Si po e përballojnë vendet rritjen e çmimit të karburanteve? - Ulje të akcizës dhe TVSH-së për të zbutur disi shtrenjtimin
Rritja e pandalshme e çmimit të karburanteve si rrjedhojë e konfliktit në Lindjen e Mesme po i jep efektet në të gjitha vendet e botës. Qeveritë kanë nisur tashmë të marrin masat e para për të frenuar rritjen e çmimit me pakicë, që nga akciza, vendosjen e çmimit tavan, uljen e TVSH-së etj.
Në Shqipëri, vetëm pak ditë më parë, kryeministri Edi Rama deklaroi si masë të parë uljen e akcizës. Sipas tij, për çdo ditë kur çmimi do të kërcejë mbi tavanin e 220 lekëve për litër do ketë menjëherë ulje me 20% të akcizës së naftës. Ndërkohë, pritet krijimi i një entiteti shtetëror, i cili do të ndërhyjë në tregun e naftës.
Së fundmi, qeveria ka shpallur situatën e veçantë në tregun e hidrokarbureve. Vendimi parashikon se gjatë periudhës së situatës së veçantë do të aktivizohet Bordi i Transparencës dhe Kufizimit të Përkohshëm të Çmimeve për tregtimin me shumicë dhe pakicë të nënprodukteve të naftës dhe gazit.
Në Serbi, qeveria vendosi të ulë sërish akcizën mbi naftën bruto për të frenuar çmimet në treg. Rreth 10 ditë më parë akciza u ul me 20%, ndërsa nga e premtja edhe 40% të tjera, duke e çuar lehtësimin në një total prej 60%. Sipas zyrtarëve, buxheti i shtetit i Serbisë llogaritet të humbasë rreth 103 milionë euro në muaj nga këto masa.
Beogradi ka mbajtur një kufizim çmimesh për naftën dhe benzinën që nga shkurti i vitit 2022, me qeverinë që përcakton çmimet çdo javë. Të enjten, Beogradi gjithashtu zgjati një ndalim për eksportet e naftës bruto dhe produkteve të karburantit deri më 2 prill.
Në Malin e Zi, qeveria vendosi të ulë përkohësisht akcizën e karburantit për të zbutur ndikimin në ekonomi të rritjes së çmimeve globale. Kështu, duke nisur nga 24 marsi, akciza e Eurodiesel do të ulet me 50%, ndërsa akciza e benzinës Eurosuper 98 dhe Eurosuper 95 do të bjerë me 2%.
Përveç kësaj, qeveria vendosi gjithashtu të ndryshojë mënyrën se si rregullon çmimet me pakicë të karburantit duke shkurtuar përkohësisht periudhën kohore për përcaktimin e çmimeve në 7 ditë nga 14 ditët aktuale, duke lejuar kështu një përshtatje më të shpejtë të çmimeve vendase me koston e naftës në tregun global.
Në Itali, javën e kaluar qeveria vendosi heqjen e përkohshme të akcizës së karburantit për 20 ditë, duke bërë që një litër të kushtojë 25 cent më pak. Gjithashtu, masa të tjera lehtësuese janë marrë edhe për sektorë të veçantë për transportin rrugor dhe peshkimin.
Në Spanjë, po javën e kaluar, qeveria uli TVSH mbi produktet hidrokarbure në 10% nga 21%, si pjesë e masave për të zbutur goditjen ekonomike nga konflikti në Lindjen e Mesme. Madridi gjithashtu planifikon të pezullojë akcizën mbi hidrokarburet, që do të çonte në një ulje të menjëhershme të çmimit të naftës dhe benzinës midis 0.30 euro dhe 0.40 euro për litër.
Kartat bankare, “portofoli i ri” i shqiptarëve - BSH: Tregu dominohet nga ato të debitit, ndërsa kreditimi mbetet i kufizuar
Shqiptarët po mbajnë gjithnjë e më pak para në xhep - dhe gjithnjë e më shumë në kartë. Të dhënat më të fundit nga Banka e Shqipërisë tregojnë një ndryshim......
Zbatimi i reformave dhe objektivat e BE-së - Raporti në Fletoren Zyrtare/ 41 masa të raportuara, 21 të realizuara
Komisioni Evropian ka publikuar vlerësimin për Raportimin e Parë të Zbatimit të Facilitetit për Reforma dhe Rritje, një dokument i përfshirë në Dokumentin e......
Shpallet situata e veçantë në tregun e hidrokarbureve - Qeveria ngre Bordin e Transparencës, çmime të detyrueshme për kompanitë
Qeveria shqiptare ka shpallur situatën e veçantë në tregun e hidrokarbureve, pas përshkallëzimit të krizës në Lindjen e Mesme dhe ndikimit të saj në çmimet e......
Sa paguajnë shqiptarët për sigurime? - AMF: Primi për frymë në 2025, rreth 12% më i lartë. Tregu zë një peshë të vogël në ekonomi
Nga viti në vit, shqiptarët po shpenzojnë më shumë për sigurime. Të dhënat më të fundit nga Autoriteti i Mbikëqyrjes Financiare (AMF) tregojnë se primi i......
Sa nikel dhe kobalt ka nëntoka e Bilishtit? - Mineralet kritike, rezervat e vendit përgjatë kufirit juglindor
Vendi ynë synon të kthehet në një aktor të rëndësishëm në tregun e mineraleve kritike, në një kohë kur raportimet në median greke për një investim të......
Greqia, 4 masa për frenimin e çmimit të karburanteve - Mitsotakis: Do të kushtojnë 300 mln euro për periudhën prill-maj
Kryeministri Kyriakos Mitsotakis njoftoi masa për të mbështetur familjet dhe bizneset për shkak të efekteve të luftës në Lindjen e Mesme. Siç deklaroi ai,......
Sa zgjidhje marrin ankesat për punën në Shqipëri? - Mosmarrja e pagave të prapambetura renditet si shqetësimi kryesor
Inspektoriati Shtetëror i Punës ka regjistruar gjatë vitit 2025 një volum të lartë ndërveprimi me qytetarët dhe palët e interesuara, duke evidentuar gjithsej......
Ulet TVSH për karburantet nga 18% në 10% - Vendimi i Qeverisë së Maqedonisë së Veriut, në fuqi për dy javë
Qeveria e Maqedonisë së Veriut ka marrë një vendim të ri, duke ulur Tatimin mbi Vlerën e Shtuar (TVSH) për karburantet nga 18% në 10%. Sipas vendimit, çmimet......
