Çmimet e konsumit, problemi kryesor i shqiptarëve/ Barometri Ekonomik Scan: Ndjekin taksat dhe papunësia, situata politike renditet e fundit
Një nga çështjet e trajtuara në Barometrin Ekonomik Scan, mes shumë të tjerave, është edhe ajo e problematikave kryesore të shqiptarëve, ku renditen 10 të tilla. Të anketuarit kanë dhënë një vlerësim për disa çështje aktuale dhe sa problematike do t`i konsideronin ato për familjen e tyre. Vlerësimi është kryer në një shkallë nga 1 në 10, ku 1 do të thotë aspak problem dhe 10 do të thotë shumë problematike. Nga anketa e zhvilluar në nivel kombëtar, raporti tregon se çmimet e konsumit janë vlerësuar si problematika kryesore e familjeve shqiptare. Kjo sigurisht është ndikuar nga rritja çmimeve, kryesisht te ushqimet dhe karburantet. Kjo problematikë është vlerësuar nga familjet shqiptare, me 8.7 pikë nga 10 pikë në total. Problematika e dytë në renditje, e vlerësuar me 6.77 pikë, janë taksat dhe tatimet. Një tjetër problem i renditur, i treti nga familjet shqiptare dhe i vlerësuar me 6.68 pikë është papunësia. Le të rikujtojmë se të dhënat nga “Instituti i Statistikave” mbi papunësinë, për tremujorin e katërt të vitit 2021, tregonin se norma e papunësisë kishte pësuar rritje dhe nga ana tjetër punësimi regjistronte rënie. Pandemia e shkaktuar nga Covid-19 vazhdon të jetë e renditur mes vendeve të para, duke u vlerësuar këtë edicion me 6.01 pikë nga 10 pikë në total. Së fundmi, duket se familjet shqiptare po vlerësojnë më shumë si probematika kryesore çështjet e rëndësishme të cilat lidhen drejtpërdrejt me ekonominë e familjes së tyre dhe gradualisht e kanë laguar fokusin nga situata politike apo efikasiteti i gjyqësorit. Për këto dy problematika, vlerësimi në pikë ka ardhur duke rënë që nga publikimi për herë të parë i barometrit. Në këtë edicion, situata politike dhe efikasiteti i gjyqësorit janë vlerësuar si më pak problematiket. Nëse do të bënim një krahasim me tremujorët e kaluar, vrehet një rënie e vlerësimeve pothuaj për të gjithë indikatorët me përjashtim të çmimeve të konsumit. Të dhëat i referohen tremujorit të fundit të vitit të kaluar.
Problematikat kryesore të familjeve shqiptare
KLIKONI KETU PER RAPORTIN E PLOTE
Sondazh
43% e shqiptarëve mendojnë të emigrojnë/ 6% kanë një plan konkret dhe 2% kanë valixhet gati
Më shumë se 4 në 10 shqiptarë mendojnë të emigrojnë nga vendi, tregojnë të dhënat më të fundit nga “Barometri Ekonomik Scan”. Më saktësisht, 43% e shqiptarëve......
Kriza po "frenon" blerjet e mëdha/ Shqiptarët sprapsen nga investimet, por jo për pajisje shtëpiake
Edicioni i katërt i Barometrit Ekonomik Scan, përfshin tregues të ndryshëm, ku mes tyre dhe tregues të cilët lidhen drejtpërdrejtë apo indirekt me konsumin.......
Rritet papunësia në T4 2021/ Ngjitet në 11.4% në fund të vitit të kaluar, pëson rënie niveli i punësimit
Shifrat më të fundit të tregut të punës të publikuara nga Instituti i Statistikave tregojnë se shkalla zyrtare e papunësisë në vendin tonë gjatë tremujorit të......
62% e shqiptarëve, të pakënaqur me jetesën/ Niveli i jetesës, vetëm 4% janë plotësisht të kënaqur
Më shumë se 6 në 10 shqiptarë janë të pakënaqur me nivelin e tyre të jetesës. Kjo e dhënë del në pah nga edicioni i 4-tët i “Barometrit Ekonomik Scan”, i cili......
A e përballojnë dot jetesën familjet shqiptare? 45% nuk përballojnë dot mishin, 38% automjetin, 35% ngrohjen e shtëpisë
Indikatori i kufizimit material, pjesë e “Barometrit Ekonomik Scan” fiksohet pranë 40 pikëve, bazuar në edicionin e 4-tët të këtij barometri. Një nivel pranë......
Rritet paga mesatare në T4 2021/ Shqiptarët u paguan me 4,614 lekë më shumë se një vit më parë dhe me 3,130 më shumë se në T3 2021
Paga mesatare bruto në Shqipëri ka pësuar rritje më 8.4% gjatë tremujorit të katërt të vitit që lamë pas, tregojnë të dhënat më të fundit të “Institutit të......
Nga e importon naftën Shqipëria? Italia, Arabia Saudite, dhe Rusia, tre vendet me pjesën më të madhe të “tortës”
“Scan Intelligence Unit” ka analizuar shifrat e tregtisë së jashtme për të kuptuar se nga i importon Shqipëria lëndët djegëse minerale, hidrokarburet. Analiza......
55% e shqiptarëve nuk kursejnë dot/ Barometri Ekonomik Scan: Përkeqësohen edhe pritshmëritë për të ardhmen
“Barometri Ekonomik Scan dhe Indeksi i Besimit Konsumator” për tremujorin e katërt të vitit 2021 fokusohet në një sërë problematikash ku ndër të tjera edhe te......
