Skemat e reja të mbështetjes në bujqësi për 2025-ën - Tarelli: Më shumë përfitues, ja kur çelen fondet IPARD
Kur priten të hapen thirrjet për aplikimet në skemën kombëtare për të përfituar subvencion, drejtori i përgjithshëm i Politikave të Bujqësisë dhe Zhvillimit Rural në Ministrinë e Bujqësisë Irfan Tarelli, ka folur në emisionin GDP në SCAN tv, mbi risitë, kriteret e përfitimit, masën e mbështetjes etj.
Për herë të parë, qeveria ka vendosur të mbështesë fermat e viçave, ku do të jepet pagesë direkte për gjedhët, në vlerën deri në 10 mijë lekë/krerë lopë/mëshqerrë dhe deri në 5 mijë lekë/krerë viça për fermer/aplikant.
Ndërkohë, fermerët do të përfitojnë pagesa cash për naftën që përdorin për punime të mekanizuara në bujqësi. Kriteret që duhet të plotësojnë fermerët për të përfituar nga skema e naftës, është posedimi i tokës bujqësore në pronësi ose në përdorim, të provuar me dokumentacionin përkatës.
“Udhëzimi përcakton në detaje jo vetëm afatet, por çdo hallkë të procesit dhe i vjen në ndihmë fermerëve që aplikojnë, ata të kuptojnë qartësisht të gjithë procdurën e ndjekur, dokumentacionin, pra të njihen njësoj si ata që administrojnë gjithë sistemin, kështu njihet dhe fermeri me të njëjtën transparencë. Ne mendojmë që numri i aplikimeve sivjet do të jetë edhe më i madh se vitin e kaluar. Gjatë 2024, ne mbështetëm mbi 67 mijë fermerë, nuk është ezaurur ende numri i fermerëve që duhet të vijnë në skemat tona. Kemi ende potencial dhe një nga qëllimet që ne rishikuam skemat, është të rrisim numrin e masave mbështetëse, pra të trajtojmë edhe sektorë të tjerë të rëndësishëm prioritar të bujqësisë apo të blegtorisë, të rrisim numrin e përfituesve, shkallën e mbështetjes. Fermerët të sigurojnë më shumë të ardhura, konsumatori jonë të ketë më tepër prodhim vendas, më shumë prodhim të sigurt dhe pse jo, të eksportojmë”- thotë z. Tarelli.
Aplikimi për të përfituar nga masa e mbështetjes me naftë për bujqësinë bëhet me vetëdeklarim. Tarelli ka thënë se prioritet do të kenë grupimet e fermerëve. Gjatë vitit që lamë pas përfituan subvencion mbi 67 mijë fermerë, ndërsa këtë vit objektiv i kësaj ministrie sipas Tarellit, është rritja e numrit të përfituesve.
“Shoqëritë e bashkëpunimit bujqësor, , por dhe grupe informale fermerësh, ne i motivojmë që të aplikojnë së bashku dhe në rastin e naftës, kushti është që të mbjellin një kulturë të njëjtë dhe kjo bëhet për të minimizuar efektet negative që vijnë nga fragmentimi I madh I tokës. Ne mundohemi që nëpërmjet një instrumenti të vetëm të kemi impakt pozitiv, në 2-3 aspekte, jo vetëm injektim tek të ardhurat e fermerëve që është qëllimi kryesor i pagesave direkte, por të përfitojmë edhe efekte të tjera pozitive nga grupimet” – ka thënë Tarelli.
Drejtori i Përgjithëm i politikave të bujqësisë në MB, ka folur edhe për çeljen e fondeve të IPARD.
“Është dakordësuar për një plan të përbashkët dhe me përmbushjen e tij, do të ndiqen gjithë procedurat për çeljen sa më shpejt të IPARD III . Agjencia e Bujqësisë dhe Zhvillimit Rural, por dhe autoriteti menaxhues dhe NAO, që është zyra që përfaqëson vendin në raport me BE-në, janë duke punuar që të plotësojnë kriteret tashmë të dakordësuara’’- shton Tarelli.
Gjithashtu, qeveria ka prezantuar një instrument të ri bankar me një linjë financimi prej 250 milionë eurosh, për të lehtësuar aksesin në kredi për sektorin e bujqësisë dhe zhvillimit rural.
Sondazh
Si investohen paratë e sigurimit të jetës? - AMF publikon projektrregulloren. Në rast likuidimi, i siguruari kalon në fond tjetër
Autoriteti i Mbikëqyrjes Financiare ka nxjerrë për konsultim publik projektrregulloren “Për sigurimin e jetës të lidhur me pjesëmarrjen në sipërmarrjet e......
Groenlandë, Partia Demokratike triumfon në zgjedhje - Opozita pro-pavarësisë “graduale” fitoi 30% të votave
Partia Demokratike e qendrës së djathtë pro-pavarësisë së Groenlandës fitoi shumicën e votave me pothuajse 30% në zgjedhjet parlamentare, duke arritur një......
BE i kundërpërgjigjet Trump - Vendos paketë hakmarrëse ndaj tarifave amerikane të çelikut, aluminit
Presidentja e Komisionit Evropian Ursula von der Leyen njoftoi një përgjigje ndaj tarifave të reja amerikane për importet e çelikut dhe aluminit, duke......
4 rrugë me pagesë, ARRSH platformë për mirëmenaxhimin - Hapet tenderi 120.3 mln lekë, përdorues do të jenë edhe koncesionarët
Teksa rrugët me pagesë pritet të shtohen, Autoriteti Rrugor Shqiptar parashikon të ngrejë një platformë të integruar për menaxhimin, monitorimin dhe operimin......
2024, papunësia në Shqipëri zbret në 8.8% - Shifrat reflektojnë rënien e popullsisë dhe ndryshimet demografike
Papunësia në Shqipëri për popullsinë 15 vjeç e lart regjistrohet në 8.8 për qind. Drejtoresha e INSTAT, Elsa Dhuli ka bërë me dije shifrat nga anketa......
Komisionerja e BE-së për Zgjerimin, në Shqipëri - Në fokus, reformat dhe negociatat për anëtarësimin në BE
Marta Kos, Komisionerja për Zgjerimin e Bashkimit Evropian, do të vizitojë Shqipërinë nga data 12 deri më 14 mars, duke shënuar misionin e saj të parë zyrtar......
“Rritet aksesi në financë i pensionistëve” - Ministrja Ibrahimaj: Tekstilet, një tjetër sektor që do të mbështetet nga Banka e Zhvillimit
Përveç bujqësisë, tekstilet janë një tjetër sektor që do të mbështeten me financim nga Banka e Zhvillimit. Në Komisionin Parlamentar për Veprimtaritë......
Çikopana: Brenda vitit 2026 përfundon regjistrimi fillestar i zonave kadastrale në të gjithë vendin!
Drejtoresha e Auditit të Brendshëm pranë Agjencisë Shtetërore të Kadastrës, Erisela Çikopana njoftoi gjatë seancës dëgjimore në nënkomisionin për Auditimin e......
