Shqipëria Postuar më 6 Janar 2026, 10:50

Shkarkime të kontrolluara në kaskadën e Drinit - 700 metër kub/sekondë. Bashkia Shkodër është në koordinim me KESH

Nga Ernilda Luzi

Shkarkime të kontrolluara në kaskadën e Drinit - 700 metër

Reshjet e dendura të shiut që kanë prekur të gjithë territorin e vendit kanë sjellë prurje të shumta edhe në kaskadën e lumit Drin.

Në një postim në rrjetet sociale, kryeministri Edi Rama thekson se në këtë kaskadë kanë nisur shkarkimet e kontrolluara nga hidrocentralet e Komanit dhe Vaut të Dejës.

Aktualisht, po shkarkohet një sasi prej 700 m³/sekondë, përveç prodhimit. Këto shkarkime janë të monitoruara dhe menaxhuara nga specialistët e hidrocentraleve.

Sipas kryeministrit Rama, Bashkia Shkodër është në koordinim të vazhdueshëm me KESH për menaxhimin e situatës dhe minimizimin e çdo rreziku të mundshëm për zonat e territorit të bashkisë. Ndërsa, deri në këto momente nuk është evidentuar asnjë problematikë.

 

Live TV

Të fundit
Të gjitha lajmet

Më të vizituarat