Sa ju kushton kredia konsumatore? - Jo vetëm këste dhe interesa. Komisione disbursimi dhe penalitete për shlyerje të vonuar
Përveç shlyerjes së kësteve dhe interesave, marrja e një kredie konsumatore shoqërohet me një sërë kostosh të tjera që përfshijnë edhe komisionet që duhet t'i paguajë klienti bankës ose subjektit financiar jo bankë. Sipas të dhënave nga Banka e Shqipërisë, komisionet më të shpeshta që aplikohen nga institucionet financiare jo banka janë për penalitet për shlyerje të vonuar, komisione disbursimi dhe komisione për shlyerje të parakohshme të kredisë.
Të njëjtat lloje komisionesh, por me përqindje të ndryshme aplikohen edhe nga bankat. Në ndryshim nga subjektet financiare jo banka, ku komisioni i disbursimit apo ai për penalitet për shlyerje të vonuar aplikohet në vetëm disa prej tyre dhe jo të gjitha, në rastin e bankave, këto janë komisionet që aplikohen gjithmonë dhe nga të gjitha prej tyre për kreditë konsumatore me hipotekë.
Kur një qytetar merr një kredi konsumatore të pasiguruar, pra pa hipotekë në bankë, komisioni i disbursimit zëvendësohet me komision administrimi.
Duhet theksuar se disa nga subjektet financiare jo banka më të mëdha në vend aplikojnë zero komisione për kreditë që japin.
Qytetarët i drejtohen bankave kur duan të marrin kredi konsumatore me vlera të mëdha, ndërsa i gjithë procesi i aplikimit dhe aprovimit të kredisë është i gjatë dhe burokratik. Nga ana tjetër, subjektet financiare jo banka ofrojnë kredi konsumatore në shuma më të vogla, por e miratojnë më shpejt se bankat dhe kjo për arsye se këto subjekte synojnë të tërheqin klientë që janë përjashtuar zakonisht nga bankat tregtare, sepse nuk i kanë plotësuar kriteret e vendosura nga këto të fundit.
Për klientët me aftësi paguese më të lartë, bankat janë të gatshme të japin kredi konsumatore në shuma të larta, ndërsa individët me një aftësi paguese më të ulët ose që thjesht duan të marrin një kredi të vogël, të shpejtë dhe të shmangin procedurat e gjata, zakonisht i drejtohen subjekteve financiare jo banka.
Megjithatë, nëse po mendon të marrësh një kredi konsumatore në bankë apo subjekt financiar jo bankë, duhet të shqyrtoni dhe krahasoni mirë edhe normat e tyre të interesit.
ERE, 13 mln lekë më shumë nga pagesat rregullatore - Rritja e licencave, Enti synon mbledhjen e 405.6 mln lekëve nga 419 kompani të licencuara
Enti Rregullator i Energjisë parashikon rritje të të ardhurave nga pagesat rregullatore të kompanive që operojnë në tregun e energjisë. Në total, ky dikaster......
Propozimi, Kallas: Misioni detar i BE-së në Hormuz - Thirrja e Trump, ministrat e jashtëm të BE takim në Bruksel
Njëzet e shtatë ministrat e jashtëm të BE-së takohen në Bruksel për të diskutuar mënyrat për të siguruar Ngushticën e Hormuzit, pasi Presidenti i SHBA-së......
Kush fiton dhe humbet në "luftën" e re të çmimeve? - Paradoksi i ri i çmimeve në Shqipëri dhe ngarkesa fiskale
Tensionet në rritje në Lindjen e Mesme po japin efektet e para zinxhir edhe në ekonominë shqiptare, duke u reflektuar kryesisht te çmimet e......
Sa tokë bujqësore ka mesatarisht çdo shqiptar? Rreth 4,400 metra katrorë për banor, renditemi në mes të rajonit
Shqipëria ka rreth 1.04 milion hektarë tokë bujqësore, sipas të dhënave ndërkombëtare të Organizatës së Kombeve të Bashkuara për Ushqimin dhe Bujqësinë......
Puna me kohë të pjesshme në rënie gjatë vitit 2025/ Të rinjtë dhe gratë mbeten grupi më i përfshirë në këtë formë punësimi
Punësimi me kohë të pjesshme është një nga format e punësimit që ka marrë gjithnjë e më shumë rëndësi në vitet e fundit, duke u parë shpesh si një......
Llogaritë bankare të shqiptarëve, gati gjysma në telefon - "Besnikë" të radhëve në banka. Pse 53% nuk aksesohen përmes internetit?
Vetëm 47% e llogarive bankare në Shqipëri aksesohen edhe përmes internetit nga aplikacionet ose faqet online të bankave. Pavarësisht se shumë shqiptarë po......
Festa e Filmit, “One Battle After Another” fiton Oscar - Fituesi Warner Bros, në proces shitjeje te Paramount Skydance
Trilleri komik “One Battle After Another” fitoi çmimin për filmin më të mirë në ceremoninë e ndarjes së çmimeve Oscar, duke kryesuar një seri prej gjashtë......
Më pak automjete të vjetra nëpër rrugë - Çregjistrohen 1,761 mjete, ndikim pozitiv për mjedisin e sigurinë
Drejtoria e Përgjitshme e Shërbimeve të Transportit Rrugor bën të ditur se gjatë muajve janar dhe shkurt të vitit 2026 është rritur numri i automjeteve të......
