Europa përfshihet në protesta, nga Parisi në Milano. Manifestime në Francë, Itali, Belgjikë, Portugali dhe Spanjë
Një fundjavë protestash në disa vende europiane, ku mijëra qytetarë kanë dalë në rrugë me kërkesa që lidhen me koston e jetesës, arsimin, pagat dhe strehimin. Manifestime janë regjistruar në Francë, Itali, Belgjikë dhe Portugali, ndërsa në Spanjë vijon mobilizimi për krizën e banesave. Në disa qytete protestat janë shoqëruar me përplasje mes grupeve të demonstruesve dhe forcave të rendit.
Franca ka regjistruar një prej mobilizimeve më të mëdha të kësaj fundjave. Më 17 tetor, demonstrata u zhvilluan në Paris, Lion, Marsejë, Lilë dhe qytete të tjera. Protestat, të cilat fillimisht u përqendruan te kushtet në shkolla dhe financimi i arsimit, janë zgjeruar duke përfshirë kërkesa për përmirësimin e shërbimeve publike, rritjen e fuqisë blerëse dhe uljen e pabarazive sociale. Ndërsa shumë marshime u zhvilluan në mënyrë paqësore, në disa qytete pati përplasje me policinë, zjarre dhe dëmtime të ndërtesave publike e aktiviteteve tregtare.
Në Itali, protesta kundër shtrenjtimit të jetesës dhe çmimeve të karburanteve u organizuan në Milano, Torino, Bolonja dhe qytete të tjera. Incidentet më të rënda u regjistruan në Milano, ku grupe të rinjsh u përplasën me policinë në zonën e sheshit Duomo. U raportuan persona të plagosur, të ndaluar dhe dëme materiale. Në Romë, ndërkohë, sindikata CGIL organizoi një manifestim me kërkesa për paga më të larta, mbrojtjen e punonjësve dhe forcimin e shërbimeve publike.
Edhe Belgjika është përfshirë nga protestat studentore. Në Bruksel dhe Liezh, të rinjtë kanë kundërshtuar rritjen e kostove të arsimit dhe reformat që, sipas tyre, mund ta bëjnë më të vështirë ndjekjen e studimeve. Në kryeqytetin belg u regjistruan përplasje me policinë, e cila përdori gaz lotsjellës dhe autobote me ujë, ndërsa manifestimi në Liezh u zhvillua kryesisht në mënyrë paqësore.
Në Portugali, demonstratat janë përqendruar te pagat dhe strehimi. Dhjetëra mijëra qytetarë morën pjesë në marshimin e organizuar në Lisbonë më 17 tetor nga konfederata sindikale CGTP. Protestuesit kërkuan rritje pagash dhe pensionesh, si edhe masa për përballimin e çmimeve të banesave dhe qirave. Mobilizime janë zhvilluar edhe në Porto dhe qytete të tjera.
Në Spanjë, protestat për krizën e strehimit kanë vijuar gjatë tetorit. Në Madrid, Barcelonë, Valencia dhe qytete të tjera, organizatat e qiramarrësve kanë kërkuar masa kundër rritjes së qirave dhe dëbimeve nga banesat. Në kryeqytetin spanjoll, aktivistët kanë ngritur edhe një kamp proteste në sheshin Puerta del Sol.
Megjithëse protestat në këto vende zhvillohen në të njëjtën periudhë, ato kanë organizatorë, kërkesa dhe rrethana të ndryshme. Në një pjesë të tyre mbizotërojnë shqetësimet për fuqinë blerëse dhe koston e jetesës, në të tjera kërkesat për arsim, strehim dhe ndryshime politike.
Shpenzimet qeveritare, deficiti buxhetor i SHBA-së i afrohet kufirit të dy trilionë dollarëve
Deficiti buxhetor i Shteteve të Bashkuara të Amerikës arriti në 1.99 trilionë dollarë në vitin fiskal 2026, duke shënuar nivelin më të lartë në pesë vjet dhe......
Nga hekurudhat te Brezovica, projektet dhe kërkesat që ka Oda Ekonomike e Kosovës
Kryetari i Odës Ekonomike të Kosovës, Lulzim Rafuna, ka kërkuar që institucionet të përqendrohen në një agjendë të qartë ekonomike, me reforma fiskale,......
Protestat e dhunshme në Francë, digjet ndërtesa 140 vjeçare e bashkisë së Limoges
Protestat e mëdha që u zhvilluan në të gjithë Francën të shtunën u shndërruan në të dhunshme në një numër pjesësh të vendit, ndërsa demonstruesit u përleshën......
“Frymëzim francez”, Belgjikë, Itali dhe Portugali: Të rinjtë në rrugë për kostot e arsimit dhe jetesës
Në protestat e frymëzuara pjesërisht nga ato në Francë, disa qindra njerëz, kryesisht të rinj, protestuan në Bruksel dhe disa u përleshën me policinë. Grupet......
Franca në flakë, protestat masive shndërrohen në trazirat më të këqija të viteve të fundit
Trazirat shpërthyen në qytete anembanë Francës të shtunën, ndërsa demonstratat kundër rritjes së kostove të jetesës dhe rënies së shërbimeve publike dolën......
Selia 2 e Bankës së Shqipërisë e djegur, çfarë mbeti pas zjarreve të djeshme të protestuesve
Mure të nxira, fasadë e shkrumbuar dhe një skelet i çuditshëm hekuri i ekspozuar shihen te Gjykata e Lartë. Ndërsa te zyrat e Bankës së Shqipërisë te......
“Deri dje 50 biznese të dëmtuara, kryesisht sportele”, Rama: Dëmi më i vogël nga se amplifikohet
Kryeministri Edi Rama në reagimin e tij për protestën ka dhënë edhe një shifër të bizneseve të dëmtuasra nga protesta. Sipas kreut të qeverisë dëmi është më I......
Kryeministri Rama: Pas maskave janë dashakeqët e Shqipërisë, duan të na fusin në kurthin e dhunës
Kryeministri Edi Rama ka bërë mëngjesin e sotëm një reagim të gjatë për protestën që prej pesë ditësh po zhvillohet në Tiranë. Rama ka deklaruar se është......
