 5,2 miliardë lekë që është fondi i vënë në dispozicion.
Qarku i Fierit kryeson me numrin më të lartë të fermerëve aplikues, i ndjekur nga Korça, Elbasani dhe Vlora, qarqe që vijojnë të mbajnë peshën kryesore të prodhimit në vend.
Këtë vit Skema Kombëtare u organizua në 12 masa mbështetëse të ndara në 9 masa direkte dhe 3 masa investimesh, duke ofruar mundësi financimi në sektorë të ndryshëm. Masat direkte përfshijnë 1. Tufën bazë të gjedhit; 2. Tufën bazë të të imtave; 3.Bletarinë; 4. Dosat dhe paradosat; 5.Kontrollin biologjik; 6. Fermat organike; 7. Certifikimin Global G.A.P; 8. Mbështetjen për sipërfaqet e mbjella; 9.Ripopullimin e ujërave të brendshme.
Interesi më i lartë ka qenë për tufën bazë të të imtave me 7236 aplikime, mbarështimin e bletarisë me 7016 aplikime dhe tufën bazë të gjedhit me 6732 aplikime.
Ndërsa 3 masat e investimeve, përfshijnë mbështetjen e fermerëve të rinj deri në 40 vjeç; ndërtimin dhe rikonstruksionin e staneve; Mekanizimin e bujqësisë.
Këto masa synojnë të mbështesin fermerët në uljen e kostove të prodhimit, rritjen e cilësisë së produkteve, përmirësimin e standardeve të prodhimit dhe nxitjen e praktikave të qëndrueshme bujqësore.
Më pak nxënës në një grup - Ndryshojnë rregullat për klasat e bashkuara
Në shkollat ku numri i nxënësve është i ulët, mënyra si do të organizohen klasat pritet të ndryshojë nga ky vit shkollor. Ministria e Arsimit ka miratuar......
991 subjekte nën kontroll gjatë korrikut - Inspektoriati i Punës vendos 970 masa administrative
Mbi 990 subjekte janë inspektuar gjatë muajit korrik 2026, në kuadër të kontrolleve për respektimin e legjislacionit të punës. Sipas të dhënave mujore nga......
SHBA dhe Irani rifillojnë sulmet ushtarake - Çmimet e naftës u tregtuan me gati 2% më shumë
Çmimet e naftës u tregtuan me gati 2% më lart të hënën, pasi SHBA-të sulmuan një ishull iranian në Ngushticën e Hormuzit dhe Teherani u kundërpërgjigj,......
Si është mbyllur ky muaj për valutat kryesore?
Dollari amerikan e ka mbyllur muajin gusht negativisht duke mos arritur të rikuperojë humbjen që pësoi përgjatë kësaj periudhe teksa është blerë sot me 79.3......
Kostoja e luftës në Iran arrin në 2,400 paund - Analiza për familjet në Mbretërinë e Bashkuar deri në fund të vitit 2027
Familjet në Mbretërinë e Bashkuar do të kenë pësuar një goditje financiare prej mesatarisht 2,400 paund nga lufta në Iran deri në fund të vitit 2027, tregon......
Meloni, gati të vendosë një rekord - Të premten, qeveria e saj bëhet më jetëgjata në historinë e Italisë
Kryeministrja e Italisë, Giorgia Meloni, pritet të arrijë një moment historik të premten (4 shtator), kur qeveria e saj bëhet më jetëgjata në historinë e......
Evropa, në gatishmëri përpara dimrit - Objektet e magazinimit të gazit natyror po zbrazen
Evropa po përballet me një problem të ri energjetik, ndërsa dimri po afron dhe rezervat e gazit natyror mbeten në nivele veçanërisht të ulëta. Lufta në......
Ende shumë larg eurozonës - Raporti i BQE: Nuk po bëhet shumë përparim në anëtarësim
Vendet e Bashkimit Evropian jashtë euros kanë bërë pak ose aspak përparim në konvergjencë vitet e fundit dhe madje edhe Hungaria, vendi që po diskuton më......
