Bruksel, AMF kryeson delegacionin shqiptar në takimet shpjeguese me BE për kapitullin 9 “Shërbimet financiare”
Autoriteti i Mbikëqyrjes Financiare ishte kryesues i delegacionit shqiptar që mori pjesë në takimet shpjeguese për kapitullin 9 të negociatave “Shërbimet financiare”, organizuar në Bruksel nga Komisioni Evropian. Gjatë takimit ku Autoriteti u përfaqësua nga Drejtori i Përgjithshëm Ekzekutiv, Ervin Mete, në cilësinë e negociatorit të kapitullit 9, u theksua se është thelbësore përgatitja për procesin e negocimit të kapitujve dhe përafrimi i mëtejshëm i legjislacionit shqiptar me acquis të BE.
Takimi u hap nga Drejtuesi i ekipit për Shqipërinë në Drejtorinë e Përgjithshme të Fqinjësisë dhe Zgjerimit në Komisionin Evropian, Vincent Rey, si edhe nga fjalët përshëndetëse të znj. Majlinda Dhuka, Ministre Shteti dhe Kryenegociatore e Shqipërisë, si edhe znj. Drita Abdiu Halili, Zv/Kryenegociatore e Maqedonisë së Veriut.
Më tej, ekspertët e Komisionit Evropian bënë një prezantim të direktivave dhe kërkesave që duhet të plotësojë Shqipëria sa i përket kapitullit 9 “Shërbimet Financiare”. Acquis në këtë kapitull rregullon shërbimet financiare në fushën bankare, atë të sigurimeve, pensioneve vullnetare, shërbimeve të investimeve dhe tregjeve të titujve. Së bashku me Autoritetin e Mbikëqyrjes Financiare, institucione të tjera kontribuese në këtë kapitull janë Banka e Shqipërisë, Instituti i Statistikave (INSTAT), si edhe Agjencia e Sigurimit të Depozitave (ASD).
Përgjatë viteve të fundit është ndryshuar një pjesë e konsiderueshme e ligjeve për tregjet nën mbikëqyrjen e Autoritetit, duke i përafruar me Direktivat dhe kuadrin ligjor evropian. Në vitin 2020 u miratuan ligjet e reja për tregjet e kapitalit, sipërmarrjet e investimeve kolektive, si edhe për tregjet financiare të bazuar në teknologjinë e regjistrave të shpërndarë. Ndërsa në vitin 2021 u miratua ligji i ri për sigurimin e detyrueshëm në sektorin e transportit. Projektligji i ri për fondet e pensioneve private është në pritje të miratimit nga Këshilli i Ministrave.
Avancimi ligjor dhe rregullator i ndërmarrë nga Autoriteti u nënvizua edhe në Raportin e fundit të Progresit, të Komisionit Europian, publikuar në vitin 2021. Në gjetjet e Kapitullit 9-të “Shërbimet Financiare”, raporti thekson se “është bërë progres në lidhje me rekomandimet e vitit të kaluar përmes miratimit të ligjit për sigurimin e detyrueshëm në sektorin e transportit”.
Pse kompanitë e mëdha shqiptarë nuk publikojnë të dhënat vjetore - Nga 30 kompani, vetëm 1 subjekt me aksionerë shqiptarë i bën publike rregullisht
Taksapaguesit privatë më të mëdhenj në Shqipëri me pronësi shqiptare, ngurrojnë të publikojnë të dhëna vjetore. Ky standard zbatohet kryesisht nga......
Rriten ndjeshëm çmimet e karburanteve! Nafta 245 lekë/litër, benzina 204 lekë/litër, gazi nuk ndryshon!
Me arsyetimin se çmimet në bursë janë rritur ndjeshëm, Bordi i Transparencës ka publikuar çmimet e reja të tregtimit të karburanteve në Shqipëri. Nafta ka......
500 mijë bileta avioni falas për të ringjallur turizmin – Hong Kongu i gatshëm të paguajë udhëtimet e vizitorëve!
Pas më shumë se dy vitesh të mbyllur për botën, Hong Kongu është aq i dëshpëruar për vizitorët sa është i gatshëm të paguajë për udhëtimet e tyre. Këtë javë......
Limitarizmi ekonomik: Kur një miliard dollarë është shumë?!
Kur dikush mund të ofrojë mbi 40 miliardë dollarë për Twitter, urat pothuajse çmontohen për të lëvizur mega-jahtet dhe të pasurit vazhdojnë të pasurohen, një......
Të jetosh në një “kuti këpucësh”! Banesat prej 9 metra katrorë janë moda e fundit e Tokjos
Çmimet e pasurive të paluajtshme në Tokio, një nga metropolet me popullsi më të dendur në botë, janë aq të larta sa apartamentet e vogla janë të famshme në......
Projekti 20 miliardë dollarë i energjisë diellore - Miliarderi Australian, në krye të kompanisë për ndërtimin e kabllos nënujore 4,500 km
Manjati australian i softuerit, Mike Cannon-Brookes, u emërua në krye të start-up-it të energjisë së pastër, Sun Cable, i cili po kërkon të sigurojë fonde për......
Britania, 3 orë ndërprerje energjie në dimër?! Sipas Operatorit Kombëtar të Energjisë, kjo mund të ndodhë nëse pakësohet furnizimi me gaz
Familjet britanike dhe bizneset mund të përballen me ndërprerje të energjisë deri në tre orë në ditë këtë dimër nëse furnizimet me gaz do të jenë edhe më të......
Google prezanton smartwatch - Do të dalë në shitje më 13 tetor për 349,99 dollarë
Ora inteligjente e Google do të dalë në shitje më 13 tetor për 349,99 dollarë, tha kompania Alphabet, duke hyrë në territorin e dominuar nga Apple Watch në një......
