10 milionë euro nga zënia e hapësirave publike - Shifër rekord në 2024-ën, rriten edhe të ardhurat nga tarifat e pastrimit
Ditët e fundit qeveria ka nisur një aksion për lirimin e hapësirave publike nga bizneset, fokusuar kryesisht në bashkitë bregdetare, por edhe gjerë.
Por si janë të ardhurat që bashkitë në vend mbledhin nga tarifat vendore për zënien e hapësirave publike?
Të dhënat zyrtare nga raporti i financave vendore për vitin 2024 të analizuara nga SCAN TV tregojnë se niveli i të ardhurave nga tarifa vendore për zënien e hapësirave publike është rritur ndjeshëm nga viti në vit, gjë që nuk ka ardhur vetëm nga niveli i tarifës, por edhe nga rritja e sipërfaqeve të zëna të këtyre hapësirave nga ana e bizneseve. Konkretisht nga 5.7 milionë euro të mbledhura në vitin 2020, ka pasur një rritje progresive nga viti në vit duke u regjistruar në 10 milionë euro, apo thuajse dyfish në vitin 2024.
Ndërkohë rritja në raport me 2023-in, është në masën 8.8 %. Në të ardhurat totale që arkëtojnë bashkitë, kjo taksë zë rreth 2,3% të totalit.
Tarifa për zënien e hapësirës publike paguhet për përdorimin e hapësirave publike për qëllime biznesi, çadra, tenda, tavolina, vendosje gjeneratori dhe llogaritet si detyrim mujor ose vjetor sipas kategorive. Kjo tarifë aplikohet në bazë të sipërfaqes për m2, kohëzgjatjes, llojit të aktivitetit, bashkisë si dhe zonës së qytetit. Çdo bashki ka vendimet e saj lidhur me nivelin e tarifës që aplikon.
Në Bashkinë Tiranë, tarifat e zënieve e hapësirave apo trotuareve për qëllim tregtare variojnë nga 100-800 lekë/m2/ditë.
Në Bashkitë Durrës, Elbasan, Shkodër, Vlorë aplikohet një mesatare prej 100-400 lekësh/m2/ditë.
Nga ana tjetër edhe pse ka ankesa të shumta për menaxhimin e mbetjeve, të ardhurat që kanë mbledhur bashkitë nga tarifat e pastrimit dhe të higjienës, regjistrohen në 59 milionë euro në 2024, shifër kjo rekord e 5 viteve të fundit.
Në strukturën totale të të ardhurave, ky zë ka një peshë prej 13.3 për qind, ndërkohë që në raport me një vit më parë ka pësuar rritje me 24.3 %.
Tatimet, fushatë për formalizimin e bujqësisë - Zusi: Nevojiten ndryshime ligjore dhe mbështetje financiare
Ekspertët e ekonomisë e mbështesin nismën e administratës tatimore për të formalizuar sektorin e bujqësisë, por sugjerojnë që të ndërmerren edhe ndryshime......
Vala e nxehtësisë “nxit” energjinë diellore - Impiantet solare në BE gjeneruan sasi rekord gjatë qershorit
Vala e fundit e nxehtësisë në Evropë rriti ndjeshëm kërkesën për energji, veçanërisht për shkak të përdorimit të kondicionerëve. Burimet diellore luajtën një......
Eksportet gjermane tkurren në maj - Bie numri i dërgesave drejt SHBA-së, rriten shqetësimet për tarifat
Eksportet gjermane pësuan rënie në maj, ndërsa dërgesat drejt SHBA-së u tkurrën ndjeshëm mes shqetësimeve për tarifat e larta. Gjermania po negocion me......
Shqiptarët po udhëtojnë më shumë se kurrë - Rekord i daljeve, Vathi: Diversifikim dhe bileta më të lira
Në 5 vitet e fundit, kufijtë nuk janë thjesht tejkaluar, janë kaluar me valixhe, biletë elektronike dhe dëshirë për të parë më shumë nga bota. Sipas të......
Shqipëria, nënkampione në “WSIS Prizes 2025”për kategorinë “e-Government”!
Në një nga ngjarjet më prestigjioze globale të teknologjisë dhe inovacionit, në ceremoninë e ndarjes së çmimeve “WSIS Prizes 2025”, Drejtoresha e......
Rama: Reformë e re ligjore e kontrollit të zhvillimit të territorit!
Kryeministri Edi Rama reagoi sot për aksionin e lirimit të hapësirave publike si dhe lajmëroi nisjen e një reforme të re ligjore të kontrollit të zhvillimit......
Sa "super pensionistë" ka Shqipëria? Femrat dominojnë listën e shqiptarëve mbi 100 vjeç
Në Shqipëri jetojnë 364 qytetarë që kanë kaluar moshën 100 vjeç. Të dhënat e Censit të vitit 2023 tregojnë se nga këta, 301 janë gra dhe vetëm 63 janë burra,......
TIA njofton: Linjë e re ajrore mes Shqipërisë dhe Jordanisë!
Tirana International Airport vijon të zgjerohet si një nyjë e rëndësishme lidhëse mes Shqipërisë dhe destinacioneve ndërkombëtare, duke ofruar gjithnjë e më......
