“Boom” kredish për financimin e investimeve - BSH: Për segmentin e vogël dhe të mesëm, bankat lehtësuan standardet e kreditimit
Për bizneset e vogla dhe të mesme ka qenë më e lehtë marrja e një kredie në tremujorin e parë të vitit, ndërsa ky lehtësim i standardeve të kreditimit pritet të vijojë edhe në tremujorin e dytë. Të dhënat nga vrojtimi më i fundit i Bankës Qendrore mbi aktivitetin kreditues në vend, tregojnë se kostot dhe kufizimet më të ulëta nga bilanci bënë që bankat të tregohen më tolerante për sa i përket dhënies së kredive ndaj këtij segmenti të bizneseve.
E kundërta ndodhi me bizneset e mëdha, për të cilat standardet e kreditimit për financimin e investimeve dhe mbulimin e nevojave për likuiditet nuk ndryshuan dhe as nuk do të lehtësohen në tremujorin e dytë. Ky shtrëngim vjen nga perceptimi i bankave mbi rrezikun për aftësinë paguese të kredimarrësit dhe mbi kolateralin e kërkuar, si edhe toleranca më e ulët e bankave kundrejt rrezikut.
Nga ana tjetër, kushtet dhe termat e kredisë, të cilat i referohen kushteve dhe afatit të kredisë të miratuar sikurse përcaktohet në kontratën e huasë, mbi të cilat është rënë dakord midis bankës dhe huamarrësit, që variojnë nga profili i secilit huamarrës dhe mund të ndryshojnë nga standardet e kredisë, mbetën të pandryshuara për të gjitha bizneset.
Në tremujorin e parë të vitit ka pasur një kërkesë të lartë për kredi nga bizneset. Bizneset kanë kërkuar më shumë kredi si rrjedhojë e nevojave më të larta për financimin e investimeve dhe inventarëve të kapitalit qarkullues. Po ashtu, në gjykimin e bankave, niveli i përgjithshëm i normave të interesit dhe treguesi i besimit të biznesit mbështetën zgjerimin e kërkesës për kredi.
Megjithatë, kësaj kërkese të lartë i është përgjigjur një shkallë më e ulët e miratimit të kredive nga bankat. Faktorët që ndikuan në rritjen e refuzimeve për kredi të bizneseve ishin historiku nga regjistri i kredisë, të ardhurat e disponueshme dhe pasqyrat financiare të bizneseve.
Sondazh
Google përballet me drejtësinë - Gjyqi kundër kompanisë mund të ndryshojë të ardhmen e internetit
Google duhet të përballet me masa të forta që të mos e përdorë inteligjencën artificiale për të forcuar kontrollin në kërkimin online, tha një avokat nga......
Sanitare në sezon me 1200 euro pagë! - Dervishi: Shkak mungesa e fuqisë punëtore dhe rritja e turistëve
Kamerierë, banakierë, picajolë, kuzhinierë e deri te sanitaret, resortet dhe hotelet nga jugu deri në veri kanë ndezur motorët për këtë sezon të ri veror me......
“Epërsia e pamohueshme është programi ynë” - Berisha: Ne kemi modelin e zbatimit të tij 100%
Gjatë një takimi kafe me gratë, kreu i Partisë Demokratike, Sali Berisha, u shpreh se epërsia e pamohueshme në këto zgjedhje është programi i koalicionit......
Balluku inspekton punimet për rehabilitimin e rrugës së Plugut në Lushnje: I shërben fermerëve dhe urbanizimit të zonës
Në bashkinë e Lushnjes, në fshatin Plug, Fondi Shqiptar i Zhvillimit po zbaton projektin për rehabilitimin e rrugës që lidh këtë zonë me autostradën. Një......
“Agroturizmi dhe bujqësia, shtylla të ekonomisë” - Rama, me fermerët e Beratit: Mbështetje financiare për këdo
Kryeministri, njëkohësisht kryetar i Partisë Socialiste, Edi Rama, takimin e radhës e zhvilloi me fermerët dhe sipërmarrësit në qarkun e Beratit. Gjatë......
Trump synon firmat farmaceutike - Propozon uljen e çmimeve të barnave amerikane
Prodhuesit e barnave janë paralajmëruar se Administrata Trump po shqyrton uljen e çmimeve të ilaçeve në SHBA, duke i bërë të ngjashme me shumat e ulëta që......
Dështon përsëri zgjedhja e kryetarit të Kuvendit të Kosovës
Deputetët e rinj të Legjislaturës së Nëntë të Kuvendit të Kosovës të cilët u betuan javën e kaluar, nuk arritën sërish që në shumicë të votojnë kryetarin e......
310 euro për çdo banor në Shqipëri - Rriten shpenzimet e bashkive për frymë, ulen investimet
Shpenzimet e bashkive për frymë kanë pësuar një rritje të ndjeshme nga viti në vit. Të dhënat zyrtare të Ministrisë së Financave, tregojnë se nga 10.638 lekë......
