Edhe BERZH ul projeksionet për Shqipërinë - Ekonomia do të rritet me 2.5% këtë vit, 0.5 pikë përqindje më pak nga parashikimi i kaluar
"Banka Europiane për Rindërtim dhe Zhvillim" (BERZH) ka shkurtuar projeksionet për rritjen ekonomike të Shqipërisë këtë vit, pranë 2.5% nga 3% që ishte në rishikimin që bëri ky institucion në shtatorin e vitit të kaluar, thuhet në raportin më të fundit të tij mbi perspektivën ekonomike të vendeve që mbulon. Kështu, për këtë vit projeksionet për rritjen ekonomike janë shkurtuar me 0.5 pikë përqindje. Ndërkohë, parashikimet për vitin e ardhshëm, pra për vitin 2024 janë më optimiste se ato për vitin aktual. Sipas të dhënave të raportit të BERZH, projeksionet për rritjen ekonomike të Shqipërisë në vitin e ardhshëm janë pranë 3,3%.
Krahasuar me vendet e Ballkanit Perëndimor, Shqipëria bashkë me Bosnje Hercegovinën dhe Maqedoninë e Veriut rezultojnë si tre shtetet me shkurtimin më të vogël të projeksioneve për vitin aktual, me 0.5 pikë përqindje për vendin tonë dhe me nga 0.3 pikë përqindje për Bosnje Hercegovinën dhe Maqedoninë e Veriut. Ndërkohë vlen të përmendim se "Banka Europiane për Rindërtim dhe Zhvillim" i ka shkurtuar projeksionet për rritjen ekonomike në të gjitha vendet e Ballkanit Perëndimor. Serbia mban rekord me shkurtimin më madh me 1.3%.
Sa i përket normave të rritjes ekonomike ndërkohë, sipas të dhënave shohim se Shqipërisë këtë vit projektohet t`ia kalojë Kosova dhe Mali i Zi. Këtë vit, rritja ekonomike në vendin tonë parashikohet të jetë 0.3 pikë përqindje mbi mesataren e vendeve të Ballkanit Perëndimor, ndërsa vitin e ardhshëm parashikohet të jetë 0.1 pikë përqindje më e ulët. Rritjen më të lartë ekonomike për këtë vit parashikohet ta ketë Mali i Zi, me 3.3%, ndërkohë ndiqet nga Kosova me 3%. Parashikimet për vitin e ardhshëm pozicionojnë Kosovën në krye me rritjen më të lartë, me 4%, pasuar nga Mali i Zi me 3.7% dhe Serbia me 3.5%.
Deri më tani, “Instituti i Vienës” ka parashikimet më pozitive për rritjen ekonomike të Shqipërisë sa i përket vitit aktual, me 3%, ndërkohë që rritja ekonomike e Shqipërisë për vitin 2023, sipas FMN, parashikohej në 2%, krahasuar me vitin që lamë pas. Nga ana tjetër, sipas Bankës Botërore, rritja ekonomike për vitin aktual parashikohej në 2.2%, ndërsa Moody`s flet për një rritje prej vetëm 1.8% këtë vit.
Xhorxhina Deda/SCAN
Sondazh
Rritet çmimi i energjisë për prodhuesit - Shoqata: Të aplikohej nga janari, i kemi dhënë shtetit 300 milionë euro në 6 muaj
Enti Rregullator i Energjisë miratoi rritjen e çmimit me të cilin qeveria blen energjinë nga prodhuesit me përparësi të energjisë elektrike, duke e çuar në 10......
Dështon bursa sa paga minimale e studentëve - E marrin vetëm 160 vetë. Pedagogët: Kanë humbur interesin për notat, duan të largohen nga vendi
Politika nxitëse e shpallur nga qeveria në fillim të këtij viti akademik për shpërblimin me bursë sa paga minimale për studentët që zgjedhin degët prioritare......
Caktohen çmimet e energjisë për bizneset - Vendimi, për 2023-in klientët në 20, 10 dhe 6 KV do e paguajnë 18.26 lekë/kWh
Çmimet e energjisë për bizneset e liberalizuar lidhur në tensionin 20, 10 dhe 6 KV për vitin 2023 do të jetë 18.26 lekë/kWh. Enti Rregullator i Energjisë......
Bankat shtrëngojnë kredinë për biznese, “s’preket” hipotekorja - Analiza e BSH, u aplikuan kushte të lehtësuara vetëm në segmentin e individëve
Një analizë e Bankës së Shqipërisë për ecurinë e kreditimit konkludon se bankat kanë shtrënguar kushtet e kreditimit, veccanërisht për bizneset, në një kohë që......
Sezoni 2023, kompani të huaja do certifikojnë barkat shqiptare - Klasifikim për kushtet e sigurisë të çdo mjeti lundrues me kapacitet deri 12 persona
Qeveria ka vendosur t’ua besojë kompanive të huaja klasifikimin dhe certifikimin e sigurisë së mjeteve lundruese për përdorim turistik në prag të këtij sezoni.......
Shkelje në koncesionin e kaskadës së Devollit - KLSH: Miliona euro dëm ekonomik e të ardhura të munguara. Pak energji e përfituar nga shteti
Kontrolli i Lartë i Shtetit ka konstauar efekte negative financiare në koncesionin e Kaskadës së Devollit, duke nisur nga të ardhurat e munguar e deri te dëmi......
Dimri brutal që nuk erdhi kurrë: Europa grumbulloi më shumë gaz natyror se sa i nevojitej dhe tashmë po haset me një problem serioz!
Europa pati fat - ajo arriti të shmangë një krizë energjetike, e gjitha kjo falë një dimri të ngrohtë. Por ka një problem tjetër. Vendet në rajon grumbulluan......
IEA: Sanksionet ndaj naftës ruse po japin ‘efektin e synuar’!
Ndalimet dhe kufizimet e çmimeve që synojnë naftën ruse kanë "efektin e synuar" pavarësisht prodhimit dhe eksporteve çuditërisht elastike në muajt e fundit,......
