Bankat përballë dëmeve nga protestat, del bilanci zyrtar për degët dhe bankomatet e shkatërruar
Protestat e ditëve të fundit në Shqipëri, krahas personave të lënduar nga radhët e protestuesve dhe forcave të rendit, janë shoqëruar edhe me dëmtime të konsiderueshme të infrastrukturës bankare. Për herë të parë është bërë publik një bilanc zyrtar i degëve dhe bankomateve të dëmtuara në të gjithë vendin.
Ministrja e Ekonomisë dhe Inovacionit, Delina Ibrahimaj, ka bërë të ditur se gjatë protestave janë dëmtuar 38 degë bankare dhe 42 bankomate, duke cenuar ofrimin e shërbimeve të përditshme për qytetarët dhe bizneset.
Shifrat tregojnë përmasat e dëmtimeve të raportuara në sektorin bankar, ndërsa mbetet ende për t'u përcaktuar vlera financiare e tyre, numri i pikave të shërbimit që vijojnë të jenë jashtë funksionit dhe koha që do të nevojitet për rikthimin e plotë të aktivitetit.
Dy ditë më parë, ministrja kishte raportuar mbi 15 filiale bankare të dëmtuara, duke garantuar njëkohësisht se depozitat e qytetarëve janë të sigurta dhe se sistemi bankar mbetet i qëndrueshëm.
Ndërkohë, Shoqata Shqiptare e Bankave ka konfirmuar se situata e krijuar gjatë protestave ka ndikuar në funksionimin normal të një pjese të rrjetit bankar.
Sipas Shoqatës, për shkak të zhvillimeve në terren dhe nevojës për të garantuar sigurinë e klientëve dhe punonjësve, një pjesë e mirë e bankave kanë operuar përkohësisht me numër të reduktuar degësh ose me orar të kufizuar. Në raste të caktuara, shërbimet nuk janë ofruar me kapacitetin dhe standardin e zakonshëm.
Shoqata u ka kërkuar mirëkuptim klientëve për vonesat dhe vështirësitë e krijuara, duke sqaruar se veprimtaria e degëve do të vijojë në varësi të kushteve të sigurisë dhe vendimeve të secilës bankë.Për të shmangur lëvizjet e panevojshme, qytetarëve dhe bizneseve u rekomandohet të konsultojnë paraprakisht njoftimet zyrtare të bankave dhe, kur është e mundur, të përdorin shërbimet digjitale për pagesat, transfertat dhe transaksionet e tjera.
Pavarësisht dëmtimeve dhe kufizimeve të përkohshme në shërbime, Shoqata Shqiptare e Bankave thekson se pasojat e evidentuara janë materiale dhe se dëmtimi i ambienteve apo pajisjeve bankare nuk cenon në vetvete depozitat e klientëve dhe funksionimin e sektorit bankar.
Bankat, sipas Shoqatës, vijojnë të zbatojnë masat për sigurinë, vazhdimësinë e aktivitetit dhe mbrojtjen e interesave të klientëve.
Reagimi i bizneseve ndaj protestave në Tiranë, solidaritet dhe masa për mbrojtjen e pronës
Nga mesazhet e solidaritetit me protestuesit te masat për mbrojtjen e pronës, bizneset në Tiranë po reagojnë në mënyra të ndryshme ndaj situatës së krijuar......
Europa përfshihet në protesta, nga Parisi në Milano. Manifestime në Francë, Itali, Belgjikë, Portugali dhe Spanjë
Një fundjavë protestash në disa vende europiane, ku mijëra qytetarë kanë dalë në rrugë me kërkesa që lidhen me koston e jetesës, arsimin, pagat dhe strehimin.......
Shpenzimet qeveritare, deficiti buxhetor i SHBA-së i afrohet kufirit të dy trilionë dollarëve
Deficiti buxhetor i Shteteve të Bashkuara të Amerikës arriti në 1.99 trilionë dollarë në vitin fiskal 2026, duke shënuar nivelin më të lartë në pesë vjet dhe......
Nga hekurudhat te Brezovica, projektet dhe kërkesat që ka Oda Ekonomike e Kosovës
Kryetari i Odës Ekonomike të Kosovës, Lulzim Rafuna, ka kërkuar që institucionet të përqendrohen në një agjendë të qartë ekonomike, me reforma fiskale,......
Protestat e dhunshme në Francë, digjet ndërtesa 140 vjeçare e bashkisë së Limoges
Protestat e mëdha që u zhvilluan në të gjithë Francën të shtunën u shndërruan në të dhunshme në një numër pjesësh të vendit, ndërsa demonstruesit u përleshën......
“Frymëzim francez”, Belgjikë, Itali dhe Portugali: Të rinjtë në rrugë për kostot e arsimit dhe jetesës
Në protestat e frymëzuara pjesërisht nga ato në Francë, disa qindra njerëz, kryesisht të rinj, protestuan në Bruksel dhe disa u përleshën me policinë. Grupet......
Franca në flakë, protestat masive shndërrohen në trazirat më të këqija të viteve të fundit
Trazirat shpërthyen në qytete anembanë Francës të shtunën, ndërsa demonstratat kundër rritjes së kostove të jetesës dhe rënies së shërbimeve publike dolën......
Selia 2 e Bankës së Shqipërisë e djegur, çfarë mbeti pas zjarreve të djeshme të protestuesve
Mure të nxira, fasadë e shkrumbuar dhe një skelet i çuditshëm hekuri i ekspozuar shihen te Gjykata e Lartë. Ndërsa te zyrat e Bankës së Shqipërisë te......
